ఎన్నికల్లో గెలుపోటములు సహజం కానీ.. దశాబ్దాల రాయలసీమ చరిత్రకు ఇంకా రక్తపు మకిలి అంటిస్తున్న దానికి కారకులు ఎవరు అంటే ఎవ్వరూ కూడా ఖచ్చితమైన సమాధానం ఇవ్వలేరు. చాలాకాలంగా హింసకు పెద్దగా తావులేకుండా ప్రశాతంగా ఉన్న సీమలో ఎన్నికలు తిగిరి చిచ్చురేపాయి. ఈ కారు చిచ్చు ఎన్నటికి ఆరిపోతుందో తెలియనంతగా అది దావాళంగా వ్యాపిస్తోంది.
నిన్న తాడిపత్రి నియోజకవర్గంలోని ఈరాపురం గ్రామంలో జరిగిన హత్యాకాండకు ఎవరు బాధ్యులు. ఇరు కుటుంబాలు కూడా దగ్గరి బందువులే అయినా.. రాజకీయంగా ఏకచత్రాధిపత్యంతో ఏలుతున్న జేసీ కుటుంబానికి పెట్టనికోటలోకి ఈసారి ఏజెంట్లు గట్టిగా కూర్చోవడంతో అవతలివారు సహించలేక ఇలాంటి దాడులకు తెగబడటం నిజంగా హర్షించదగ్గది కాదు. ప్రస్తుతం ఇరు కుటుంబాలు కుటుంబ పెద్దను కోల్పోయి రోడ్డునపడ్డాయి. ఈ అవేశం ఇంతటితో ఆగేలా కనిపించడంలేదు.
పరామర్శతో ప్రాణాలు వస్తాయా..!
ప్రస్తుతం అనంతపురంలోని తాడిపత్రి నియోజకవర్గంలో దశాబ్ధాలుగా జేసీకి అడ్డాగా, వారికి కంచుకోటగా నిలిచింది. అలాంటి వాటిలోకి కేతిరెడ్డి పెద్దారెడ్డి రూపంలో బలమైన ప్రత్యర్థి రావడంతో ఈ హత్యాకాండకు మూలాలు తిరిగి ఏర్పడ్డాయి. కేవలం జేసీ కుటుంబం ఒక్కటే అక్కడ రాజ్యం ఏలతూ ఉండగా కేతిరెడ్డి రూపంలో ఒక వర్గానికి బలమైన అండ దొరకడంతో వారు సంయమనాన్ని కోల్పోయి హత్యలకు దారితీసేలా చేశాయి.
జేసీ కుటుంబం నుంచి ప్రభాకర్రెడ్డి తనయుడు జేసీ అస్మిత్రెడ్డి బరిలో ఉన్నారు. వైకాపా నుంచి కేతిరెడ్డి పెద్దారెడ్డి బరిలో ఉండగా.. ఇప్పుడు ఇద్దరూ చనిపోయిన వారికి పరామర్శించి వచ్చారు. కానీ పోయిన ప్రాణాలు తిరిగి తీసుకురాగలరా..? వారి కుటుంబానికి ఎల్లకాలం భరోసాను ఎవరు ఇస్తారు. జేసీ కుటుంబం ఓడిపోతే ఆయనకు పెద్దగా ఒరిగేది ఏమి ఉండదు.. హాయిగా తన వ్యాపారాలు తాను చేసుకుంటాడు. ఇటు పెద్దారెడ్డి ఓడినా అంతే. కానీ మద్యలో సామాన్య కార్యకర్తలు కేవలం పోలింగ్ ఎజెంట్లుగా నిలిచిన వారు ప్రాణాలు కోల్పోయారు.
ప్రశాంతంగా ఉన్నసీమలో ఈ ఎన్నికలు చిచ్చుపెట్టడం నిజంగా బాధాకరం. నాయకుల కోసం సామాన్యులు తమ ప్రాణాలు తీసుకుని సాధించేది ఏముందని ఒకసారి ఆలోచించాలి. మీతోపాటు మీ కుటుంబ సభ్యులు వీధిన పడతారని ఒకసారి ఆలోచిస్తే ఇలాంటి మారణకాండలు జరిగే అవకాశం ఉండదని గుర్తించాలి. ఇరుపార్టీల నాయకులు తమ కార్యకర్తలకు ఇలాంటి నేర్పును చెప్పగలిగితే ప్రజాస్వామ్యం పరిడవిల్లుతుంది. లేదంటే సీమ అంటే ఎన్నటికీ నెత్తిటి మరకే అన్న అపవాదు శాశ్వతంగా నిలిచిపోతుంది.
840572 106709I like what you guys are up also. Such intelligent work and reporting! Maintain up the superb works guys Ive incorporated you guys to my blogroll. I believe itll improve the value of my site . 84081