తిరుపతి ఉపఎన్నికల్లో జనసేనతో కలిసి పోటీ చేస్తాం: బీజేపీ ఎంపీ జీవీఎల్

ఏపీ రాజకీయాలపై బీజేపీ ఎంపీ జీవీఎల్ నరసింహారావు కీలక వ్యాఖ్యలు చేశారు. ఢిల్లీలో రైతులు చేస్తున్న పోరాటంలో కొన్ని శక్తులు ఉన్నాయని ఆరోపించారు. దళారీ వ్యవస్థను రద్దు చేసే దిశగా కేంద్రం అడుగులు వేస్తుంటే.. అదే వ్యవస్థ ఉండాలని కొన్ని రాజకీయ పార్టీలు కుట్ర చేస్తున్నాయన్నారు.

రైతులకు మేలు చేయాలని స్వామినాథన్‌ కమిటీ వేసి సంస్కరణలు తీసుకొస్తే దళారీ వ్యవస్థే మంచిదని కొందరు స్వలాభం, ఆర్ధిక లాభం చూసుకుంటున్నారని ఆగ్రహం వ్యక్తం చేశారు.

ఇది చదవండి: జనసేనను వదిలించుకునే యత్నంలో బీజేపీ.?

తిరుపతి ఎంపీ ఉప ఎన్నికపై స్పందిస్తూ.. ఈ ఎన్నికల్లో జనసేనతో కలిసి పోటీ చేస్తామని ఉద్ఘాటించారు. అక్కడ ఎవరు పోటీ చేస్తారనే దానిపై ఇటివలే రాష్ట్ర బీజేపీ అధ్యక్షుడు సోము వీర్రాజు తమ అభ్యర్ధే పోటీలో ఉంటారని, జనసేన మద్దతు ఉంటుందని స్పష్టం చేశారు.

ఈ క్రమంలో జీవీఎల్ వ్యాఖ్యలు ప్రాధాన్యం సంతరించుకున్నాయి. టీడీపీ అధినేత చంద్రబాబుపై కూడా జీవీఎల్ మండిపడ్డారు. తన హయాంలో దేవాలయాల్ని కూల్చేసిన చంద్రబాబు కూడా హిందూత్వం గురించి మట్లాడుతున్నారని ఎద్దేవా చేశారు.