Tiger: గేదెలు కనిపిస్తే పులి (Tiger) వేటాడి చంపేస్తాయి. పులి కనిపిస్తే గేదెలు తలోదిక్కుకు పారిపోతాయి. కానీ.. మహారాష్ట్రలో ఇందుకు విరుద్ధంగా అద్భుతమే జరిగింది. గేదెలను చంపాలని చూసిన పులిని గేదెలు ఐకమత్యంతో మూకుమ్మడిగా దాడి చేసాయి. ఈ దాడిలో పులి మరణించడం విశేషం. మహరాష్ట్ర (Maharashtra) అటవీప్రాంతంలో జరిగిందీ సంఘటన. అటవీ అధికారులు తెలిపిన వివరాల ప్రకారం..
చంద్రపూర్ జిల్లా మూల్ తాలుకా ఎస్గావ్ గ్రామ శివారులో మేత మేస్తున్న గేదెల మందపై పులి దాడి చేసింది. అయితే.. గేదెలు పారిపోకుండా పులిని కొమ్ములతో దాడి చేశాయి. దాడిలో పులి తీవ్రంగా గాయపడింది. విషయం తెలుసుకున్న అటవీ అధికారులు పులిని చంద్రపూర్ కు తరలించారు. కానీ.. అప్పటికే పులి చనిపోయింది. దాడి దృశ్యాలు అక్కడే ఉన్న పశువుల కాపరులు సెల్ ఫోన్లో చిత్రీకరించారు. ప్రస్తుతం ఈ వీడియో వైరల్ అయింది. అంతకుముందే పులి ఓ పశువుల కాపరిపై దాడి చేయగా గొడ్డలితో ఎదుర్కొని ప్రాణాలు కాపాడుకున్నాడు. కొన్నాళ్లుగా ఈ పులి ప్రజలను భయభ్రాంతులకు గురి చేస్తోంది.
ODD MAN OUT: An injured tiger among the herd of bovines in Chandrapur forest area. The tiger is said to have succumbed to injuries. @ntca_india @MahaForest @SunilWarrier1 @TOI_Nagpur @TOICitiesNews @byadavbjp @SPYadavIFS @SMungantiwar @CMOMaharashtra @etadoba pic.twitter.com/swiTtLkAJa
— Vijay Pinjarkar (@vijaypTOI) July 20, 2023