మాజీ కేంద్ర మంత్రి, మెగాస్టార్ చిరంజీవితో బీజేపీ ఏపీ అధ్యక్షుడు సోము వీర్రాజు భేటీ అయ్యారు. రాజకీయాల్లో ఇప్పుడీ విషయం హాట్‌ టాపిక్‌గా మారింది. చిరంజీవిని సోము వీర్రాజు మర్యాదపూర్వకంగా కలిసినట్లు రాజకీయ వర్గాల్లో ప్రచారం జరుగుతోంది. బీజేపీ వర్గాలూ ఇదే విషయాన్ని చెబుతున్నాయి. అయితే, ఈ మీటింగ్‌ వెనుక పెద్ద పొలిటికల్‌ స్కెచ్‌ వుందనే గుసగుసలు రాజకీయ వర్గాల్లో చక్కర్లు కొడుతుండడం గమనార్హం.
మెగాస్టార్ చిరంజీవిని బీజేపీలోకి తీసుకొచ్చేందుకు చాలాకాలంగా ప్రయత్నాలు జరుగుతున్నాయి. అయితే, చిరంజీవి మాత్రం ప్రస్తుతానికి రాజకీయాలకు దూరంగా వున్నారు. 2009 ఎన్నికలకు ముందు ప్రజారాజ్యం పార్టీని స్థాపించిన చిరంజీవి, ఆ తర్వాత ఆ పార్టీని కాంగ్రెస్‌ పార్టీలో విలీనం చేయడం, ఆ తర్వాత ఎమ్మెల్యే పదవికి రాజీనామా చేసి, రాజ్యసభకు ఎంపికవడం, ఆ తర్వాత కేంద్ర మంత్రి అవడం తెలిసిన విషయాలే. బీజేపీ నుంచి చిరంజీవికి రాజ్యసభ సభ్యత్వంతోపాటు కేంద్ర మంత్రి పదవి కూడా ఆఫర్‌ చేసినట్లు గతంలోనే ఊహాగానాలు విన్పించాయి.
ఇదిలా వుంటే, చిరంజీవి తన సోదరుడు పవన్ కళ్యాణ్ స్థాపించిన జనసేన పార్టీ కోసం పనిచేస్తారంటూ ప్రచారం కూడా జరిగింది. అయినా, చిరంజీవి రాజకీయాలకు దూరంగానే వున్నారు. రాజకీయాలకు దూరంగా వున్నా, చిరంజీవి చుట్టూ ఆసక్తికరమైన రాజకీయాలు నడుస్తుండడం గమనార్హం. కాగా, ఏపీ బీజేపీ అధ్యక్షుడిగా బాధ్యతలు స్వీకరించిన సోము వీర్రాజుకి చిరంజీవి శుభాకాంక్షలు తెలిపారట. జనసేన పార్టీతో కలిసి బీజేపీ, ఆంధ్రప్రదేశ్‌లో ప్రజా సమస్యలపై పోరాటం చేయాలని సూచించిన చిరంజీవి, 2024 ఎన్నికల్లో జనసేన – బీజేపీ కూటమి అధికారంలోకి రావాలని ఆకాంక్షించినట్లు మీడియాలో వార్తా కథనాలు దర్శనమిస్తున్నాయి.
మరోపక్క సోము వీర్రాజు – చిరంజీవి భేటీ పట్ల ఇటు టీడీపీ అటు వైసీపీ శ్రేణుల్లో ఒకింత అలజడి కన్పిస్తోంది. సోషల్‌ మీడియా వేదికగా టీడీపీ, వైసీపీ మద్దతుదారులు అప్పుడే చిరంజీవిపైనా, పవన్ కళ్యాణ్‌పైనా, జనసేన, బీజేపీపైనా ట్రోలింగ్‌ షురూ చేసేశారు. మొత్తమ్మీద, సోము వీర్రాజు మర్యాదపూర్వకంగానే అయినా చిరంజీవితో భేటీ అవడం రాజకీయ వర్గాల్లో ఓ మోస్తరు ప్రకంపనలకు కారణమవుతోందన్నది నిర్వివాదాంశం.
764462 819449Outstanding read, I lately passed this onto a colleague who has been performing just a little research on that. And the man actually bought me lunch because I came across it for him smile So allow me to rephrase that: Appreciate your lunch! 117886
800836 65529Very man or woman speeches require to seat giving observe into couples. Brand new sound system just before unnecessary people should always be mindful of typically senior general rule from public speaking, which is to be the mini. finest man speaches 156636
673817 848924Hello, Neat post. Theres an concern together along with your site in web explorer, may check this? IE still may be the marketplace leader and a huge component to folks will omit your fantastic writing because of this dilemma. 470952