రోజులు గడుస్తున్నాయ్.. నెలలు గడిచిపోతున్నాయ్.. అయినా, ఇంకా అభివృద్ధి దిశగా వైఎస్ జగన్ మోహన్రెడ్డి ప్రభుత్వం సరైన అడుగు వేయకపోవడంతో ఆంధ్రప్రదేశ్ ప్రజానీకంలో ఒకింత అసహనం స్పష్టంగా కన్పిస్తోంది. సంక్షేమ పథకాల విషయంలో వైఎస్ జగన్ మోహన్రెడ్డి పాలనను తప్పు పట్టడానికి వీల్లేదు. ఎడా పెడా కొత్త కొత్త పథకాలు పుట్టుకొచ్చేస్తున్నాయ్.! విపక్షాల ఆందోళనలకు తలొగ్గుతున్నారో, లేదంటే.. సంక్షేమ పథకాల పట్ల వ్యతిరేకత పెరిగితే, అది ప్రభుత్వానికి ముప్పు తెస్తుందని ఆందోళన చెందుతున్నారోగానీ, వైఎస్ జగన్ మోహన్రెడ్డి.. ఏ చిన్న సమస్య ప్రభుత్వం దృష్టికి వచ్చినా వెంటనే పరిష్కరించేస్తోంది..
అది సంక్షేమ పథకాల అమలు విషయంలో మాత్రమే. పెన్షన్లు తదితర వ్యవహారాల్లో ఈ స్పీడు కన్పిస్తోంది. కానీ, కీలకమైన విషయాల పట్ల వైఎస్ జగన్ మోహన్రెడ్డి ప్రభుత్వం అస్సలేమాత్రం వేగం చూపలేకపోతోంది. అందులో ముఖ్యమైనది రాజధాని. గడచిన తొమ్మిది నెలలుగా ఆంధ్రప్రదేశ్ రాజధాని ఏది.? అన్న ప్రశ్నకు సమాధానం దొరకడంలేదు. నిజానికి, అమరావతిపై అనుమానాలు రేకెత్తించింది జగన్ ప్రభుత్వమే. సాక్షాత్తూ మంత్రులే రాజధానిపై వివాదాస్పద వ్యాఖ్యలు చేశారు.. ఆ తర్వాత వ్యవహారం అందరికీ తెల్సిందే. మూడు రాజధానుల అంశం గత రెండు నెలలుగా నానా యాగీకి కారణమవుతోంది.
పోలవరం ప్రాజెక్టు సహా అనేక కీలక అంశాలపై రాష్ట్ర ప్రజానీకంలో చర్చ చాలా జోరుగా సాగుతోంది. ‘సంక్షేమ పథకాలు ఎవరు అధికారంలో వున్నా అందుతాయి.. కొత్త ప్రభుత్వాలు వస్తే, పెన్షన్లు పెరగడం సర్వ సాధారణమే. కానీ, కొత్త పేర్లు తెరపైకి తెస్తూ, జనాన్ని ముప్పు తిప్పలు పెడుతున్నారు..’ అనే అభిప్రాయం రాష్ట్ర ప్రజానీకంలో స్పష్టంగా కన్పిస్తోంది. ఈ విషయాన్ని అధికార పార్టీ నేతలు కూడా ఒప్పుకుంటున్నా, అధినేత వైఎస్ జగన్ మోహన్రెడ్డికి ఆ విషయాన్ని చెప్పలేకపోతున్నారు.
‘జగన్ తాను చెయ్యాలనుకున్నది చేస్తారు తప్ప.. దానికి భిన్నంగా ఎవరైనా మాట్లాడితే సహించలేరు.. అది పార్టీ నేతలు చెప్పినాసరే..’ అని వైసీపీ వర్గాల్లోనే చర్చ జరుగుతోంది. స్థానిక ఎన్నికలు జరగబోతున్నాయ్.. సంక్షేమ పథకాలే తమను గెలిపిస్తాయని వైఎస్ జగన్, పార్టీ శ్రేణులకు భరోసా ఇస్తున్నారు. కానీ, గ్రౌండ్ లెవల్లో పరిస్థితులు అందుకు భిన్నంగా కనిపిస్తున్నాయనీ, పాలన పట్ల వ్యతిరేకత పెరుగుతోందనీ వైసీపీ ముఖ్య నేతలు ఆందోళన చెందుతున్నారు.
536707 204295What a lovely weblog page. I will definitely be back once more. Please maintain writing! 305810