ఆంధ్రప్రదేశ్ రాష్ట్రానికి అతి పెద్ద సమస్యగా మారింది రాజధాని వ్యవహారం. భారతదేశానికి ఒకే రాజధాని వుంది.. అది ఢిల్లీ. కానీ, ఆంధ్రప్రదేశ్కి మాత్రం మూడు రాజధానులు అవసరమయ్యాయి. మింగడానికి మెతుకుల్లేవుగానీ.. మీసాలకు శంపంగె నూనె కావాలన్నాడట వెనకటికి ఒకడు. అలా వుంది ఇప్పుడు ఆంధ్రప్రదేశ్ రాజధాని కహానీ. ఒక్క రాజధానికే దిక్కులేదుగానీ.. మూడు రాజధానులు అవసరమంటూ వైఎస్ జగన్ ప్రభుత్వం చేస్తోన్న పబ్లిసిటీ స్టంట్స్.. రాష్ట్రానికి పెను శాపంగా మారుతున్నాయి.
అభివృద్ధి అటకెక్కి.. ఈ రాజధాని చుట్టూనే రచ్చ జరుగుతోంది. ఓ పక్క కోర్టుల్లో కేసులు.. ఇంకోపక్క రాజధాని అమరావతిలో ఉద్యమాలు.. మరోపక్క రాజకీయ రచ్చ.. ఇదీ ఆంధ్రప్రదేశ్ దుస్థితి. తాజాగా సీఎం క్యాంప్ కార్యాలయం విషయమై హైకోర్టులో విచారణ జరిగింది. ముఖ్యమంత్రి ఎక్కడుంటే అదే రాజధాని.. అన్నది ప్రభుత్వ వాదన. క్యాంప్ కార్యాలయాలనేవి సర్వసాధారణమైన వ్యవహారాలు.
గతంలో చంద్రబాబు, హైద్రాబాద్లో ఒకటి.. అమరావతిలో ఒకటి.. క్యాంప్ కార్యాలయాలు మెయిన్టెయిన్ చేసేవారు. అప్పట్లోనే ఈ విషయమై రాజకీయంగా చాలా విమర్శలొచ్చాయి. ఇప్పుడేమో విశాఖలో క్యాంప్ కార్యాలయం అంటున్నారు. ప్రస్తుతానికి సీఎం జగన్, తన ఇంటినే క్యాంప్ కార్యాలయంగా మలచుకుని విధులు నిర్వహిస్తున్న విషయం విదితమే. సీఎం ఎక్కడుంటే అదే క్యాంప్ కార్యాలయం.. అంటే, ఢిల్లీకి వెళ్ళినప్పుడు అవసరమవుతుంది కాబట్టి, అక్కడ ప్రత్యేకంగా ఓ కార్యాలయం కడతారా.? అన్న ప్రశ్న న్యాయస్థానం యెదుట ఉత్పన్నమయ్యింది.
నిజమే.. ముఖ్యమంత్రి ఎక్కడుంటే అక్కడినుంచే పరిపాలన జరుగుతుంది. కానీ, అలా ముఖ్యమంత్రి ఓ చోట నుంచి పరిపాలన చేయాలి కాబట్టే.. రాజధాని అవసరం. ఈ ఇంగితాన్ని ప్రభుత్వ పెద్దలు ఎలా విస్మరిస్తున్నారో ఏమో.!
అమరావతి నుంచి ఎలాగైనా రాజధానిని తరలించేయాలన్నది అధికార పార్టీ తొందర. కానీ, అందుకు పరిస్థితులు అనుకూలించడంలేదాయె. రాష్ట్రానికి ఇప్పుడు ఏది అత్యవసరం.? అన్న విషయంలో గత చంద్రబాబు ప్రభుత్వమూ సరైన ఆలోచన చేయలేదు. ఇప్పుడు వైఎస్ జగన్ ప్రభుత్వమూ చేయడంలేదు.
అభివృద్ధి కావాలి ఆంధ్రప్రదేశ్కి. ఆ ఒక్కటి తప్ప.. అన్నీ జరుగుతున్నాయి. అభివృద్ధిలేని రాష్ట్రం భవిష్యత్ అగమ్యగోచరం. ఓటు బ్యాంకు రాజకీయాలు.. కక్ష పూరిత రాజకీయాలు అధికారంలో వున్నవాళ్ళు చేస్తే.. అది రాష్ట్ర ప్రజలకు పెను శాపంగా మారుతుంది. క్యాంప్ ఆఫీసులంటూ పబ్లిసిటీ స్టంట్లు చేయాలనుకుంటే జిల్లాకి ఒకటి సరిపోదు.. ఊరికొక సీఎం క్యాంప్ కార్యాలయం అవసరమవుతుందేమో.!
136598 698441I like this website very a lot, Its a rattling good place to read and get info . 256193
546383 299218Thanks for this amazing post! It has long been quite useful. I wish that you will carry on posting your wisdom with us. 152864
566916 941666Right after examine a couple of with the weblog posts on your internet web site now, and I truly like your manner of blogging. I bookmarked it to my bookmark site record and will probably be checking back soon. Pls take a look at my web page as effectively and let me know what you believe. 331975
404593 444696Some genuinely rattling function on behalf with the owner of this web site , utterly wonderful content material material . 410334