తమిళ నటుడు ధనుష్ చేసిన స్ట్రెయిట్ తెలుగు అండ్ తమిళ్ మూవీ సార్. డీసెంట్ అంచనాల మధ్య ఈ చిత్రం ఈరోజే ప్రేక్షకుల ముందుకి వచ్చింది. మరి సార్ ఎలా ఉందో చూద్దామా?
కథ:
ఒక ప్రైవేట్ సంస్థలో టీచర్ గా చేస్తుంటాడు బాలు. ఒక ప్లాన్ లో భాగంగా బాలుని ఒక ప్రభుత్వ కాలేజ్ కు పంపుతారు యాజమాన్యం. బాలు ప్రభుత్వ కాలేజ్ కు వెళ్ళాక అక్కడి పరిస్థితులను చక్కదిద్దే ప్రయత్నం చేస్తుంటాడు. విద్యార్థులు కాలేజ్ కి వచ్చేలా, వాళ్ళు పరీక్షలు పాస్ అయ్యేలా చేస్తాడు.
ఇవి ఆ ప్రైవేట్ సంస్థకు తలనొప్పులు తెచ్చిపెడతాయి. బాలు కి కూడా ఇబ్బందులు ఎదురవుతాయి. ఇంతకీ ఆ ప్రైవేట్ సంస్థ ప్లాన్ ఏంటి ? బాలు ఎలాంటి పరిస్థితులను ఎదుర్కొన్నాడు? చివరికి ఏమైంది అన్నది చిత్ర కథ.
నటీనటులు:
ధనుష్ ఎంత మంచి నటుడు అన్నది ప్రత్యేకంగా చెప్పాల్సిన పనిలేదు. సార్, ధనుష్ వన్ మ్యాన్ షో అని చెప్పవచ్చు. ఎఫర్ట్ లెస్ యాక్టింగ్ కు సరైన ఉదాహరణ ఈ చిత్రంలో ధనుష్ నటన. ధనుష్ స్క్రీన్ మీద ఉన్నంత సేపూ అటెన్షన్ తన మీదే ఉంచుకోవడంలో సక్సెస్ అయ్యాడని చెప్పాలి.
సంయుక్త మీనన్ తన పాత్ర వరకూ బాగానే చేసింది. అయితే ఆమెకు పెద్దగా పెర్ఫార్మన్స్ కు స్కోప్ లేని పాత్ర దొరికింది. ధనుష్ కాంబినేషన్ ఉన్న సీన్స్ ప్రత్యేకంగా అనిపిస్తాయి. సముద్రఖని కొత్తగా చేసిందేమి లేదు. తనకు అలవాటైన రీతిలో చేసుకుంటూ వెళ్ళిపోయాడు. పాత్ర కూడా రొటీన్.
సాయి కుమార్, హైపర్ ఆది, తదితరులు సపోర్టింగ్ రోల్స్ లో కనిపించారు.
సాంకేతిక నిపుణులు:
మనకు బాగా తెలిసిన కథనే రీసైకిల్ చేసి సార్ గా మన ముందుకు తీసుకొచ్చాడు వెంకీ అట్లూరి. రొటీన్ కాన్సెప్ట్ కే బ్యాక్ గ్రౌండ్, సెటప్ మార్చి మన ముందుకు తీసుకొచ్చాడు. అయితే అది అంతలా సహాయపడలేదు. ఈ చిత్రంలో పలు సన్నివేశాలు, ఎమోషన్స్ ఇదివరకే చూసామే అన్న ఫీలింగ్ ను కచ్చితంగా కలిగిస్తాయి. దర్శకుడు కొత్తగా చేసిందేమి లేదు. ఫస్ట్ హాఫ్ ఓ మోస్తరుగా ఎంటర్టైన్ చేస్తుంది. ఇక సెకండ్ హాఫ్ మొత్తం వీక్ గా అనిపిస్తుంది. నరేషన్ బాగా స్లో గా ఉంది. అలాగే క్లైమాక్స్ కూడా రొటీన్ గా సాగింది.
వెంకీ అట్లూరికి ఈ చిత్రం ద్వారా చాలా మంచి ఛాన్స్ వచ్చింది కానీ దాన్ని సద్వినియోగ పరుచుకోలేకపోయాడు. త్రివిక్రమ్ శ్రీనివాస్ అందించిన డైలాగ్స్ బాగున్నాయి. తన పంచ్ లైన్స్ కు తోడు కొన్ని ఆలోజింపచేసే రచనలు ఆకట్టుకుంటాయి.
జివి ప్రకాష్ కుమార్ సంగీతం మెప్పిస్తుంది. బ్యాక్ గ్రౌండ్ స్కోర్ కూడా బాగుంది. కెమెరా వర్క్ ఇంప్రెసివ్ గా సాగింది. ఎడిటింగ్ ఇంకా బాగుండొచ్చు.
ప్లస్ పాయింట్స్:
- ధనుష్ పెర్ఫార్మన్స్
- సంగీతం
మైనస్ పాయింట్స్:
- పూర్ సెకండ్ హాఫ్
- సరిగ్గా మెసేజ్ చెప్పలేకపోవడం
- వీక్ స్క్రీన్ ప్లే
చివరిగా:
ఒక అర్థమవంతమైన మెసేజ్ ఉన్న చిత్రం సార్. అయితే దాన్ని రజింపచేసే విధంగా చెప్పడంలో దర్శకుడు పూర్తిగా విఫలమయ్యాడు. రొటీన్ టెంప్లేట్ కావడం వల్ల చాలా సన్నివేశాలు బోరింగ్ గా సాగాయి.
తెలుగు బులెటిన్ రేటింగ్: 2.25/5