క్రియేటివ్ డైరెక్టర్ కృష్ణవంశీ దర్శకత్వం వహించిన ‘రంగమార్తాండ’ ఉగాది కానుకగా బుధవారం ప్రేక్షకుల ముందుకు రానుంది. ఈ చిత్ర ప్రమోషన్లలో భాగంగా మీడియా సమావేశాన్ని నిర్వహించారు. ఇందులో ఈ చిత్ర నటులు ప్రకాష్ రాజ్, బ్రహ్మానందం, రమ్యకృష్ణ, రాహుల్ సిప్లిగంజ్, శివాత్మిక, అనసూయ భరద్వాజ్ తదితరులు పాల్గొన్నారు. ఈ సందర్భంగా మీడియాతో మాట్లాడుతూ చిత్ర షూటింగ్ అనుభవాలను పంచుకున్నారు.
‘ప్రకాష్ రాజ్ విశ్వరూపాన్ని చూడొచ్చు’
ఈ చిత్రం గురించి బ్రహ్మానందం మాట్లాడుతూ.. ‘డైరెక్టర్ కృష్ణవంశీ, ప్రకాష్ రాజ్ ఒకరోజు నా దగ్గరకు వచ్చి ఈ సినిమాలో ఓ పాత్రను చేయాల్సిందిగా నాకు చెప్పినప్పుడు ఆశ్చర్యపోయాను. షూటింగ్ మొదలై కొన్ని సన్నివేశాలు చిత్రీకరించిన తర్వాత ఓ రోజు ప్రకాష్ రాజ్ ఫోన్ చేసి ‘ ఈరోజు మీరు నటించిన సీన్ అద్భుతంగా ఉంది చాలా గొప్పగా నటించారు’ అంటూ మెచ్చుకున్నారు. నిజానికి ప్రకాష్ రాజ్ లాంటి వ్యక్తి ఈ విషయం గురించి చెప్పాల్సిన అవసరం లేదు. కానీ ఆయన వ్యక్తిత్వానికి అదో నిదర్శనం. ఆయన తెలుగు వ్యక్తి కాకపోయినప్పటికీ తెలుగు భాష పై చాలా పట్టుంది. డైలాగ్ లు అన్ని ఎప్పటికప్పుడు అద్భుతంగా చెప్పేవారు. ఇందులో కొన్ని సన్నివేశాలు సింగిల్ టేక్ లో పూర్తి చేశాను. వాటి చిత్రీకరణ సమయంలో ప్రకాష్ రాజ్ పక్కనే ఉండి గమనించేవారు. ‘ఇంకో టేక్ చేయమని చెప్పావంటే చంపేస్తాను’ అంటూ కృష్ణవంశీని హెచ్చరించేవారు. ఈ సినిమాలో ప్రకాష్ రాజ్ విశ్వరూపం చూడొచ్చు. మిగిలిన వారు కూడా అంతే అద్భుతంగా నటించారు’ అని తెలిపారు.
ఆయన్ను ‘డాడీ’ అని పిలుస్తా..
ఈ సినిమా గురించి దర్శకుడు కృష్ణవంశీ మాట్లాడుతూ.. ‘ఈ సినిమా తీయడానికి ముఖ్య కారణం ప్రకాష్ రాజ్. ‘ నట సామ్రాట్’ చిత్రాన్ని చూడమని చెప్పింది ఆయనే. తర్వాత ఆ చిత్రం రైట్స్ తీసుకుని నా దగ్గరకు వచ్చారు. ఈ సినిమా నువ్వే డైరెక్ట్ చేయాలని నాతో అన్నారు. ఆయన మీద నమ్మకంతో సినిమాను మొదలు పెట్టాను. అలాంటి నటుడిని ‘నువ్వు చెత్త నటుడివి’ అంటూ చెంప దెబ్బ కొట్టే పాత్ర ఒకటి కావాలి అనుకున్నప్పుడు మాకు బ్రహ్మానందం గారు గుర్తొచ్చారు. ఆయనకి నటనతో పాటు తెలుగు భాష మీద మంచి పట్టు ఉంది. ఆయన నేను ‘డాడీ’ అని ఎంతో ఆప్యాయంగా పిలుస్తుంటాను. వేలాది సినిమాలు చేసిన ఆయన గొప్పతనం గురించి ప్రత్యేకంగా చెప్పనవసరం లేదు’ అని అన్నారు.
‘ఇది అందరి సినిమా’
ఈ చిత్రాన్ని ఉద్దేశించి ప్రకాష్ రాజ్ మాట్లాడుతూ.. ‘ డైరెక్టర్ కృష్ణ వంశీతో నాది ఎన్నో ఏళ్ల ప్రయాణం. మా ఇద్దరి కాంబినేషన్లో ‘అంతఃపురం’, ‘ఖడ్గం’, ‘గోవిందుడు అందరివాడే’ వంటి సినిమాలు వచ్చాయి. ‘నటసామ్రాట్’ చూసిన తర్వాత ఒక కళాకారుడు జీవితంలో ఉన్న బరువు గురించి నాకు అర్థమైంది. ఇలాంటి కథను ప్రేక్షకులకు చూపించాలని అనుకున్నాను. ఒక నటుడు రిటైర్మెంట్ తర్వాత ఎన్నో కష్టాలతో బతకాల్సి వస్తుంది. అది చాలా విషాదం. ఈ సినిమాలో నాకు ఒక జీవితం కనిపించింది. అలాగే ఈ సినిమాలో నేను కూడా భాగం కావాలనుకున్నాను. ఇదే విషయాన్ని కృష్ణవంశీకి చెప్పగానే దర్శకత్వం వహించడానికి ఒప్పుకున్నారు. ఆయనకే ఎందుకు చెప్పానంటే అతడు మాత్రమే ఎమోషన్స్ ను చక్కగా జనాలకి చూపించగలరు. ఇక బ్రహ్మానందం కూడా ఈ సినిమాలో భాగం కావాలని అనుకున్నప్పుడు నేను ఇంకేం ఆలోచించలేదు. ఆయనతో కలిసి నటించిన తర్వాత ఆయనలో విశ్వరూపాన్ని చూశాను. చాలా రోజుల తర్వాత ఆ మ్యాజిక్ చూసే భాగ్యం నాకు దొరికింది. అలాగే ఈ సినిమాలో నటీనటులు అందరూ కూడా చాలా అద్భుతంగా నటించారు. ప్రతి ఒక్క టెక్నీషియన్ తో కృష్ణవంశీ అద్భుతంగా పనిచేయించారు. ఇది అందరికీ నచ్చే సినిమా. అందరికీ కావాల్సిన సినిమా. ఇలాంటివి మరెన్నో రావాలి’ అని చెప్పారు.
611718 70793Aw, it was a very very good post. In thought I would like to devote writing such as this furthermore,?C spending time and specific work to produce a fantastic write-up?- nonetheless so what can I say?- I waste time alot and never at all seem to obtain one thing completed. 816368
330772 729767I genuinely enjoy searching at on this website , it has amazing content . 337195
107336 654279I genuinely treasure your work , Excellent post. 678614
156498 475908Good post. It does shed some light on the problem. By the for those interested in binary options can get an exclusive binary options bonus. 303198