అందరూ సినిమా చూసినట్లు చూస్తే.. అందులో కిక్కేముంది.? ‘కిక్కు’ కోసం రామ్‌ గోపాల్‌ వర్మ ఏమైనా చేస్తాడు. తన సినిమాలు ఎలాగూ జనానికి కిక్‌ ఇచ్చే స్థాయిలో వుండవని అర్థమయిపోయాక వర్మ, వేరే దర్శకులు తీసిన సినిమాలతో పబ్లిసిటీ స్టంట్లు చేయడం మొదలెట్టాడు. ఈ క్రమంలో ‘ఇస్మార్ట్‌ శంకర్‌’ సినిమాకి వెళుతూ ట్రాఫిక్‌ ఉల్లంఘనకి పాల్పడటమే కాదు, ట్రాఫిక్‌ పోలీసులపై వెటకారాలు కూడా చేశాడాయన.
నిబంధనలకు అనుగుణంగా ట్రాఫిక్‌ డిపార్ట్‌మెంట్‌ సదరు బైక్‌కి చలాన్‌ రాసింది. ట్రిపుల్‌ రైడింగ్‌, హెల్మెట్‌ లేకపోవడానికి సంబంధించి ఆన్‌లైన్‌ చలానా ఇప్పటికే విడుదలయ్యింది. ఇక, ఇప్పుడు అసలు కథ మొదలవుతోంది. సోషల్‌ మీడియాలో ట్రాఫిక్‌ పోలీసులపై వర్మ సెటైర్లు వివాదాస్పదమవుతున్నాయి. నెటిజన్లు, ‘సెలబ్రిటీలకైతే ఒక రూలు.. మాకు ఇంకో రూలా.?’ అంటూ ట్రాఫిక్‌ పోలీసుల్ని ప్రశ్నిస్తుండడంతో, ట్రాఫిక్‌ విభాగం ఈ ఎపిసోడ్‌ని సీరియస్‌గా తీసుకుంది.
వర్మతోపాటు, బైక్‌ మీద ట్రిపుల్‌ రైడింగ్‌ చేసిన దర్శకుడు అజయ్‌ భూపతి, అగస్త్య మంజులకు నోటీసులు జారీ చేసి, కౌన్సిలింగ్‌కి పిలిపించబోతున్నారట. అదే గనుక జరిగితే, నెటిజన్లు ట్వీట్లతో ‘తాట’ తీస్తున్న వైనానికి ఫలితం దక్కినట్లే. సినిమాలో పోలీసుల మీద వర్మ సెటైర్లు వేసుకోవచ్చుగాక.. అది క్రియేటివిటీ అన్పించుకుంటుందేమో. సోషల్‌ మీడియాలో ట్రాఫిక్‌ పోలీసులపై సెటైర్లు వేస్తే ఎలా.?
అయినా, వర్మకి ఇలాంటివి కొత్త కాదు. ‘జీఎస్‌టీ – గాడ్‌ సెక్స్‌ అండ్‌ ట్రూత్‌’ వివాదాలకు జడిసి, ఆన్‌లైన్‌లో డైరెక్షన్‌ చేశాను తప్ప, ప్రత్యక్షంగా సీన్‌లో లేననేశాడాయన. పడుకున్న గుర్రాన్ని లేపి తన్నించుకోవడమెలాగో వర్మకి తెలుసు. అంతేనా, తన్నించుకున్నాక.. ‘అబ్బే, నాకేం తగల్లే..’ అని దులిపేసుకోవడమూ ఈ ఒకప్పటి సంచలన దర్శకుడికి బాగానే తెలుసు.
36246 560392I believe this web internet site has got very superb indited articles content . 568351