రేటింగులకి మెగాస్టార్ చిరంజీవి స్వీట్ వార్నింగ్.!

చిరంజీవి ఏదన్నా మాట మాట్లాడితే, అది ఓ విస్ఫోటనంలా ఎఫెక్ట్ చూపిస్తుంటుంది. మాట చిన్నగానే వుంటుంది.. కానీ, అది సృష్టించే అలజడి అంతా ఇంతా కాదు.

‘వాల్తేరు వీరయ్య’ సినిమాని తొక్కేయడానికి చాలా చాలా చెత్త రివ్యూలు, అంతకు మించిన చెత్త రేటింగ్స్‌ని సోకాల్డ్ ‘బులుగు పచ్చ మీడియా’ ప్లాన్ చేసింది, ఎగ్జిక్యూట్ చేసింది. పనిగట్టుకుని.. పైగా, డబ్బులు ఖర్చు చేసి మరీ, ‘వాల్తేరు వీరయ్య’ మేనియాని తగ్గించేందుకు.. ఓ మాఫియా పనిచేసిందనడం అతిశయోక్తి కాదు.

కుప్పలు తెప్పలుగా చిరంజీవి మీద నెగెటివ్ వార్తలు రాసి, ‘వీరయ్యా.. మారాలయ్యా..’ అంటూ ఉచిత సలహాలు కూడా ఇచ్చినోళ్ళే, ‘వాల్తేరు వీరయ్య’ రిజల్ట్‌ని చూసి నోరెళ్ళబెట్టారు. మాట మార్చారు. ‘చిరంజీవి చాలా చాలా గొప్పోడు..’ అంటూ చిరంజీవి వ్యక్తిత్వం గురించి కీర్తనలు మొదలు పెట్టాల్సి వచ్చింది.

‘ఏమయ్యాయ్ మీ చెత్త రివ్యూలు.? ఓ సినిమా విజయాన్ని ఈ చెత్త రేటింగులు ఆపగలవా.?’ అన్నట్టుగా మెగాస్టార్ చిరంజీవి ‘వాల్తేరు వీరయ్య’ సినిమా సంచలన విజయాన్ని అందుకుంది. ఈ విషయమై చిరంజీవి, నర్మగర్భంగా సెటైర్లు వేశారు. అదీ అమెరికన్ సినీ అభిమానులతో పిచ్చాపాటీ సందర్భంగా.

అమెరికాలో, ‘వాల్తేరు వీరయ్య’ అభిమానులకు మెగా సర్‌ప్రైజ్.! థియేటర్లలో చిరంజీవి లైవ్‌లోకి వచ్చారు. అభిమానులతో ముచ్చటించారు. ఈ సందర్భంగా రివ్యూలు, రేటింగుల గురించి చర్చ వస్తే, ‘2.25 అలాగే 2.5 రేటింగుల్ని చూసి పొరపడ్డాను. అవి వసూళ్ళ లెక్కలు.. 2.25 మిలియన్లు.. 2.5 మిలియన్లు..’ అంటూ చిరంజీవి స్పాంటేనియస్‌గా చేసిన వ్యాఖ్యలు వైరల్ అవుతున్నాయ్.

ఇకపై రేటింగుల విషయంలో.. అందునా, చిరంజీవి సినిమాలకు రేటింగుల విషయంలో ఒకటికి పదిసార్లు సోకాల్డ్ చెత్త మీడియా ఆలోచించుకోవాల్సిందేనేమో.!