ఈడీ విచారణపై రాహుల్ ఆందోళన.. అరెస్టు చేసిన పోలీసులు

కాంగ్రెస్ అధ్యక్షురాలు సోనియా గాంధీని ఈడీ విచారించడంపై ఢిల్లీలో కాంగ్రెస్ తలపెట్టిన ఆందోళన ఉద్రిక్తతలకు దారి తీసింది. రాహుల్ గాంధీ నేతృత్వంలో కాంగ్రెస్ అగ్ర నాయకులు, పార్టీ శ్రేణులు నిరసన చేపట్టారు. దీంతో వీరిని పోలీసులు అదుపులోకి తీసుకుని పీఎస్ కు తరలించారు.

అంతకుముందు నేషనల్ హెరాల్డ్ కేసులో ఈడీ ముందు సోనియా గాంధీ, రాహుల్ గాంధీ ప్రియాంక గాంధీ నేడూ ఈడీ కార్యాలయంలో అధికారుల ముందు హాజరయ్యారు. అనంతరం రాహుల్ గాంధీ నిరసన చేపట్టి రోడ్డుపై బైఠాయించారు.

కేంద్ర ప్రభుత్వం దర్యాప్తు సంస్థలను దుర్వినియోగం చేస్తోందని రాహుల్ మండిపడ్డారు. ఈ వ్యవహరాన్ని రాష్ట్రపతి ద్రౌపది ముర్ము దృష్టికి తీసుకెళ్లేందుకు విజయ్ స్థానిక చౌక్ నుంచి రాష్ట్రపతి భవన్ చేరుకునేందుకు ర్యాలీ చేపట్టారు. వీరిని పోలీసులు అడ్డుకోవడంతో తోపులాట జరిగింది.

మోదీ రాజుగా.. భారత్ పోలీసు రాజ్యంగా మారిందని రాహుల్ దుయ్యబట్టారు. ఆందోళన చేస్తుంటే పోలీసులు అరెస్టు చేస్తున్నారని ఆగ్రహం వ్యక్తం చేశారు.