ఈ ప్రపంచ కప్( World Cup)ఎన్నో అనూహ్యమైన సంఘటనలకు కేంద్ర బిందువుగా మారింది. హాట్ ఫేవరెట్ గా బరిలోకి దిగిన జట్లు ఉసూరుమనిపిస్తుంటే..పసికూనలు పెద్ద జట్లకు షాక్ ఇస్తున్నాయి. ప్రపంచ రికార్డులు బద్దలవుతున్నాయి. సోమవారం బంగ్లాదేశ్- శ్రీలంక జట్ల మధ్య జరిగిన మ్యాచ్ అయితే సర్వత్ర చర్చనీయాంశంగా మారింది. శ్రీలంక జట్టు స్టార్ బ్యాటర్ ఏంజలో మాథ్యూస్ ఒక బంతి కూడా ఫేస్ చేయకుండానే టైమ్డ్ అవుట్ గా వెనుతిరగాల్సి వచ్చింది. బంగ్లా జట్టుతో జరుగుతున్న మ్యాచ్ లో శ్రీలంక బ్యాటింగ్ ఇన్నింగ్స్ సందర్భంగా మాథ్యూస్ ఆలస్యంగా క్రీజ్ లోకి రావడంతో అంపైర్ అతన్ని అవుట్ గా ప్రకటించాడు. ఇంటర్నేషనల్ క్రికెట్ లో ఒక ఆటగాడు ఇలా టైమ్డ్ అవుట్ గా వెను తిరగడం ఇదే తొలిసారి.
ఇన్నింగ్స్ 25వ ఓవర్లో బంగ్లా ఆటగాడు హసన్ వేసిన రెండో బంతికి శ్రీలంక బ్యాటర్ సమర విక్రమ అవుట్ అయ్యాడు. దీంతో మాథ్యూస్ క్రీజులోకి రావాల్సి వచ్చింది. గ్రౌండ్లోకి వచ్చే సమయంలో అతడి హెల్మెట్ స్ట్రిప్ విరిగిపోయింది. దీంతో కొత్త హెల్మెట్ కోసం డ్రెస్సింగ్ రూమ్ వైపు సిగ్నల్ ఇచ్చాడు. అప్పటికే మాథ్యూస్ క్రీజ్ లోకి రావడం ఆలస్యం అవ్వడంతో బంగ్లా కెప్టెన్ షకీబ్ అల్ హసన్ ‘టైమ్డ్ అవుట్’ కోసం అప్పీల్ చేశాడు. కెప్టెన్ అప్పీల్ పరిగణలోకి తీసుకున్న అంపైర్లు మాథ్యూస్ ని అవుట్ గా ప్రకటించారు.
ఏంటీ టైమ్డ్ డౌట్ రూల్?
ఐసీసీ నిబంధనల ప్రకారం క్రీజ్ లో ఉన్న బ్యాటర్ అవుట్ అయితే తన తర్వాత వచ్చే బ్యాటర్.. నిర్ణీత సమయంలోపు ఆడేందుకు సిద్ధంగా ఉండాలి. మొదట్లో ఈ సమయం 3 నిమిషాలుగా ఉండగా ఈ ఏడాది ప్రపంచ కప్ లో మాత్రం దాన్ని 2 నిమిషాలకు కుదించారు. ఈ సమయంలోపు బ్యాటర్.. క్రీజ్ లోకి రాకపోతే టైమ్డ్ అవుట్ గా ప్రకటిస్తారు. ఇలా ఫస్ట్ క్లాస్ క్రికెట్లో ఆరుగురు బ్యాటర్లని అవుట్ గా ప్రకటించారు. వీరిలో ఇండియా కి చెందిన హేములాల్ యాదవ్ ఉన్నారు. అయితే ఇంటర్నేషనల్ క్రికెట్ లో మాత్రం ఇదే మొదటిసారి.
We’re a group of volunteers and opening a new
scheme in our community. Your website offered us with valuable information to work on. You’ve done a formidable job and our entire
community will be grateful to you.