సూపర్ స్టార్ మహేష్ బాబు హీరోగా తెరకెక్కుతున్న చిత్రం గుంటూరు కారం. ఈ సినిమా షూటింగ్ ప్రస్తుతం శరవేగంగా జరుగుతోంది. అయితే ఎందుకనో గుంటూరు కారం షూటింగ్ పై చాలా మందికి చాలా సందేహాలు ఉన్నాయి. ఈ సినిమా సంక్రాంతి రేసు నుండి అవుట్ అవుతుందని రూమర్లు షికార్లు చేస్తున్నాయి.
అయితే ఈ మధ్యనే నిర్మాత నాగవంశీ జనవరి 12న గుంటూరు కారం విడుదలై తీరుతుందని కుండబద్దలు కొట్టి చెప్పిన విషయం తెల్సిందే. ఇదిలా ఉంటే దసరాకు ఈ సినిమాకు సంబంధించి మొదటి సింగిల్ వస్తుందని మొదట అన్నారు. ఆ తర్వాత ఫస్ట్ సింగిల్ కు సంబంధించిన అప్డేట్ వస్తుందని ఆశించారు.
కానీ ఆ రెండూ కూడా ఈ దసరాకు జరగలేదు. కేవలం ఒక పోస్టర్ తో సరిపెట్టేసారు. దీంతో మళ్ళీ అనుమాన మేఘాలు కమ్ముకున్నాయి. నిజంగానే గుంటూరు కారం షూటింగ్ సజావుగానే సాగుతోందా అని అనుమానిస్తున్నారు మహేష్ అభిమానులు.