సచిన్‌ టెండూల్కర్‌.. పరిచయం అక్కర్లేని పేరిది.! కొత్తగా ఏం చెబుతాం ఈ క్రికెట్‌ దేవుడి గురించి. ప్రత్యర్థుల్ని సైతం తన అభిమానులుగా మార్చేసుకోగల సత్తా క్రికెట్‌ ప్రపంచంలో ఇంకెవరికైనా వుందంటే అది ఒక్క సచిన్‌ టెండూల్కర్‌కి మాత్రమే. సచిన్‌ గట్టిగా బాదితే పరుగులొస్తాయి.. సచిన్‌ సొగసుగా కొడితే పరుగులొస్తాయి.. సచిన్‌ ఫోకస్‌ పెడితే, ప్రత్యర్థుల నోళ్ళు మూతలుపడ్తాయ్‌.. క్రికెట్‌ విశ్లేషకులకీ మైండ్‌ బ్లాంక్‌ అయిపోతుంది.
అవును, సచిన్‌ టెండూల్కర్‌ అందరికీ సాఫ్ట్‌ టార్గెట్‌. ఎందుకంటే, ఎవరెంతలా తనను విమర్శించినా ఆయన స్పందించడు. ఆయన బ్యాట్‌ నుంచి జాలువారే పరుగులు మాత్రం స్పందిస్తుంటాయి. క్రికెట్‌లో సచిన్‌ టెండూల్కర్‌ లాంటి క్రికెటర్‌ని మనం చూడలేం.. ఇది మాత్రం ముమ్మాటికీ నిస్సందేహం. ఏమో, పరుగుల పరంగా సచిన్‌ రికార్డుని ఎవరైనా ముందు ముందు దాటేయగలరేమో. కానీ, వ్యక్తిత్వంలో సచిన్‌ టెండూల్కర్‌ని దాటెయ్యడం ఏ క్రికెటర్‌కీ సాధ్యం కాని పని. అయినా, ప్రత్యర్థులు, క్రికెట్‌ విశ్లేషకులూ.. ఆఖరికి సొంత దేశానికి చెందిన విశ్లేషకులూ అవాకులు చెవాకులూ పేలుతున్నా, మైదానంలో చాలా కూల్‌గా కన్పించడం సచిన్‌ టెండూల్కర్‌కి మాత్రమే చెల్లుతుంది.
నెర్వస్‌ నైన్‌టీస్‌.. అంటూ సచిన్‌ని చాలామంది అప్పట్లో ఎగతాళి చేసేవారు. 90 నుంచి 100 పరుగుల మధ్య తీవ్ర ఒత్తిడికి గురవుతాడట సచిన్‌. ఈ క్రమంలో చాలాసార్లు ఈ పరుగుల మధ్యనే ఔటయి, సెంచరీల్ని చేజార్చుకున్నాడన్నది కొందరు విశ్లేషకుల వాదన. కానీ, ప్రతి పరుగూ సచిన్‌కి ముఖ్యమే. అది ఒకటో పరుగు అయినా, 99వ పరుగు అయినా సచిన్‌ ఆట తీరులో మార్పు వుండదు. సచిన్‌ ఎట్టి పరిస్థితుల్లోనూ సెంచరీ చేయకూడదని ప్రత్యర్థి బౌలర్‌ చిత్ర విచిత్రమైన వ్యూహాలు పన్నడం చాలాసార్లు చూశాం. కొన్నిసార్లు ఈ వ్యూహాలు ఫలించాయి కూడా. అయినాగానీ, సచిన్‌.. ఎప్పుడూ సంయమనం కోల్పోలేదు. ఎప్పుడూ రికార్డుల గురించి ఆలోచించలేదు.
ఎందుకంటే, సచిన్‌ చేసే ప్రతి పరుగూ టీమిండియా గెలుపు కోసం. ఆ గెలుపు ముందు తన వ్యక్తిగత రికార్డులు జస్ట్‌ నథింగ్ అంటాడు సచిన్‌ టెండూల్కర్‌. సచిన్‌ అంటే భారతరత్నం.. అవును, ఆయన క్రికెట్‌ రత్నం. పరుగుల వరదకి కేరాఫ్‌ అడ్రస్ ఆయన. మానవత్వానికి నిలువెత్తు నిదర్శనం. సచిన్‌ ఎప్పుడో క్రికెట్‌కి గుడ్‌ బై చెప్పేశాడు. కానీ, ఇప్పటికీ టీమిండియా ఎక్కడ క్రికెట్‌ ఆడినా, అక్కడ సచిన్‌ అభిమానులుంటారు.. ఇంట్లో కూర్చుని మ్యాచ్‌ చూస్తున్న సచిన్‌ని, గ్రౌండ్‌లో మ్యాచ్‌ని తిలకిస్తున్న సచిన్‌ అభిమానులు ఉత్సాహపరుస్తుంటారు.
ఇలాంటి అభిమానం సచిన్‌కి తప్ప ఇంకెవరికి వుంది.? ఈ రోజు పుట్టినరోజు జరుపుకుంటున్న మాస్టర్‌ బ్లాస్టర్‌కి తెలుగుబుల్లెటిన్.కామ్ తరఫున పుట్టినరోజు శుభాకాంక్షలు.
514152 430394Outstanding post, I think weblog owners should larn a great deal from this web site its rattling user friendly . 738116
695941 716164This site is genuinely a walk-through it truly may be the details you wanted concerning this and didnt know who to inquire about. Glimpse here, and youll totally discover it. 299379
215215 461370This is the fitting blog for anybody who desires to discover out about this topic. You notice a whole lot its almost onerous to argue with you (not that I truly would wantHaHa). You undoubtedly put a brand new spin on a topic thats been written about for years. Good stuff, merely fantastic! 729015
747673 553812Hello, Neat post. There is an issue along together with your web site in internet explorer, may test thisK IE nonetheless will be the marketplace chief and a big section of people will pass more than your exceptional writing due to this issue. 759445