రాశి ఫలాలు: శనివారం 13 మార్చి 2021

పంచాంగం

శ్రీ శార్వరి నామ సంవత్సరం ఉత్తరాయణం శిశిర ఋతువు మాఘమాసం కృష్ణ పక్షం

సూర్యోదయం: ఉ.6:13
సూర్యాస్తమయం: సా.6:05
తిథి: అమావాస్యమ.3:07 వరకు తదుపరి ఫాల్గుణ శుద్ధ పాడ్యమి
సంస్కృతవారం: స్థిర వాసరః
నక్షత్రము: పూర్వాభాద్ర రా.11:34 వరకు తదుపరి ఉత్తరాభాద్ర
యోగం: సాధ్య ఉ.7:41 వరకు
కరణం: నాగవ ప.3:07 వరకు తదుపరి స్తుఘ్నమ
వర్జ్యం: శేషం ఉ.6:13 నుండి 6:57
దుర్ముహూర్తం: ఉ.6:13నుండి ఉ.7:48
రాహుకాలం: ఉ.9:00 నుండి మ.1030 వరకు
యమగండం: మ.1:30 నుండి మ 3:00 వరకు
గుళిక కాలం: ఉ.6:29 నుండి 7:58 వరకు
బ్రాహ్మీ ముహూర్తం: తె.4:53 నుండి ఉ.5:41వరకు
అమృత ఘడియల: మ.3:52 నుండి సా.5:34 వరకు
అభిజిత్ ముహూర్తం: మ.12:02 నుండి మ.12:49 వరకు

ఈరోజు (13-03-2021) రాశి ఫలితాలు

మేషం: చేపట్టిన వ్యవహారాలలో విజయం లభిస్తుంది. బంధు మిత్రుల నుండి శుభకార్యాలకు ఆహ్వానాలు అందుతాయి. కుటుంబ సభ్యులతో దూర ప్రయాణ సూచనలు ఉన్నవి. నిరుద్యోగులకు ఉద్యోగ అవకాశములు దక్కుతాయి. వృత్తి వ్యాపారాలు ఆశించిన స్థాయిలో ఉంటాయి.

వృషభం: ముఖ్యమైన వ్యవహారములలో ఆకస్మిక అవరోధాలు కలుగుతాయి. సన్నిహితులతో వివాదాలు ఉంటాయి. అవసరానికి మించి ఋణాలు చెయ్యవలసి రావచ్చు. కుటుంబ విషయాలు శిరోబాధలు కలిగిస్తాయి. వ్యాపార వ్యవహారాలలో శ్రమాధిక్యత. వృత్తి ఉద్యోగాలలో అధికారుల నుండి సమస్యలు ఉంటాయి.

మిథునం: సమాజంలో ప్రముఖులతో పరిచయాలు పెరుగుతాయి చిన్ననాటి స్నేహితులతో పాత జ్ఞాపకాలు పంచుకుంటారు. నూతన ఉద్యోగ ప్రయత్నాలు కలసివస్తాయి. వాహన, గృహ యోగములు ఉన్నవి. వ్యాపారాల పరంగా ఇబ్బందులు అధిగమించి ముందుకు సాగుతారు.

కర్కాటకం: నిరుద్యోగులకు చాలాకాలంగా ఎదురు చూస్తున్న ఉద్యోగ అవకాశములు లభిస్తాయి. నూతన వ్యవహారాలకు శ్రీకారం చుడతారు. దగ్గరి వారి నుండి కీలక విషయాలు తెలుస్తాయి. గృహమున శుభకార్యాలు జరుగుతాయి. వృత్తి వ్యాపారమున లాభాలు కలుగుతాయి. ఉద్యోగులకు ఉన్నత పదవులు లభిస్తాయి.

సింహం: చేపట్టిన పనులందు ఆటంకాలు తప్పవు. ఆదాయానికి మించిన ఖర్చులు పెరుగుతాయి. ప్రయాణాలలో నష్టాలుంటాయి. ఇంటాబయటా సమస్యలు పెరుగుతాయి. దైవ సంబంధిత కార్యక్రమాలలో ఆసక్తిగా పాల్గొంటారు. వ్యాపారాలు, ఉద్యోగాలలో ఊహించని సమస్యలు ఉంటాయి.

