అన్నీ అనుకున్నట్లు జరిగితే, నాలుగు నెలల్లోనే విశాఖపట్నంకు ఎగ్జిక్యూటివ్ క్యాపిటల్ హోదా వస్తుందన్న ఆశాభావం వ్యక్తం చేస్తోంది అధికార పార్టీ. వైసీపీ ముఖ్య నేత, ప్రభుత్వ సలహాదారు సజ్జల రామకృష్ణారెడ్డి, విశాఖ ఎగ్జిక్యూటివ్ క్యాపిటల్ విషయమై ఇటీవల సంచలన వ్యాఖ్యలు చేసిన విషయం విదితమే. అయితే, త్రీ క్యాపిటల్స్.. అంటూ రాష్ట ప్రభుత్వం చట్టం చేసినా, దానికి హైకోర్టు షాకిచ్చింది. ప్రస్తుతం మూడు రాజధానుల వ్యవహారంపై ‘స్టేటస్ కో’ నడుస్తోంది.
అయితే, తెరవెనుకాల మాత్రం విశాఖకు క్యాపిటల్ (ఎగ్జిక్యూటివ్) తరలించేందుకోసం అధికార పార్టీ సన్నాహాలు జోరుగా చేసేస్తోంది. వైసీపీ ముఖ్య నేత, ఆ పార్టీ రాజ్యసభ సభ్యుడు విజయసాయిరెడ్డి సహా పలువురు ఇతర ముఖ్య నేతలు ఇదే పనిలో బిజీగా వున్నారు. ఇంకోపక్క అధికార యంత్రాంగం కూడా, విశాఖలో ఎక్కడ ఏయే కార్యాలయాలు వుండాలన్నదానిపై ఎప్పటికప్పుడు సమక్షిస్తూనే వున్నారు. కోర్టు గనుక స్టేటస్ కో ఆదేశాలు రద్దు చేస్తే, ఆ వెంటనే విశాఖకు ఎగ్జిక్యూటివ్ క్యాపిటల్ని తరలించేందుకు ముందస్తు ఏర్పాట్లు ఈలోగానే పూర్తి చేసెయ్యాలన్నది అధికార పార్టీ ఆలోచనగా కనిపిస్తోంది.
మరి, అమరావతి ఉద్యమం సంగతేంటి.? అంటే, అదసలు ఉద్యమమే కాదన్నది వైసీపీ ఉవాచ. విశాఖ ఎగ్జక్యూటివ్ క్యాపిటల్ సరే.. కర్నూలు మాటేమిటి.? అన్న ప్రశ్నకు అధికార పార్టీ నుంచి స్పష్టత కొరవడుతోంది. తొలుత కర్నూలుకి సమాధానం చెప్పకుండా విశాఖ మీద అతి ప్రేమ చూపిస్తే మాత్రం రాష్ట్రంలో ప్రాంతాల మధ్య చిచ్చు రేగుతుందనే భావన రాజకీయ విశ్లేషకుల నుంచి వ్యక్తమవుతోంది. కాగా, ముఖ్యమంత్రి నివాసం, సెక్రెటేరియట్, పలు ప్రభుత్వ కార్యాలయాలకు సంబంధించి విశాఖపట్నంలో కొన్ని కాలేజీలు, అందుబాటులో వున్న కొన్ని ప్రభుత్వ భవనాల్ని దాదాపుగా ఖరారు చేసేశారన్నది ప్రముఖంగా వినిపిస్తోన్న వాదన.
‘ఇదిగో, ఇదే ఫలానా ప్రభుత్వ కార్యాలయం కోసం ఎంపిక చేయబడిన భవనం.. ఇదిగో, ముఖ్యమంత్రి ఇక్కడే వుంటారట.. ఇదిగో, ఇక్కడే ఫలానా ప్రభుత్వ కార్యాలయ నిర్మాణం జరగబోతోందట..’ అంటూ విశాఖలో ఎక్కడికక్కడ జనం చర్చించుకుంటున్నారు.. అదే సమయంలో, అధికార పార్టీ నేతలు.. ఈ పేరు చెప్పి, తమ భూముల విలువ పెంచుకుంటూ పోతున్నారు.
699139 187027Someone essentially lend a hand to make critically articles Id state. That is the 1st time I frequented your site page and so far? I amazed with the research you produced to create this actual post extraordinary. Wonderful activity! 239625
874685 165612Its like you read my mind! You appear to know a good deal about this, like you wrote the book in it or something. I feel that you could do with several pics to drive the message home a bit, but other than that, this is amazing blog. A fantastic read. Ill surely be back. 334804