ఆంధ్రప్రదేశ్ ముఖ్యమంత్రి వైఎస్ జగన్ మోహన్రెడ్డి, తన సొంత పత్రిక ‘సాక్షి’ని చిత్తు కాగితంగా చూస్తున్నారా.? అంటే, అవుననే అంటున్నారిప్పుడు ఆంధ్రప్రదేశ్ ప్రజానీకం. గెలవడం కోసం ప్రజలకు హామీలు ఇవ్వడం రాజకీయ పార్టీలకు వెన్నతో పెట్టిన విద్య. అధికార పీఠమెక్కాక, హామీల్ని తుంగలో తొక్కడం కూడా రాజకీయ పార్టీలకు వెన్నతో పెట్టిన విద్యే.! అప్పుడు తెలుగుదేశం పార్టీ.. ఇప్పుడు వైఎస్సార్ కాంగ్రెస్ పార్టీ.! పెద్దగా తేడా లేదు ఈ రెండు రాజకీయ పార్టీలకీ.
అధికారం కోసం జనానికి అడ్డగోలుగా హామీలు ఇచ్చేశారు వైఎస్ జగన్ మోహన్రెడ్డి. ఎన్నికల ప్రచారంలో కొన్ని, మేనిఫెస్టోలో మరికొన్ని, ప్రజా సంకల్ప యాత్రలో ఇంకొన్ని.. కుప్పలు తెప్పలుగా ఎన్నికల హామీలు ఇచ్చేశారాయన. ఆ హామీలు నెరవేర్చాల్సి వచ్చేటప్పటికి మాత్రం సీన్ మారిపోయింది. ‘ఎన్నికల మేనిఫెస్టోలో ఏం చెప్పామో.. అవే చేస్తాం..’ అంటున్నారు వైఎస్ జగన్. సాక్షాత్తూ అసెంబ్లీ సాక్షిగా వైఎస్ జగన్, గతంలో ఇచ్చిన హామీలపై బొంకేస్తోంటే జనం విస్తుపోయారు.
అధికారంలోకి వస్తే ఎస్సీ, ఎస్టీ, బీసీ, మైనార్టీ అక్క చెల్లెళ్ళకు 45 ఏళ్ళకే పెన్షన్ ఇస్తామని వైఎస్ జగన్ గతంలో ప్రకటించిన మాట వాస్తవం. ఆ విషయాన్ని సాక్షి పత్రిక, ఛానల్లో ప్రముఖంగా ప్రచారం కూడా చేసుకున్నారు. ఓ ఇంటర్వ్యూలో సీనియర్ జర్నలిస్ట్తో ప్రశ్న వేయించుకుని మరీ జగన్, ఫించన్పై సమాధానమిచ్చేశారు. తీరా, ఇప్పుడు అదే విషయమై అధికార పక్షం వైఎస్ జగన్ మోహన్రెడ్డిని అసెంబ్లీ సాక్షిగా ప్రశ్నిస్తే, బొంకేయడమే కాదు.. సభలో తమకున్న అధికారాన్ని ప్రయోగించి, ముగ్గురు టీడీపీ శాసనసభ్యుల్ని సస్పెండ్ కూడా చేయించేయడం గమనార్హం.
ఇక్కడ మేటర్ క్లియర్. సాక్షి పత్రిక, ఛానల్లో వచ్చిన కథనాలపై వైఎస్ జగన్, ప్రజలకు సమాధానం చెప్పే పరిస్థితి లేదు. ప్రజా సంకల్ప యాత్రలోనూ, ఎన్నికల ప్రచారంలోనూ తాను చెప్పిన మాటల్ని వైఎస్ జగన్ మర్చిపోయారు. కేవలం ఎన్నికల మేనిఫెస్టో చూపిస్తూ, జనాన్ని వెర్రి వెంగళప్పల్ని చేసేందుకు వైఎస్ జగన్ ప్రయత్నం చేస్తున్నట్లుగా కన్పిస్తోంది. జగన్ ఇప్పుడు చెబుతున్నదే నిజమైతే, తన సొంత మీడియా సంస్థల్ని చిత్తు కాగితాలుగా ఆయన భావిస్తున్నట్లే లెక్క.
156986 327336Keep websiteing stuff like this I really am fond of it 625691
590749 718711Just wanna input on couple of general things, The site layout is perfect, the articles is very superb : D. 112958
339491 214148A thoughtful insight and concepts I will use on my internet site. Youve clearly spent some time on this. Congratulations! 188431
114567 355754An incredibly fascinating read, I may well not concur completely, but you do make some incredibly valid points. 935032
13671 748484Hey, you used to write great, but the last couple of posts have been kinda boringK I miss your super writings. Past several posts are just a little bit out of track! come on! 661544