నటీనటులు : నాని, శ్రద్ధ శ్రీనాధ్, సత్యరాజ్, మాస్టర్ రోనిత్, సంపత్, ప్రవీణ్, జయప్రకాశ్ తదితరులు ..
సంగీతం : అనిరుద్
కెమెరా : సాను వర్గీస్
నిర్మాత : సూర్య దేవర నాగవంశీ
రచన, దర్శకత్వం : గౌతమ్ తిన్ననూరి
నాచురల్ స్టార్ గా ఇమేజ్ తెచ్చుకున్న నాని భిన్నమైన కథలతో స్లో అండ్ స్టడీ గా సినిమాలు చేసుకుంటూ ముందుకు సాగుతున్నాడు. భావోద్వేగాలను చక్కగా రాణించగలడని నిరూపించుకున్న నాని మరోసారి తనలోని నటుడిని పరిచయం చేసే ప్రయత్నమే జెర్సీ. క్రికెట్ నేపథ్యంలో తెరకెక్కిన ఈ చిత్రానికి గౌతమ్ తిన్ననూరి దర్శకత్వం వహించాడు. మరి జెర్సీ ఎవరు ? క్రికెటర్ గా నాని సక్సెస్ అయ్యాడా ? లేదా అన్నది తెలియాలంటే కథలోకి వెళ్లాల్సిందే ..
కథ :
అర్జున్ ( నాని ) క్రికెటర్ గా రాణించాలని తపనపడే యువకుడు. పైగా ఆటలో మంచి నైపుణ్యం ఉంటుంది. భారత జట్టులో ఆడాలన్నది అతని గోల్. కానీ కొన్ని కారణాల వల్ల క్రికెట్ కు దూరం అవుతాడు. క్రికెట్ కు అతను దూరం అవుతాడు కానీ .. అతనిలోనుండి క్రికెట్ దూరం కాదు. ఆటకు దూరమయ్యాక తాను బ్రతకలేక సతమవుతుంటాడు. క్రికెట్ వద్దన్నాక ఓ ఉద్యోగం చేస్తాడు. కానీ లంచం తీసుకున్నాడన్న నెపంతో ఆ ఉద్యోగం పోతుంది. ఆ తరువాత ఏ పనిపాట లేకుండా ఖాళీగా తిరుగుతూ ఓ నిరాశావాదిలా మిగిలిపోతాడు. అతను అలా పనికిరానివాడిగా మారడంతో అతని భార్య ( శ్రద్ధ శ్రీనాధ్ )తో మనస్పర్థలు వస్తాయి. తన జీవితం ఇలాగే మిగిలిపోకూడదని తెలుసుకున్న అర్జున్ పదేళ్ల తరువాత మళ్ళీ క్రికెట్ లోకి ప్రవేశిస్తాడు. మళ్లీ బ్యాట్ పట్టిన అర్జున్ తన పూర్వ వైభవాన్ని సంపాదించుకున్నాడా ? లేదా ? అన్నది మిగతా కథ.
నటీనటుల ప్రతిభ :
సాధారణంగా స్పోర్ట్స్ నేపథ్యం ఉన్న సినిమాల విషయంలో జెన్యూనిటీ అనేది చాలా అవసరం. హీరో స్పోర్ట్స్ మెన్ అయితే ఖచ్చితంగా అతడు ఆ గేమ్ లో హీరోగా నిలుస్తాడు అన్న సినిమాలే వచ్చాయి .. కానీ అతగాడు ఎంతగా టెన్షన్ పడ్డాడు. ఆ గేమ్ లో గెలిచే విషయంలో అతని ఎఫర్ట్ ఏమిటి, క్రికెట్ గేమ్ ఎలా ఉంటుంది , కోచ్, క్రికెట్ బోర్డు , గ్రౌండ్ ఇలా ప్రతి విషయంలో చాలా రీసెర్చ్ చేసాడు దర్శకుడు. ,ముఖ్యంగా ప్రతి విషయాన్నీ చాలా క్షుణ్నంగా చూపించే ప్రయత్నం చేసాడు. ఇక సినిమా మొత్తాన్ని హీరో నాని తన భుజాలపై నడిపించాడు. ముఖ్యంగా అతడు అర్జున్ గా కనిపించేందుకు చేసిన ప్రయత్నం అద్భుతం అని చెప్పాలి. నాచురల్ స్టార్ గా ఇమేజ్ తెచ్చుకున్న నాని కెరీర్ లోనే బెస్ట్ పెర్ఫెర్మన్సు ఇచ్చాడు. అర్జున్ పాత్రలో ఒదిగిపోయాడు. లోపల అగ్నిపర్వతం బద్దలవుతున్నా .. ఆ భావోద్వేగాలను బయటపడనివ్వకుండా నలిగిపోయే పాత్రలో నాని ఎమోషన్స్ సూపర్ . హీరోయిన్ శ్రద్ధ శ్రీనాథ్.. సారా పాత్రలో మంచి నటన కనబరిచింది. ప్రేమికురాలిగా, అటు భార్యగా రెండు షేడ్స్ ఉన్న పాత్రలో జీవించింది. ఇక కోచ్ పాత్రలో సత్యరాజ్ నటన మరో హైలెట్. మంచి ఆటగాడికి ప్రోత్సహం ఏంతో అవసరం అన్న విషయంలో సత్యరాజ్ పాత్ర సాగడం. అర్జున్ తో ఆ పాత్ర కెమిస్ట్రీ బాగా సెట్ అయింది. ఇక నాని కొడుకుగా నటించిన మాస్టర్ రోనిక్ మొదటి సినిమాతోనే మంచి మార్కులు కొట్టేసాడు. తండ్రి కొడుకుల సెంటిమెంట్ హైలెట్ గా నిలిచింది. ఇక మిగతా పాత్రల్లో ఎవరికీ వారు బాగానే చేసారు.
