టబు పెళ్ళికి .. ఆ హీరోకి లింకేంటి ?

గ్లామర్ భామ టబు .. అప్పట్లో స్టార్ హీరోయిన్ గా మంచి క్రేజ్ అందుకుంది. ఈ హైదరాబాదీ హీరోయిన్ అంటే దేశవ్యాప్తంగా మంచి క్రేజ్. గ్లామర్ కు గ్లామర్ నటన పుష్కలంగా ఉన్న టబు తెలుగులో వెంకటేష్ హీరోగా నటించిన కూలి నంబర్ 1 సినిమాతో ఎంట్రీ ఇచ్చింది. టబు గ్లామర్ కు టాలీవుడ్ జనాలు ఫిదా అయ్యారు.

ఆ తరువాత తెలుగు, తమిళ్, హిందీలో కూడా తనకంటూ మంచి క్రేజ్ తెచ్చుకున్న టబు .. ఇప్పటివరకు పెళ్లి మాత్రం చేసుకోలేదు. హీరోయిన్ గా చాలా రోజుల క్రితమే క్రేజ్ తగ్గడంతో ఇంట్లోనే ఉంటున్న టబు ఎందుకు పెళ్లి పై ఆసక్తి చూపించలేదు అన్న విషయం ఇప్పటి వరకు ఎవరికీ తెలియదు. ప్రస్తుతం టబు, అల్లు అర్జున్ హీరోగా త్రివిక్రమ్ దర్శకత్వంలో తెరకెక్కుతున్న అల వైకుంఠపురంలో సినిమాలో కీ రోల్ పోషిస్తుంది.

తాజాగా ఓ సందర్బంగా టబు పెళ్లేందుకు చేసుకోలేదు అన్న విషయం పై మొదటి సారి నోరు విప్పింది. టబు పెళ్లి చేసుకోకపోవడానికి కారణం ఓ బాలీవుడ్ హీరో అని చెప్పి షాక్ ఇచ్చింది ? ఇంతకీ ఎవరా హీరో ఏమా కథ అంటే .. ఆ బాలీవుడ్ హీరో ఎవరో కాదు అజయ్ దేవగన్ ?

టబు హిందీలోకి ఎంట్రీ ఇస్తూ విజయ్ పథ్ అనే సినిమాలో నటించింది. ఆసినిమాలో హీరో అజయ్ దేవగన్. ఆ సినిమా తరువాత మంచి విజయాలు అందుకుని బాలీవుడ్ లోనే సెటిల్ అయింది టబు. అప్పటికే అజయ్ దేవగన్ తో మంచి స్నేహ సంబంధం కొనసాగిస్తుంది.

90 వ దశకంలో హింది,తెలుగులో టబు కు మంచి క్రేజ్. స్టార్ హీరోయిన్ గా మంచి ఇమేజ్ అందుకున్న ఈ అమ్మడు నాగార్జున తో ప్రేమాయణం సాగిస్తోందంటూ అప్పట్లో ప్రచారం జరిగింది. అంతే కాదు అప్పట్లో నాగార్జున టబు కోసం హైద్రాబాద్ లో ఓ ఇల్లు కూడా కొనిచ్చాడు అన్న వార్తలు వచ్చాయి.

ఈ విషయం పక్కన పెడితే టబు కు మొదటి నుండి అజయ్ దేవగన్ అంటే ఆసక్తి ఉందట. అజయ్ తన ఫ్యామిలీ ఫ్రెండ్ కూడా కావడంతో అతని పై ఆశలు పెట్టుకున్నట్టుంది .. అజయ్ దేవగన్ వల్లే తాను పెళ్లి చేసుకోలేదని చెప్పి షాక్ ఇచ్చింది టబు? అలాగని నేను పెళ్లి చేసుకొనేందుకు నాకేమి బాధ లేదని చెప్పింది. సో టబు పెళ్లి చేసుకోకపోవడానికి కారణం .. అజయ్ తో ఉన్న ప్రేమ్ కహాని అన్నమాట !!