కోటా శ్రీనివాసరావు – ఎన్టీఆర్ బెస్ట్, చరణ్ కు చిరంజీవి వల్లే పేరు!

సీనియర్ నటులు కోటా శ్రీనివాస రావు ఈ మధ్య మళ్ళీ కెమెరా ముందుకు వస్తున్నారు. సినిమాల్లో కాదు కానీ పలు యూట్యూబ్ మీడియా సంస్థలకు ఇంటర్వ్యూలు ఇస్తున్నారు. అయితే ఈ ఇంటర్వ్యూలలో పలు వివాదాస్పద అంశాలు మాట్లాడి వివాదాలకు కేంద్ర బిందువు అవుతున్నారు. ముఖ్యంగా మెగా ఫ్యామిలీపై నెగటివ్ రిమార్కులు పేల్చుతున్నారు ఆయన.

ఒక ఇంటర్వ్యూలో చిరంజీవిని ఉద్దేశిస్తూ హాస్పిటల్ కట్టడం కాదు ముందు కార్మికులకు తిండి పెట్టు అంటూ ఘాటుగా వ్యాఖ్యానించారు. అలాగే మరో ఇంటర్వ్యూలో రామ్ చరణ్ నటన ఎలా ఉంటుంది అని అడగ్గా చిరంజీవి గారి అబ్బాయి అవ్వడం వల్లే పేరు కానీ తన సామర్ధ్యం ఇంకా తెలీలేదు. అలాంటి చిత్రాలు ఇంకా రాలేదు. మంచి నటుడే అయ్యి ఉండవచ్చు అని అన్నారు.

అలాగే రాజమౌళి సినిమాల్లో నటులకు పేరు రాదనీ, కేవలం రాజమౌళికి మాత్రమే పేరు వస్తుందని తెలిపారు. ఇక తనకు బాగా ఇష్టమైన నటుడు ఎన్టీఆర్ అని చెప్పారు. మహేష్ బాబు, అల్లు అర్జున్, విజయ్ దేవరకొండ లాంటి వాళ్ళు బాగా చేస్తున్నా ఎన్టీఆర్ ఎప్పుడూ టాప్ అని తెలియజేసారు.