రాకెట్లను మొదట్లో సైకిళ్ళ మీద తీసుకెళ్ళాం.. శాటిలైట్లను ఎడ్ల బళ్ళలో తరలించాం.. ఆ స్థాయి నుంచి, ఇప్పుడు ఏ స్థాయికి మన అంతరిక్ష ప్రయోగాలు ఎదిగాయో ప్రత్యేకంగా చెప్పాల్సిన పనిలేదు. ప్రపంచ దేశాలన్నీ భారత్‌ వైపు చూస్తున్నాయి అంతరిక్ష పరిశోధనలకు సంబంధించి. తక్కువ ఖర్చుతో అత్యంత ఖచ్చితత్వంతో అంతరిక్ష ప్రయోగాలు చేయడంలో ‘ఇస్రో’ దిట్ట.. అని ప్రపంచ దేశాలు మనల్ని కొనియాడుతున్న వేళ, అనూహ్యంగా పెద్ద షాక్‌ తగిలింది చంద్రయాన్‌-2 ప్రాజెక్టు చివరి దశలో తలెత్తిన సాంకేతిక సమస్య కారణంగా.
అన్నీ సక్రమంగా జరిగి వుంటే, ఇప్పుడంతా ప్రపంచం, ఇస్రోని కీర్తిస్తూ వుండేది. కానీ, చిన్న సాంకేతిక లోపం.. పరిస్థితిని ఒక్కసారిగా మార్చేసింది. ‘మీరు సాధించినది తక్కువేమీ కాదు.. ముందు ముందు మీ నుంచి అద్భుతాల్ని చూడబోతున్నాం..’ అని ఒక్క పాకిస్తాన్‌ మినహా, ప్రపంచ దేశాలన్నీ కీర్తిస్తున్నాయి. నిజానికి, నిన్న సాయంత్రం నుంచి ఈ రోజు ఉదయం వరకూ ఎవరూ నిద్రపోలేదు. కులమతాలకతీతంగా 130 కోట్ల మంది ప్రజలు తీవ్ర ఉత్కంఠతో ఎదురుచూశారు.
ప్రపంచ దేశాలూ చంద్రయాన్‌-2 ప్రాజెక్టులో ఆఖరి దశ విజయవంతమవ్వాలని ఆకాంక్షించాయి. కానీ, సాంకేతిక లోపం భారత విజయాన్ని 2 కిలోమీటర్ల దూరంలో ఆపేసింది. విజయం సాధించలేదంటే, పరాజయం పాలయ్యామని కానే కాదు. దాదాపు 4 లక్షల కిలోమీటర్ల దూరం ప్రయాణించింది చంద్రయాన్‌ ప్రాజెక్ట్‌. ఈ ప్రాజెక్ట్‌లో కీలక బాగమైన విక్రమ్‌ ల్యాండర్‌, చంద్రుడి మీదకు దిగే క్రమంలో కేవలం 2 కిలోమీటర్ల దూరంలో సాంకేతిక సమస్యను ఎదుర్కొంది.
ప్రయోగం సక్సెస్‌.. అని చెప్పాలనుకున్న ఇస్రో శాస్త్ర వేత్తలకు జస్ట్‌ కొద్ది సెకెన్ల ముందు తీవ్ర నిరాశను మిగిల్చింది. ‘ఏమో, కమ్యూనికేషన్‌ మళ్ళీ పునరుద్ధరణ జరుగుతుందేమో..’ అని ఎదురుచూశారు. కానీ, ఫలితం ‘నెగెటివ్‌’ అని తేలిపోయింది. క్రాష్‌ ల్యాండ్‌ అయ్యిందా.? ఇంకేమైనా జరిగిందా.? అన్నదానిపై సమాచారం కోసం ఇస్రో శాస్త్రవేత్తలు తీవ్రంగా ప్రయత్నిస్తున్నారు. కమ్యూనికేషన్‌ తెగిపోవడమంటే, ప్రాజెక్టు ఫెయిల్‌ అయినట్లే లెక్క.
కానీ, చంద్రయాన్‌-2 పూర్తిగా ఫెయిల్‌ అయ్యిందని అనడానికి వీల్లేదు. చంద్రునికి చాలా చాలా దగ్గరగా వెళ్ళాం. ఇంకా చంద్రయాన్‌-2 ప్రాజెక్ట్‌కి సంబంధించిన ఆర్బిటర్‌, చందమామకి దగ్గరి కక్ష్యలోనే తిరుగుతోంది. నిజానికి, ఇది ఓటమి కానే కాదు.. ఇదొక అనుభవం అంతే. అభివృద్ధి చెందిన దేశాలు ఎన్నో వైఫల్యాల్ని చూశాయి అంతరిక్ష ప్రయోగాల్లో. వ్యోమగాముల్ని కోలల్పోయిన సందర్భాల్ని చూశాం. వాటితో పోల్చితే, ఇదసలు వైఫల్యమే కాదన్నది నిర్వివాదాంశం.
714880 313511Quite usefull weblog. i will follow this weblog. maintain up the excellent work. 510518
197768 868166Some truly nice and utilitarian info on this web web site , likewise I feel the style and style holds amazing capabilities. 883701
782800 387550I visited a lot of website but I believe this one contains something extra in it in it 223182
345482 797293I feel this is finest for you: Soccer, Football, Highlight, Live Streaming 154556
312869 338090Hey! I simply wish to give an enormous thumbs up for the excellent details youve got here on this post. I will likely be coming back to your blog for far more soon. 541021