సమ్మోహనం వంటి సూపర్ హిట్ ను అందించిన సుధీర్ బాబు, మోహన్ కృష్ణ ఇంద్రగంటి కాంబినేషన్ లో వచ్చిన మరో చిత్రం ఆ అమ్మాయి గురించి మీకు చెప్పాలి. మరోసారి సినిమా బ్యాక్ డ్రాప్ లో సుధీర్ బాబు, కృతి శెట్టి జంటగా రూపొందింది ఈ చిత్రం.
కథ:
దర్శకుడిగా మంచి పేరు సంపాదించుకున్న నవీన్ (సుధీర్ బాబు), కంటి డాక్టర్ అలేఖ్య(కృతి శెట్టి)ను చూసి ఆమెను సినిమాల్లోకి రమ్మని అడుగుతూ ఉంటాడు. సినిమాలంటే ద్వేషం ఉన్న అలేఖ్య మొత్తానికి సినిమాల్లో నటించడానికి ఎస్ చెబుతుంది. ఇంతకీ ఆమె ఎందుకు ఎస్ చెప్పింది? దానికి దారి తీసిన పరిణామాలేంటి? ఆ సినిమా తెరకెక్కించడంలో నవీన్ ఎదుర్కొన్న ఇబ్బందులు ఎలాంటివి?
నటీనటులు:
పేరున్న దర్శకుడిగా సుధీర్ బాబు నటన ఓకే అని చెప్పాలి. సెకండ్ హాఫ్ లో వచ్చే ఎమోషనల్ సీన్స్ లో మెప్పించాడు. లీడ్ పెయిర్ మధ్య కెమిస్ట్రీ మెప్పిస్తుంది. కృతి శెట్టి తన పెర్ఫార్మన్స్ తో కట్టిపడేస్తుంది. ఎమోషనల్ సీన్స్ లో ఆమె నటన చాలా బాగుంది.
వెన్నెల కిషోర్ కు మంచి స్క్రీన్ టైమ్ దొరికింది. తన కామెడీ టైమింగ్ ఫస్ట్ హాఫ్ లో ఆహ్లాదంగా మారుస్తుంది. తండ్రి పాత్రలో శ్రీకాంత్ అయ్యంగార్ నటన సూపర్. మిగతా వాళ్ళు కూడా పర్వాలేదు.
సాంకేతిక వర్గం:
వివేక్ సాగర్ అందించిన సంగీతం బాగుంది. తెరపై పాటలు డీసెంట్ గా అనిపిస్తాయి. బ్యాక్ గ్రౌండ్ మ్యూజిక్ ఎఫెక్టివ్ గా సాగింది. విందా అందించిన సినిమాటోగ్రఫీ వర్క్ బాగుంది. తన ఫ్రేమింగ్, లైటింగ్ తో ఫ్రెష్ ఫీల్ తీసుకురావడంలో సక్సెస్ అయ్యాడు. మార్తాండ్ కె వెంకటేష్ ఎడిటింగ్ వర్క్ ఓకే. ప్రొడక్షన్ డిజైన్ మెప్పిస్తుంది. అలాగే నిర్మాణ విలువలు బాగున్నాయి.
ఇక మోహన్ కృష్ణ ఇంద్రగంటి విషయానికొస్తే, చాలా సింపుల్ స్టోరీని తీసుకున్నాడు. కొన్ని కీలక సన్నివేశాలను చాలా బాగా ప్రెజంట్ చేసాడు. ఎమోషనల్ సీన్స్ లో తన రైటింగ్ బలం తెలుస్తుంది. అయితే ఇదే టెంపో మైంటైన్ చేయడంలో విఫలమయ్యాడు.
పాజిటివ్ పాయింట్స్:
- రైటింగ్
- బ్యాక్ గ్రౌండ్ స్కోర్
నెగటివ్ పాయింట్స్;
- సోల్ లేకపోవడం
- సెకండ్ హాఫ్
విశ్లేషణ;
మొత్తంగా చూసుకుంటే, ఆ అమ్మాయి గురించి మీకు చెప్పాలి ఒక లైట్ హార్ట్డ్ డ్రామా. ఒక దర్శకుడు, ఒక కంటి డాక్టర్ మధ్య కాన్ఫ్లిక్ట్ పాయింట్ ప్రధానం. అటు ఫస్ట్ హాఫ్ లో కానీ, ఇటు సెకండ్ హాఫ్ లో కానీ కొన్ని సీన్స్ అద్భుతంగా అనిపిస్తాయి కానీ సినిమా అంతటా ఒక టెంపో లేకపోవడం వల్ల బలమైన ఇంపాక్ట్ క్రియేట్ అవ్వదు.
తెలుగు బులెటిన్ రేటింగ్: 2.25/5
453113 963500Hi there! Good stuff, please do tell me when you finally post something like this! 622558
138682 799470Now im encountering a fresh short troubles Once i cant appear like allowed to sign up for the specific give food to, Now im utilizing search engines like google audience. 830458