టెక్నీకల్ హైలెట్స్ :
ఓ చక్కని కథను అంతకంటే అద్భుతంగా చెప్పాలంటే దానికి టెక్నీకల్ యాస్పెక్ట్స్ కూడా చాలా అవసరం. కథలోని భావోద్వేగాలను సరిగ్గా అర్థం చేసుకున్న మ్యూజిక్ డైరెక్టర్ అనిరుద్ అద్భుతమైన ఆర్ ఆర్ అందించాడు. దాంతో పాటు పాటలు కూడా బాగున్నాయి. అనిరుద్ సంగీతానికి తోడు సినిమాటోగ్రాఫర్ సాను వర్గీస్ ఫోటోగ్రఫి తోడై ఓ అద్భుతాన్ని ఆవిష్కరించే ప్రయత్నం చేసాడు దర్శకుడు.
సినిమాలో పాటలు కూడా కథతో సాగడం సినిమాకు కొత్త ఫీల్ తీసుకొచ్చింది. ఇక నిర్మాణ విలువల గురించి మాట్లాడే పనిలేదు. సినిమా మొత్తం క్లాసిక్ గా ఉండేలాతీర్చిదిద్దారు. ఇక రచయిత, దర్శకుడు గౌతమ్ తిన్ననూరి ప్రయత్నానికి హ్యాట్సాఫ్ చెప్పాల్సిందే. ఓ వైపు దర్శకుడిగా, మరో వైపు రైటర్ గా రెండు పాత్రలకు పూర్తీ న్యాయం చేసాడు దర్శకుడు. జెర్సీ అంటూ టైటిల్ తోనే ఆసక్తి రేపిన దర్శకుడు ఆ కథను ఇంకా అద్భుతంగా చెప్పి ప్రేక్షకుల మనస్సులో చెరగని స్థానం సంపాదించుకున్నాడు .
విశ్లేషణ :
క్రీడల నేపథ్యంలో తెరకెక్కే సినిమా కథల్లో ప్రేక్షకున్నీ ఇన్వాల్వ్ చేసేలా ఉండాలి. అలా కాకుండా ఎదో గేమ్ చూడడానికి వచ్చామా అని ఫీలింగ్ కలిగిందా ఆ సినిమా సంగతి అంతే సంగతులు. బాలీవుడ్ లో వచ్చిన లగాన్, చక్ దే ఇండియా లాంటి సినిమాలు చూస్తున్నప్పుడు ప్రతి ఒక్కరి ఎమోషన్స్ కథతో పాటు సాగుతూ ఆ సినిమాలను ఓన్ చేసుకునేలా చేసాయి. జెర్సీ విషయంలో కూడా దర్శకుడు అదే ప్రయత్నం చేసాడు. స్పోర్ట్ సినిమా అంటేనే రియలిస్టిక్ గా జెన్యూన్ గా కథ చెప్పే ప్రయత్నాలు చాలా తక్కువ. కానీ దర్శకుడు గౌతమ్ మాత్రం ఆ ప్రయత్నాన్ని జెన్యూన్ గా చేసి సత్తా చాటాడు. సగటు ప్రేక్షకుడిని కూడా కథలో ఇన్వాల్వ్ చేయడంలో సక్సెస్ అయ్యాడు. జెర్సీ సినిమాలో సగటు మనుషుల పాత్రలే కనిపిస్తాయి తప్ప ఎక్కడ అతి అనిపించే సన్నివేశాలు కనిపించవు. అయితే సెకండ్ పార్ట్ లో కథనం కాస్త స్లో గా సాగడంతో కొంత బోర్ కొట్టినట్టు అనిపించినా, కథతో డ్రైవ్ అవుతున్నాం కాబట్టి ఆ ఎఫెక్ట్ కనిపించదు. ఒక క్రికెటర్ జీవిత ప్రయాణం .. లూసర్ గా మిగిలితే దాన్ని ఎలా సక్సెస్ చేసుకున్నాడు అన్న కాన్సెప్ట్ తో సాగిన జెర్సీ తెలుగులో నిలిచిపోయే సినిమా అవుతుందనడంలో ఎలాంటి సందేహం లేదు. ఈ సినిమాకు ప్రధాన ఆకర్షణ నాని నటన, ఆ తరువాత చెప్పుకోవలసింది సత్యరాజ్, శ్రద్ధ శ్రీనాధ్ ల పర్ఫార్మెన్స్. దాంతో పాటు తండ్రి కొడుకుల ఎమోషన్స్ తో మరోస్థాయిలో నిలబెట్టే ప్రయత్నమే జెర్సీ.
ట్యాగ్ లైన్ : ఎమోషనల్ జర్నీ
257618 584985This internet web site is my breathing in, truly great layout and perfect content . 796637
931773 978507I surely didnt realize that. Learnt a thing new today! Thanks for that. 296000
370915 732057This can indicate that a watch has spent some or all of its life within the tropics and was not serviced as regularly as it ought to have been. 264701