ఆహార భద్రతకు ఎక్కువ ప్రాధాన్యం ఇచ్చే చైనాలో ఆహార సంక్షోభం రానుందా..? అధ్యక్షుడు షీ జిన్ పింగ్ చేసిన ‘ఆపరేషన్ క్లీన్ ప్లేట్ 2.0’ మాటే ఇందుకు నిదర్శనం అంటున్నారు. దేశంలో ఆహార వృధా ఎక్కువవుతోందని ఇటివల ఆయన వ్యాఖ్యలు చేశారు. దీంతో అధ్యక్షుడి ఆదేశాలను పాటించడం ప్రారంభించారు.
నిజానికి 2013లోనే ‘ఆపరేషన్ ఎమ్టీ ప్లేట్’ ఆహార వృధాను తగ్గించాలని ప్రవేశపెట్టారు. అప్పట్లో అధికారులను మాత్రమే ఇందులో భాగస్వాములను చేస్తే.. ప్రస్తుత ఆపరేషన్ ప్రజలను కూడా చేర్చారు. దీంతో ఒక ఉద్యమంలా దీనిని పాటించబోతున్నారు.
దేశంలో ప్రస్తుత ఆపరేషన్ లో భాగంగా ఎన్-1 విధానం ప్రవేశపెడుతున్నారు. దీనివల్ల 10 మంది గ్రూపుగా ఆహారం కోసం వెళ్తే 9మందికే సరిపడా ఆహారమే ఇవ్వాలి. పార్శిల్ విషయంలో కూడా ఈ నిబంధన పాటించనున్నారు. విద్యార్ధులకు పాఠశాల స్థాయిలోనే ఆహార వృధాపై అవగాహన కల్పించాలని భావిస్తున్నారు. ఇందుకు కారణాలు లేకపోలేదు.
గతేడాదితో పోలిస్తే చైనాలో ఎక్కువగా పండించే గోధుమలు 20 శాతం తగ్గాయి. భారీ వరదలు, అమెరికా, భారత్, వియత్నాం నుంచి వచ్చే దిగుమతులపై ఆంక్షలు విధించడంతో చైనా దిద్దుబాటు చర్యలకు దిగబోతోంది. చైనాలో 30 శాతం ఆహార అవసరాలు దిగుమతులే తీరుస్తాయని సమాచారం.
చైనాలో ఆహార సంక్షోభం రావొచ్చనే సంకేతాల్ని కొన్ని ప్రముఖ మీడియా సంస్థలు కూడా ఊటంకిస్తున్నాయి. ఆహార ధాన్యాల ధరలు పెరగడం, సప్లయ్ లో ఒడిదుడుకులు రావడమే ఇందుకు ఉదాహరణగా పేర్కొంటున్నాయి. మొక్కజొన్నల ధరలు కూడా భారీగా పెరగడం మరో ఉదాహరణ అంటున్నాయి.
కొంతకాలంగా చైనా నిల్వ ఆహారాలైన సోయాబీన్, గోధుమలు, పంది మాంసం.. తదితరాలను ఎక్కువగా దిగుమతి చేసుకుంది. ఈ ఉదాహరణలు, చైనా అధ్యక్షుడి ప్రకటన.. చైనా ఆహార సంక్షోభాన్ని ఎదుర్కోబోతోందనడానికి ఉదాహరణ అని అంటున్నారు. ఇప్పటికే యూట్యూబ్స్ లొ పలు వీడియోలు కూడా తొలగించేస్తున్నారు. అధ్యక్షుడి ఆజ్ఞలు పాటిస్తున్నారు.
627125 68762I got what you mean , saved to bookmarks , extremely decent internet site. 720352
434103 980111If you are interested in envision a alter in distinct llife, starting up usually the Los angeles Surgical procedures fat reduction method is really a large movement so that you can accomplishing which usually idea. lose belly fat 484157