తెలంగాణలో కేసీయార్ కుటుంబమే బాగుపడిందని అంటున్నారు వైఎస్సార్ తెలంగాణ పార్టీ అధినేత్రి వైఎస్ షర్మిల. ప్రగతి భవన్లో తనిఖీలు చేస్తే వేల కోట్లు బయటపడతాయట. కేసీయార్ ముఖ్యమంత్రి అయ్యాక ఆయన కుటుంబం మాత్రమే బాగుపడిందట.! పెద్ద పెద్ద ఫామ్హౌస్లు కట్టుకున్నారంటూ కేసీయార్ మీద వైఎస్ షర్మిల విరుచుకుపడ్డారు.
మరి, వైఎస్ రాజశేఖర్ రెడ్డి సంగతేంటి.? వైఎస్ జగన్ మోహన్ రెడ్డి మాటేమిటి.? వైఎస్ షర్మిల పరిస్థితేంటి.? తండ్రి అధికారాన్ని అడ్డం పెట్టుకుని వైఎస్ జగన్ మోహన్ రెడ్డి అడ్డగోలుగా అక్రమాస్తులు కూడగట్టారన్నది వైఎస్ జగన్ మోహన్ రెడ్డి మీద వున్న అభియోగం. ఈ అభియోగం మీదనే ఆయన జైలుకు వెళ్ళారు కూడా. మరి, అప్పట్లో అన్న తరఫున వైఎస్ షర్మిల ఎలా వకాల్తా పుచ్చుకున్నట్టు.?
‘తండ్రి అధికారాన్ని అడ్డం పెట్టుకుని అక్రమంగా సంపాదించావ్..’ అని ఆనాడు అన్న వైఎస్ జగన్ మోహన్ రెడ్డిని వైఎస్ షర్మిల ఎందుకు నిలదీయలేదు.? అన్న ప్రశ్న తెలంగాణ సమాజం నుంచి వస్తోంది. వైఎస్ రాజశేఖర్ రెడ్డి, 2004 ఎన్నికల సమయంలో ఆస్తులమ్మి రాజకీయాలు చేశారంటారు. మరి, వైఎస్ ముఖ్యమంత్రి అయ్యాక.. ఆయన కుటుంబం ఎలా ఆస్తుల్ని కూడగట్టిందట.? అంటూ తెలంగాణ రాష్ట్ర సమితి నేతలు ప్రశ్నిస్తున్నారు.
ప్రగతి భవన్లో తనిఖీలు చేస్తే వేల కోట్లు దొరుకుతాయో.. మీ అన్న నివాసం తాడేపల్లిలో వేల కోట్లు దొరుకుతాయో.. అంటూ గులాబీ పార్టీ మద్దతుదారులు సోషల్ మీడియా వేదికగా సెటైర్లేస్తున్నారు. ‘మీ బాబాయ్ దారుణ హత్యకు గురయ్యారు.. ఆ హత్య కేసుపై మీరు చేపట్టిన ఉద్యమాలేంటి.?’ అనే ప్రశ్నలూ షర్మిల మీదకు దూసుకెళుతున్నాయి.
కాంగ్రెస్ ఎమ్మెల్యే జగ్గారెడ్డి మీద వైఎస్ షర్మిల విమర్శలు చేస్తే, ఆమెని బీజేపీ వదిలిన బాణ:గా అభివర్ణించారాయన. ‘క్రెడిబులిటీ లేనోళ్ళు ఏవేవో మాట్లాడతారు.. వాటి గురించి నా దగ్గర మీరు ప్రశ్నిస్తారా.?’ అంటూ మీడియా మీద రుసరుసలాడారు వైఎస్ షర్మిల. అసలు వైఎస్ షర్మిలకి వున్న క్రెడిబులిటీ ఏంటి.? ఆమె స్థాయి ఏంటి.? అని జగ్గారెడ్డి ప్రశ్నిస్తున్నారు.
మొత్తమ్మీద, తెలంగాణ రాజకీయాల్లో సందడి చేస్తోన్న వైఎస్ షర్మిల, తెలుగు రాష్ట్రాల్లో బోల్డంత ఎంటర్టైన్మెంట్కి కారణమవుతున్నారు. కేసీయార్ మీద ఆమె చేస్తోన్న ప్రతి విమర్శా.. అటు దివంగత వైఎస్ రాజశేఖర్ రెడ్డికీ, ఇంకోపక్క ఏపీ ముఖ్యమంత్రి వైఎస్ జగన్ మోహన్ రెడ్డికీ గట్టిగా తగిలేస్తున్నాయి.. కానీ, ఆమె అసలు టార్గెట్ కేసీయార్ అయినా, అటు వైపుగా ఆ విమర్శలు అంత దూకుడుగా వెళ్ళలేకపోతున్నాయ్.
124952 833387Does your web site have a contact page? Im having trouble locating it but, Id like to send you an e-mail. Ive got some suggestions for your weblog you may be interested in hearing. Either way, fantastic blog and I look forward to seeing it develop more than time. 452718
533830 875317Terrific paintings! That is the kind of information that are meant to be shared around the web. 788987
578862 466927Hello! I could have sworn Ive been to this web site before but soon after browsing via some of the post I realized its new to me. Nonetheless, Im surely pleased I found it and Ill be book-marking and checking back often! 479768
159266 690594Woh I like your content , saved to bookmarks ! . 711423