రాశి ఫలాలు: బుధవారం 21 జూలై 2021

పంచాంగం

శ్రీ ప్లవనామ సంవత్సరం దక్షిణాయనం గ్రీష్మ ఋతువు ఆషాఢ మాసం శుక్లపక్షం

సూర్యోదయం: ఉ.5:36
సూర్యాస్తమయం: సా.6:34
తిథి: ఆషాఢ శుద్ధ ద్వాదశి మ.2:38 వరకు తదుపరి త్రయోదశి
సంస్కృతవారం: సౌమ్యవాసరః (బుధవారం)
నక్షత్రము: జ్యేష్ఠ సా.5:40 వరకు తదుపరి మూల
యోగం: బ్రహ్మం మ.3:47వరకు తదుపరి ఐంద్రం
కరణం: భాలవ మ.2:38 వరకు తదుపరి కౌలవ రా.2:59 వరకు
వర్జ్యం: రా.1:09 నుండి 2:39 వరకు
దుర్ముహూర్తం: ఉ.11:40నుండి మ.12:32 వరకు
రాహుకాలం: మ.12:00 నుండి 1:30 వరకు
యమగండం:ఉ.7:30 నుండి 9:00 వరకు
గుళికా కాలం : ఉ.10:45 నుండి మ.12:22 వరకు
బ్రాహ్మీ ముహూర్తం: తె.4:19 నుండి తె.5:07 వరకు
అమృతఘడియలు:ఉ.10:26 నుండి 11:54 వరకు
అభిజిత్ ముహూర్తం: లేదు

ఈరోజు (21-07-2021) రాశి ఫలితాలు

మేషం: శారీరక మానసిక అనారోగ్య సమస్యలు భాదిస్తాయి. ఇతరులపై మీ అభిప్రాయం మార్చుకోవడం మంచిది. అనుకున్న సమయానికి పనులు పూర్తికాక చికాకులు పెరుగుతాయి. వృత్తి ఉద్యోగాలలో అధికారుల ఆగ్రహానికి గురికావలసి వస్తుంది. కుటుంబ సభ్యులతో చిన్నపాటి వివాదాలు ఉంటాయి.

వృషభం: నూతన వస్తు వాహన సౌకర్యాలు పొందుతారు. శారీరక మానసిక ఆనందానికి కొదవ ఉండదు. చేపట్టిన ప్రయత్నాలు ఫలిస్తాయి. సమాజంలో కీర్తి ప్రతిష్టలు పెరుగుతాయి. ధనాదాయం బాగుంటుంది. ఉద్యోగులకు నూతన అవకాశములు అందుతాయి. బంధు మిత్రుల సమాగమనం ఆనందం కలిగిస్తుంది.

మిథునం: చిన్ననాటి మిత్రులతో విందు వినోదాది కార్యక్రమాలలో పాల్గొంటారు. పితృ వర్గం నుండి శుభకార్య ఆహ్వానాలు అందుతాయి. నిరుద్యోగులకు నూతన అవకాశాలు లభిస్తాయి. చేపట్టిన వ్యవహారాలు మరింత అనుకూలంగా సాగుతాయి. వృత్తి వ్యాపారాలలో పెట్టుబడులకు తగిన లాభాలు అందుకుంటారు.

కర్కాటకం: ప్రయాణాలలో మార్పులు చోటుచేసుకుంటాయి. చేపట్టిన పనులలో తొందరపాటు పనిచేయదు. కుటుంబ సభ్యుల ప్రవర్తన వలన మానసిక ఒత్తిడి పెరుగుతుంది. వ్యాపారాలలో భాగస్తులతో సమస్యలు పెరుగుతాయి. వృత్తి ఉద్యోగ విషయాలలో స్థిరత్వం లోపిస్తుంది. సంతాన విద్యా విషయాలు నిరాశ పెరుగుతుంది.

సింహం: చేపట్టిన పనులలో వ్యయ ప్రయాసలు అధికమై ఆటంకాలు కలుగుతాయి. కొన్ని వ్యవహారాలలో బంధువుల నుంచి విమర్శలు అధికమౌతాయి. నిరుద్యోగులకు లభించిన అవకాశములు సద్వినియోగం చేసుకోవాలి. ఆధ్యాత్మిక చింతన పెరుగుతుంది. నూతన వ్యాపార ప్రయత్నాలు వాయిదా వెయ్యడం మంచిది.

