నా వల్ల ఏ ఒక్కరికి నష్టం, కష్టం కలగడం లేదు : సుమ

తెలుగు ప్రేక్షకులకు యాంకర్ సుమ గురించి ప్రత్యేకంగా పరిచయం అక్కర్లేదు. బుల్లి తెర సీరియల్స్ ద్వారా పరిచయమై వెండి తెరపై కూడా మొదట్లో సందడి చేసిన సుమ గత రెండు దశాబ్దాలుగా బుల్లి తెరపై యాంకర్గా సక్సెస్ ఫుల్ గా దూసుకు పోతుంది. యాంకర్ అంటే సుమ అన్నట్లుగా ఈ తరం బుల్లి తెర ప్రేక్షకులకు అభిప్రాయాన్ని ఏర్పరచడంలో సుమ సక్సెస్ అయ్యారు. యాంకర్ సుమ నటి గా మారి జయమ్మ పంచాయతీ అనే సినిమాతో ప్రేక్షకుల ముందుకు రాబోతుంది. ఆ సినిమా ప్రమోషన్ కార్యక్రమాల్లో భాగంగా ఒక ఇంటర్వ్యూలో మాట్లాడుతూ తాను ఎవరి పొట్ట కొట్టడం లేదని స్పష్టం చేసింది.

ఎక్కడ చూసినా సుమ ఉండటం.. ఏ కార్యక్రమం అయినా ఆమెనే కనిపించడంతో ఎంతో మంది యాంకర్లకు అవకాశాలు రావడం లేదు అనేది సుమ పై విమర్శ. ఆ విమర్శకు సమాధానంగా సుమ పై వ్యాఖ్యలు చేసింది. ఆ ఇంటర్వ్యూలో ఇంకా సుమ మాట్లాడుతూ… ఇండస్ట్రీ లో ఉన్న ప్రతి ఒక్క యాంకర్ తో నాకు సన్నిహితంగా ఉంటారు.. ప్రతి ఒక్కరితో సంబంధాలు ఉన్నాయి. ఇక్కడ ఏ ఒక్కరికి మరొకరు పోటీ అన్నట్టు కాదు, ఎవరికీ రావాల్సిన అవకాశాలు వారికి వస్తాయి. ప్రతిభ ఆధారంగా ప్రతి ఒక్కరు కూడా మంచి పేరు, గుర్తింపు దక్కించుకుంటారు. ఒకరిని తొక్కేసి ఒకరి నుంచి మరొకరు అవకాశాలను, కెరీర్ ను లాక్కోలేరంటూ సుమ క్లారిటీ ఇచ్చింది. తన వల్ల ఏ ఒక్కరికి నష్టం కలగడం కానీ ఇబ్బంది కలగడం కానీ జరగడం లేదని, తన పనేదో తాను చేసుకుంటూ వెళుతున్నానని సుమ స్పష్టం చేసింది.