భారతీయ జనతా పార్టీతో స్నేహం కోరుకుంటోంది వైఎస్సార్ కాంగ్రెస్ పార్టీ. నిన్ననే ఢిల్లీకి వెళ్ళిన వైఎస్సార్సీపీ అధినేత వైఎస్ జగన్ మోహన్రెడ్డి, ప్రధాని నరేంద్ర మోడీతో భేటీ అయ్యారు. అయితే, ఆంధ్రప్రదేశ్ ముఖ్యమంత్రిగా రాష్ట్ర ప్రయోజనాల కోసమే ఆయన ఢిల్లీకి వెళ్ళి, ప్రధానిని కలిశారన్నది వైసీపీ వాదన. కానీ, ‘బీజేపీ – వైసీపీ’ మధ్య స్నేహ బంధం బలపడే క్రమంలో ఇదో కీలకమైన ముందడుగు.. అంటూ వైసీపీ వర్గాల నుంచి లీకులు అందుతున్నాయి.
త్వరలో వైసీపీ, కేంద్రంలోని ఎన్డీయే ప్రభుత్వంలో చేరబోతోందన్నది ఆ లీకుల సారాంశం. కాగా, తమ బంధాన్ని మరింత బలోపేతం చేసుకునేందుకు, కేంద్ర హోంమంత్రి అమిత్ షాతో రేపు వైఎస్ జగన్ భేటీ కాబోతున్నారన్నది ఇంకో ప్రచారం. అయితే, రాష్ట్రానికి సంబంధించి పలు అంశాలపై కేంద్ర హోంమంత్రితో చర్చించేందుకే ముఖ్యమంత్రి హోదాలో వైఎస్ జగన్ ఢిల్లీకి వెళుతున్నారన్నది మరో వెర్షన్.
వైఎస్ జగన్ ఢిల్లీకి వెళ్ళి వచ్చిన వెంటనే, శాసన సభ, శాసన మండలి ప్రోరోగ్ ఆదేశాలు బయటకొచ్చాయి. తద్వారా 3 రాజధానుల అంశం అలాగే సీఆర్డీయే ఉప సంహరణ అంశాలపై ఆర్డినెన్స్ తెచ్చేందుకు ప్రభుత్వానికి అవకాశం కలగనుంది. ఇది ఢిల్లీ పెద్దలు ఇచ్చిన సలహానే.. అన్న చర్చ రాజకీయ వర్గాల్లో జరుగుతోంది.
మరోపక్క, టీడీపీ ముఖ్య నేతలపై ఇటీవల ఐటీ సోదాలకు సంబంధించి ఈ రోజు ఐటీ శాఖ నుంచి ఓ ప్రకటన రావడం కూడా.. పై ప్రచారానికి మరింత బలాన్నిస్తోంది. ‘కేంద్రం – రాష్ట్రం మధ్య సత్సంబంధాలు కొనసాగుతాయి’ అంటూనే, రాష్ట్రంలో జగన్ పాలన పట్ల బీజేపీ నేతల్లో చాలామంది సంతోషంగా వున్నారనీ, వారెవరికీ వైసీపీతో విభేదాల్లేవనీ, భవిష్యత్తులో రెండు పార్టీలూ కలిసి పనిచేసినా ఆశ్చర్యపోవాల్సిన అవసరం లేదని కొందరు వైసీపీ నేతలు ఆఫ్ ది రికార్డ్గా వ్యాఖ్యానిస్తున్నారు.
అదే నిజమైతే, జనసేన పార్టీ పరిస్థితి ఏంటి.? ఈ ప్రశ్నకు సమాధానమిస్తూ కొందరు బీజేపీ నేతలు, ‘కేంద్ర – రాష్ట్ర సంబంధాలు వేరు’ అని చెబుతున్నారు. ‘ఎట్టి పరిస్థితుల్లోనూ వైసీపీతో బీజేపీ కలిసి వెళ్ళే అవకాశమే లేదు’ అని కుండ బద్దలుగొట్టేస్తున్నారు ఏపీ బీజేపీకి చెందిన కొందరు నేతలు. కాగా, తాజా రాజకీయ సమీకరణాలపై జనసేన పార్టీ శ్రేణులు ఆచి తూచి స్పందిస్తున్నాయి.
654038 865625After examine a couple of of the weblog posts inside your web site now, and I truly like your manner of blogging. I bookmarked it to my bookmark website list and may possibly be checking back soon. Pls take a appear at my site as effectively and let me know what you think. 655476
103467 920635I got what you intend, saved to fav, very nice internet site . 862462
674546 928218This web page is known as a stroll-by for all the data you wished about this and didnt know who to ask. Glimpse proper here, and youll positively discover it. 382604