కన్య: సన్నిహితుల నుండి ఆసక్తికర సమాచారం సేకరిస్తారు. సమాజంలో ప్రముఖుల నుండి అరుదైన ఆహ్వానాలు అందుతాయి. సోదరులతో స్ధిరాస్తి వివాదాలు పరిష్కారమౌతాయి. చేపట్టిన పనులు సకాలంలో పూర్తిచేస్తారు. వృత్తి వ్యాపారాలు మరింత ఉత్సాహంగా సాగుతాయి. ఉద్యోగులకు శుభవార్తలు అందుతాయి.

తుల: ఆత్మీయులతో మనస్పర్ధలు పెరుగుతాయి. ఇతరుల విషయాలలో జోక్యం చేసుకోకుండా ఉండటం మంచిది. ప్రయాణాలలో వాహన ఇబ్బందులు కలుగుతాయి. చేపట్టిన పనులు మందకొడిగా సాగుతాయి. వృత్తి వ్యాపారాలలో నిరుత్సాహ వాతావరణం ఉంటుంది. నేత్ర సంభందిత అనారోగ్య సమస్యలు ఇబ్బంది కలిగిస్తాయి.

వృశ్చికం: పాత మిత్రుల నుండి శుభకార్య ఆహ్వానాలు అందుతాయి. గృహమున విందు వినోదాది కార్యక్రమాలు నిర్వహిస్తారు. చేపట్టిన పనులలో యత్న కార్యసిద్ధి కలుగుతుంది. వ్యాపారమున కొన్ని విషయాలు సంతృప్తికరంగా సాగుతాయి. వృత్తి ఉద్యోగాలలో అధికారుల నుండి ప్రశంసలు అందుకుంటారు.

ధనస్సు: కుటుంబ వ్యవహారాలు నిరుత్సాహకరంగా సాగుతాయి. చేపట్టిన పనులలో వ్యయప్రయాసలు అధికమౌతాయి. దైవ సేవ కార్యక్రమాలలో పాల్గొంటారు. కొన్ని పనులు సకాలంలో పూర్తికాకా చికాకులు పెరుగుతాయి. వృత్తి ఉద్యోగములలో అధికారుల నుండి వ్యాపారాలలో ఇబ్బందులు కలుగుతాయి.

మకరం: అవసరానికి ఆప్తుల నుండి ధనసహాయం అందుతుంది. చేపట్టిన పనులు సజావుగా సాగుతాయి. ఆదాయ మార్గాలు పెరుగుతాయి. సంతాన విద్యా, ఉద్యోగ విషయాలలో అనుకూల ఫలితాలు ఉంటాయి. వృత్తి వ్యాపారాలు లాభసాటిగా సాగుతాయి. ఉద్యోగస్తులకు అప్పగించిన విధులు సమర్దవంతంగా నిర్వహిస్తారు.

కుంభం: ఆకస్మిక ప్రయాణ సూచనలున్నవి. ఆర్ధిక వ్యవహారాలు ఆశించిన విధంగా ఉంటాయి. దీర్ఘకాలిక ఋణ ఒత్తిడి తొలగుతుంది. గృహోపకరణాలు కొనుగోలు చేస్తారు. వాహన క్రయ విక్రయాలలో ప్రయత్నాలు అనుకూలిస్తాయి. వ్యాపారాలలో నూతన లాభాలు అందుకుంటారు. ఉద్యోగాలలో హోదాలు పెరుగుతాయి.

మీనం: చేపట్టిన పనులలో అవరోధాలు కలుగుతాయి. వ్యాపార విస్తరణకు చేసే ప్రయత్నాలు కలిసిరావు. గృహమున కొందరి ప్రవర్తన నిరుత్సాహం కలిగిస్తుంది. ఆధ్యాత్మిక విషయాలపై ఆసక్తి పెరుగుతుంది. ఆర్ధిక విషయాలలో ఒడిదుడుకులు కలుగుతాయి. నిరుద్యోగ ప్రయత్నాలు మందకొడిగా సాగుతాయి.