దారుణం: సంతానం కోసం ఏడేళ్ల బాలిక అత్యాచారం, ఆపై అవయవాల ఆరగింపు

కంప్యూటర్‌ యుగంలో అంతరిక్షంలోకి దూసుకు పోతున్న ఈ సమయంలో ఇంకా కొందరు మూడ నమ్మకాలు పాటించడం విడ్డూరంగా ఉంది. ఉత్తర భారతదేశంలో మూడ నమ్మకాలను పాటించే వారు ఇంకా చాలా మంది ఉన్నారు. అది ఎంత మూర్తంగా వారు పాటిస్తున్నారో తాజాగా జరిగిన సంఘటనతో వెళ్లడయ్యింది.

ఒక సంతానం లేని జంట బాలిక అవయవాలు తింటే సంతానం కలుగుతుందని ఎక్కడో తెలుసుకుని ఏడేళ్ల బాలికను చంపించి ఆ అవయవాలు తిన్నారు. ఇది రాక్షసులు చేస్తారు మనుషులు ఇలాంటివి చేస్తారా అన్నంత నీచంగా రాక్షసంగా ఉన్న ఈ సంఘటన ఉత్తర ప్రదేశ్‌ లోని భద్రాస్‌లో జరిగింది.

పోలీసులు మరియు బాధితుల కథనం ప్రకారం.. 1999లో పరశురామ్‌ మరియు సునయనకు పెళ్లి అయ్యింది. అప్పటి నుండి పిల్లలు లేని వారు ఎన్నో మూడ నమ్మకాలను పాటించి పిల్లల కోసం ప్రయత్నించారు. చివరకు పసి పిల్లల గుండె కాలేయంను తింటే పిల్లలు పుడతారని తెలుసుకున్నారట.

అందుకు పరశురామ్‌ తన బావ మరిది అంకుల్‌ మరియు అతడి స్నేహితుడు బీరమ్‌ లకు 1500 రూపాయలు ఇచ్చి బాలిక అవయవాలు తీసుకు రావాలని కోరాడు. అందుకు ఓకే చెప్పిన వారు దీపావళి రోజు క్రాకర్స్‌ కొనిస్తానంటూ ఏడేళ్ల బాలికను తీసుకు వెళ్లారు.

ఇద్దరు అఘాయిత్యం చేసి ఆ పై కత్తితో శరీర అవయవాలను కోసి పరశురామ్‌ కు అప్పగించారు. కొన్ని అవయవాలను కుక్కలకు వేశారు. బాలిక మిస్సింగ్‌ కేసును నమోదు చేసిన పోలీసులు చాలా తక్కువ సమయంలోనే కేసును ఛేదించారు.

మొదట పరశురామ్‌ బుకాయించినా కూడా ఆ తర్వాత అతడు ఒప్పుకున్నాడు. ఫాస్ట్‌ ట్రాక్‌ కోర్టు ఏర్పాటు చేసి నిందితులకు వెంటనే శిక్ష పడేలా చేస్తామంటూ సీఎం యోగి ఆదిత్యనాద్ అన్నారు. అలాగే బాలిక కుటుంబ సభ్యులకు రూ.5 లక్షల ఆర్థిక సాయంను ప్రకటించారు.