బిగ్ బాస్ 5లో నిన్నటి ఎపిసోడ్ లో ఎవిక్షన్ ఫ్రీ పాస్ ఎపిసోడ్ ను కంటిన్యూ చేసాడు. సన్నీని సపోర్ట్ చేయడానికి నిర్ణయించుకున్న కాజల్ తన స్టాండ్ మీద బలంగా నిలబడింది. ఎన్నీ, సిరిలలో ఒకర్ని సపోర్ట్ చేయమని మానస్ చెప్పినా కూడా వినిపించుకోలేదు. ఇద్దరూ ఎలిమినేట్ అయిపోతే సన్నీకి ఆ పాస్ వస్తుందని నమ్మింది. అనుకున్నట్లుగా అలానే జరిగింది. మానస్, కాజల్ లు కూర్చొని ఏ విషయం తేల్చకపోవడంతో సన్నీకి ఆ పాస్ దక్కింది. నాగార్జున ఆ పాస్ గురించి వివరిస్తూ తనకు కావాల్సిన వాళ్లకు లేదా తనకు ఈ పాస్ ను ఉపయోగించుకోవచ్చని చెప్పాడు. దీంతో కాజల్ ఎత్తుగడ బాగా ఫలించిందని చెప్పాలి.
మరోవైపు ఎన్నీ ఈ స్ట్రాటజీని సరిగ్గా అర్ధం చేసుకోలేకపోయింది. అనవసరంగా ఫ్రస్ట్రేట్ అయ్యి ఆడియన్స్ కు చిరాకు తెప్పించింది. ముందు నుండి కూడా కాజల్ విషయంలో ఎన్నీ వెక్కిరిస్తూ, వింత చేష్టలు చేస్తూ ఉండింది. ఈ విషయాన్ని కన్ఫెషన్ రూమ్ కు పిలిచి మరీ చెప్పాడు నాగార్జున. అలాగే ఎవిక్షన్ టాస్క్ లో ఎన్నీ, ప్రియాంక ఫైర్ ట్రక్ ఎక్కినప్పుడు సన్నీని కాకుండా కాజల్ ను సేవ్ చేసి ఉంటే ఎన్నీ మాస్టర్ కు మరో అవకాశం లభించి ఉండేది. కానీ ప్రియాంక మాటలకు లొంగిపోయి సన్నీని సేవ్ చేసి ఎవిక్షన్ పాస్ ను చేజార్చుకుంది.
ప్రస్తుతం ఉన్న కంటెస్టెంట్స్ లో ఎన్నీ మాస్టర్ వీక్ గా కనిపిస్తున్నారు. ఈరోజు ఎలిమినేట్ అయ్యేది కూడా ఆమె అని అంటున్నారు. ఒకవేళ పాస్ ఉండి ఉంటే ఆమెకు ఉపయోగపడేది. ఇక నాగార్జున ఈ ఎపిసోడ్ లో కొన్ని ఇష్యూస్ పై స్పందించాడు. షణ్ముఖ్, సిరిల ట్రాక్ పై కొంత క్లారిటీ ఇచ్చాడు. వాళ్ళ గొడవ ఏదైనా కానీ అది గేమ్ ను ఎఫెక్ట్ చేయకూడదని, అలాగే సిరి సెల్ఫ్ హర్ట్ చేసుకోవడం బాలేదని చెప్పాడు. మానస్ ను కూడా కన్ఫెషన్ రూమ్ కు పిలిచి ప్రియాంకను ఇబ్బంది పెడుతోన్న విషయంపై ఒక వీడియో చూపించాడు. మానస్ క్లారిటీ తనకు వచ్చింది. అలాగే రవి చేత ఈ వారం జరిగిన టాస్క్ ఆధారంగా బంగారం లేదా బొగ్గు కంటెస్టెంట్స్ కు ఇవ్వాలని చెప్పాడు. రవి – శ్రీరామ్ చంద్ర, ఎన్నీ, మానస్, ప్రియాంకలకు బంగారం ఇవ్వగా తనతో సహా మిగిలిన వారికి బొగ్గు ఇచ్చాడు.
ఫైనల్ గా ఈ ఎపిసోడ్ లో నామినేషన్స్ లో ఉన్న ఎనిమిది మంది నుండి ఇద్దర్ని – సన్నీ, శ్రీరామ్ చంద్రలను సేవ్ చేసాడు. మరి రేపు ఎవరు ఎలిమినేట్ అవుతారో చూడాలి.
24355 416080An extremely fascinating read, I might not concur completely, but you do make some extremely valid points. 95531