‘అమరావతి విషయంలో బీజేపీ నుంచి స్పష్టమైన హామీ వచ్చాకనే, ఆ పార్టీతో పొత్తుకి ఒప్పుకున్నాం..’ అంటూ కొన్నాళ్ళ క్రితం జనసేన అధినేత పవన్ కళ్యాణ్ ప్రకటించారు. అయితే, అదే సమయంలో ‘బేషరతుగా జనసేన పార్టీ, బీజేపీకి మద్దతిచ్చింది..’ అని బీజేపీ చెప్పుకుంది. అయితే, బీజేపీ – జనసేన కలిసి అమరావతి విషయంలో పలుమార్లు స్పష్టతనిచ్చారు. ఇప్పటికీ బీజేపీ నేతలు, అమరావతి విషయంలో తమ స్టాండ్ మారలేదని చెబుతున్నారు. హైకోర్టు కర్నూలుకి వెళ్ళాలన్నది తమ డిమాండ్ అనీ, రాజధాని మాత్రం అమరావతిలోనే వుండాలనీ ఇప్పటికీ వైసీపీ నేతలు బల్లగుద్ది చెబుతున్న దరిమిలా..
ఈ ‘సున్నితమైన అంశం’ పట్ల జనసేన అధినేత పవన్ కళ్యాణ్ ఎలాంటి నిర్ణయం తీసుకోబోతున్నారన్నది చర్చనీయాంశంగా మారింది. జనసేన పార్టీకి చెందిన ముఖ్య నేతలతో జనసేన అధినేత పవన్ కళ్యాణ్ వీడియో కాన్ఫిరెన్స్ నిర్వహించబోతున్నారు. ఆ తర్వాత, జనసేన పార్టీ నుంచి ఓ విస్పష్టమైన ప్రకటన అమరావతిపై రాబోతోందట. మరోపక్క, బీజేపీపైన కూడా అమరావతి విషయమై ఒత్తిడి పెరుగుతోంది. కానీ, రాష్ట్ర బీజేపీకీ – కేంద్ర బీజేపీకి మధ్య కొంత ‘కమ్యూనికేషన్ గ్యాప్’ స్పష్టంగా కన్పిస్తోంది. అమరావతి రైతుల తరఫున తమ పోరాటం కొనసాగుతుందని ఆంధ్రప్రదేశ్ బీజేపీ నేతలు చెబుతున్నారు. ఈ క్రమంలో కొందరు ఢిల్లీ బీజేపీ నేతలు కూడా, ఏపీ బీజేపీ నేతల వాదనతో ఏకీభవిస్తున్నారు. కానీ, ‘రాష్ట్ర రాజధాని విషయంలో కేంద్రం జోక్యం చేసుకోదు’ అని బీజేపీ నేతలు చెబుతుండడమే తీవ్ర గందరగోళానికి కారణం.
ఆంధ్రప్రదేశ్లో బీజేపీకి వున్న బలమెంత.? అన్నది పరిశీలిస్తే.. ఆ పార్టీ ఎంత యాగీ చేసినా, వైఎస్ జగన్ సర్కార్ తీసుకున్న మూడు రాజధానుల నిర్ణయంపై పెద్దగా ప్రభావం వుండదు. కానీ, బీజేపీ నేతృత్వంలోని కేంద్ర ప్రభుత్వం గనుక తలచుకుంటే.. క్షణాల్లో, మూడు రాజధానులకు మోకాలడ్డేయడానికి వీలు పడ్తుంది. కేంద్రం జోక్యం చేసుకోకపోతే, బీజేపీ ఎంత గింజుకున్నా లాభం లేదు. అయితే, ఇక్కడే బీజేపీ నేతలు ‘న్యాయ పోరాటం’ అనే అంశాన్ని తెరపైకి తెస్తున్నారు. నిమ్మగడ్డ రమేష్కుమార్ వ్యవహారంలో కేంద్రం జోక్యం చేసుకోలేదు.. కోర్టులతో సమస్యకు పరిష్కారం వచ్చింది కదా.. అన్నది బీజేపీ వాదన. అందులోనూ నిజం లేకపోలేదు. కానీ, రాష్ట్ర ఎన్నికల కమిషనర్ పదవి విషయమై తెచ్చిన ఆర్డినెన్స్నీ, మూడు రాజధానులపై జరిగిన చట్టాన్నీ ఒకేలా చూడలేం కదా.
వీటన్నిటినీ పరిగణనలోకి తీసుకుని, జనసేన అధినేత పవన్ కళ్యాణ్, బీజేపీ అధిష్టానంపై ఒత్తిడి తీసుకొచ్చే నిర్ణయం ఏదైనా రేపు తీసుకుంటారా.? బీజేపీ అధిష్టాన పెద్దలతో మంతనాల కోసం ప్రయత్నిస్తారా.? బీజేపీ – జనసేన.. అమరావతి విషయంలో ఇంకాస్త స్పష్టతని రానున్న రోజుల్లో ఇస్తుందా.? ఈ ప్రశ్నలకు సమాధానం తెలియాలంటే కొద్ది రోజులు ఆగాల్సిందే.
889732 613506Companion, this web internet site will probably be fabolous, i merely like it 878008
74028 538450Hey, you used to write exceptional, but the last couple of posts have been kinda boringK I miss your super writings. Past few posts are just slightly out of track! come on! 237922