రాశి ఫలాలు: బుధవారం 06 జనవరి 2021

పంచాంగం

శ్రీ శార్వరి నామ సంవత్సరం దక్షిణాయనం హేమంత ఋతువు మార్గశిర మాసం కృష్ణపక్షం

సూర్యోదయం: ఉ.6:36
సూర్యాస్తమయం: సా.5:36
తిథి: అష్టమి రా.1:02 వరకు తదుపరి నవమి
సంస్కృత వారం: సౌమ్యవాసరః
నక్షత్రం: హస్త సా.4:38 వరకు తదుపరి చిత్త
యోగం: అతిగండ రా.12:07+ వరకు
కరణం: భాలవ మ.2:05 వరకు తదుపరి కౌలవ రా.2:05 వరకు
వర్జ్యం: రా.12:07 నుండి రా.1:37 వరకు
దుర్ముహూర్తం: ఉ.11:47 నుండి మ.12:31 వరకు
రాహుకాలం: మ.12:00 నుండి మ.1:30 వరకు
యమగండం: ఉ.7:30 నుండి ఉ.9:00 వరకు
గుళిక కాలం: ఉ.10:59 నుండి మ.12:22 వరకు
బ్రాహ్మీ ముహూర్తం: తె.5:15 నుండి ఉ.6:03 వరకు
అమృత ఘడియలు: ఉ.11:21 నుండి మ.12:53 వరకు
అభిజిత్ ముహూర్తం: లేదు

ఈరోజు (06-01-2021) రాశి ఫలితాలు

మేషం: పనులు జాప్యం కలిగినా నిదానంగా పూర్తి చేస్తారు. సన్నిహితుల నుండి ఆకస్మిక ధనప్రాప్తి. నూతన కార్యక్రమాలు ప్రారంభిస్తారు. గృహోపకరణములు కొనుగోలు చేస్తారు. వ్యాపారాలలో నూతన పరిచయాలు లాభిస్తాయి. ఉద్యోగాలలో ఉత్సాహ వాతావరణం ఉంటుంది.

వృషభం: ముఖ్యమైన వ్యవహారాలు మందగిస్తాయి. సంతాన అనారోగ్య సమస్యలు బాధిస్తాయి. ధన సంబంధిత విషయాలు నిరాశ పరుస్తాయి. చేపట్టిన పనులలో శ్రమ తప్పదు. కుటుంబమున ప్రశాంతత ఉండదు. వ్యాపారాల విస్తరణకు ఆటంకాలు కలుగుతాయి, ఉద్యోగాలలో నూతన బాధ్యతలు.

మిథునం: సోదరులతో స్థిరాస్తి వివాదాలు కలుగుతాయి. కుటుంబ వ్యవహారాలలో ఆలోచనలు స్థిరంగా ఉండవు. ముఖ్యమైన పనులలో అవరోధాలు కలుగుతాయి. ఆధ్యాత్మిక కార్యక్రమాలలో పాల్గొంటారు. వ్యాపారాలలో సామాన్య ఫలితాలుంటాయి. ఉద్యోగమున ఊహించని మార్పులుంటాయి.

కర్కాటకం: ధనపరంగా ఇబ్బందులు తొలగుతాయి. విద్యా విషయాలలో నూతన అవకాశము లాభిస్తాయి. ఇంట బయట అందరు మీ మాటతో ఏకీభవిస్తారు. విలువైన వస్తువులు కొనుగోలు చేస్తారు. వ్యాపారాలలో అంచనాలు అందుకుంటారు. వృత్తి, ఉద్యోగాలలో అనుకూల ఫలితాలు కలుగుతాయి.

సింహం: నేత్ర సంబంధిత సమస్యలు కలుగుతాయి. కోపం అదుపులో ఉంచడం మంచిది. ముఖ్యమైన పనులలో వ్యయ ప్రయాసలు తప్పవు. బంధు మిత్రులతో వివాదాలు కలుగుతాయి. ప్రయాణాలు కలిసిరావు. వ్యాపారాలు, ఉద్యోగాలలో ఒత్తిడి అధికమౌతుంది.

కన్య: ముఖ్యమైన వ్యవహారాలలో అవరోధాలు అధిగమిస్తారు. సన్నిహితుల సహాయ సహకారములతో పనులలో విజయం సాధిస్తారు. కుటుంబమున వివాదాలు సర్దుమణుగుతాయి. అన్నివైపుల నుండి ధనదాయం బాగుంటుంది. ఉద్యోగాలలో సరైన నిర్ణయాలు తీసుకుంటారు.

తుల: ఆకస్మిక ధనవ్యయ సూచనలున్నవి. చేపట్టిన పనులు వ్యర్ధంగా మిగులుతాయి. ప్రయాణాలలో శ్రమ తప్పదు. సమాజంలో వ్యతిరేకత పెరుగుతుంది. ఆరోగ్యం అంతగా అనుకూలించదు. వ్యాపారాలు సమస్యాత్మకంగా ఉంటాయి, ఉద్యోగాలలో పై వారినుండి ఒత్తిడి పెరుగుతుంది.

వృశ్చికం: ఆర్ధికలాభాలు ఉంటాయి. శుభకార్య సంబంధిత ఆహ్వానాలు కలుగుతాయి. మిత్రుల వలన కొత్త కార్యక్రమాలు చేపడతారు. గృహమున ప్రశాంత వాతావరణం ఉంటుంది. రియల్ ఎస్టేట్ వ్యాపారులు మంచి లాభాలు పొందుతారు. మీ అంచనాలు నిజమవుతాయి.

ధనస్సు: నిరుద్యోగులకు నూతన అవకాశములు అందుతాయి. వ్యాపార వ్యవహారాలు సాఫీగా సాగుతాయి. కొత్త ఆలోచనలు ఆచరణలో పెడతారు. దీర్ఘ కాలికంగా బంధువులతో ఉన్న వివాదాలు సర్దుకుంటాయి. ఉద్యోగమున శ్రమ అధికంగా ఉన్ననూ బాధ్యతలు సక్రమంగా నిర్వర్తిస్తారు.

మకరం: తల్లి తండ్రులతో మాట పట్టింపులుంటాయి. పనులు ఆకస్మికంగా ఆగిపోతాయి. దైవ దర్శనాలు చేసుకోవడం మంచిది. ఇతరులతో కొత్త సమస్యలు కలుగుతాయి. శరీరం నలత కలుగుతుంది. వ్యాపారాలలో అనుకున్న ఫలితాలు పొందలేరు. ఉద్యోగమున పై వారితో జాగ్రత్తగా వ్యవహరించాలి.

కుంభం: ముఖ్యమైన పనులలో తొందరపాటు నిర్ణయాలు పనిచేయవు. కావలసిన వారినుండి వ్యతిరేకత పెరుగుతుంది. ప్రయాణాలలో జాగ్రత్త అవసరం. ఆధ్యాత్మిక సేవ కార్యక్రమాలకు ఆహ్వానాలు అందుతాయి. భాగస్వామ్య వ్యాపారాలలో విభేదాలు కలుగుతాయి.

మీనం: సోదరుల నుండి శుభకార్య ఆహ్వానాలు అందుతాయి. అన్ని వైపుల నుండి ఆదాయం బాగుంటుంది. ఆర్థికంగా పురోగతి కలుగుతుంది. జీవిత భాగస్వామి తరపు నుండి లాభాలు పొందుతారు. స్థిరాస్తి క్రయ విక్రయాలు కలసివస్తాయి. నూతన ఉద్యోగ యోగమున్నది.