కన్య: చేపట్టిన పనులు మందకొడిగా సాగుతాయి. ఆత్మీయులతో మాట పట్టింపులుంటాయి. ఆర్థిక ఇబ్బందులు పెరుగుతాయి. సంతాన విద్యా విషయాలలో ఊహించని సమస్యలు ఎదురవుతాయి. కొన్ని వ్యవహారాలు అనుకూలించవు. వృత్తి వ్యాపారాలలో ఆందోళనలు పెరుగుతాయి. ఉద్యోగమున సమస్యలు పెరుగుతాయి.

తుల: కొత్త పనులు ప్రారంభించుటకు అనుకూల సమయం. ముఖ్యమైన సమావేశములకు ఆహ్వానాలు అందుతాయి. శుభకార్య విషయాలలో కీలక నిర్ణయాలు తీసుకుంటారు. సంతాన ఉన్నత విద్యా ప్రయత్నాలు కలసివస్తాయి. వాహన లాభం కలుగుతుంది. వృత్తి, ఉద్యోగాలలో ఆశించిన అవకాశములు లభిస్తాయి.

వృశ్చికం: మిత్రుల నుండి విందు వినోద కార్యక్రమాల్లో ఆహ్వానాలు అందుతాయి. పనులలో అప్రయత్న కార్యసిద్ధి కలుగుతుంది. స్ధిరాస్తి సంబంధిత విషయాలలో ఒప్పందాలు చేసుకుంటారు. వాహనాల కొనుగోలుకు ధన సహాయం అందుతుంది. కొత్త పరిచయాలు కలుగుతాయి. వ్యాపార, ఉద్యోగాలలో అభివృద్ధి కలుగుతుంది.

ధనస్సు: సమయస్పూర్తితో అనుకున్న సమయానికి పనులు పూర్తి చేస్తారు. జీవిత భాగస్వామి ఆరోగ్య విషయంలో కొంత శ్రద్ద వహించాలి. బంధు మిత్రుల నుండి ఊహించని మాటలు వింటారు. దూరప్రయాణాలలో అవరోధాలు ఉంటాయి. దైవ దర్శనాలు చేసుకుంటారు వృత్తి, ఉద్యోగాలలో ఒడిదుడుకులు అధికమౌతాయి.

మకరం: ముఖ్యమైన పనుల్లో అవాంతరాలు కలుగుతాయి. ఋణ ప్రయత్నాలు అనుకూలించవు. దగ్గరి బంధువులతో ముఖ్యమైన విషయాలలో మాటలు అదుపులో ఉంచుకోవడం మంచిది. ఆలోచనలలో స్థిరత్వం ఉండదు. తొందరపాటు నిర్ణయాలు చెయ్యడం వలన ఆర్ధిక నష్టాలు ఉంటాయి. నిరుద్యోగ యత్నాలు కలిసిరావు.

కుంభం: చేపట్టిన వ్యవహారాలు సజావుగా సాగుతాయి. ఆత్మీయులతో వివాదాల నుండి పరిష్కారం లభిస్తుంది. దైవ సేవ కార్యక్రమాలకు ఆహ్వానాలు అందుతాయి. భూ సంబంధిత క్రయ విక్రయాలు లాభిస్తాయి. వృత్తి, ఉద్యోగాలలో అదనపు బాధ్యతలను సమర్థ వంతంగా నిర్వహించి అధికారులనుండి ప్రశంసలు పొందుతారు.

మీనం: గృహ నిర్మాణ పనులు వాయిదా వేస్తారు. పనులందు శ్రమ అధికమౌతుంది. ఇతరులతో కొన్ని విషయాలలో విబేదిస్తారు. దాయాదులతో ఆస్తి వివాదాలపై పెద్దల సలహా తీసుకోవడం మంచిది. అనారోగ్య సమస్యలున్నవి. వృత్తి, వ్యాపారాలు మరింత మందకొడిగా సాగుతాయి. ధనమునకు ఇబ్బంది తప్పదు.