ఇదే సరైన సమయం.. పవన్ ఏం చేస్తారో చూడాలి..

రాజకీయంగా పవన్ కళ్యాణ్ ఆంధ్రప్రదేశ్ లో వెనకబడిన మాట కొంత వాస్తవం. ఈ విషయం అందరికి తెలిసిందే. ప్రస్తుతం ఏపీలో రాజకీయంగా కొన్ని ఒడిదుడుకులు జరుగుతున్నాయి. వైకాపా అమరావతిని రాజధానిగా ఉంచి అక్కడి నుంచే పరిపాలన అనే మాట చెప్పినట్టయితే పరిస్థితి ఒకలా ఉండేది. ఆ పార్టీకి అనుకుగుణంగా ఉండేది. కానీ, ఎప్పుడైతే మూడు రాజధానుల సంగతి సంగతి తీసుకొచ్చారో అప్పటి నుంచే పూర్తిగా మారిపోయింది.

మూడు రాజధానులు విషయం ఎప్పుడైతే పార్టీ తీసుకొచ్చిందో అప్పటి నుంచి వైకాపా కొంత అనిశ్చితిని ఎదుర్కోవడం మొదలుపెట్టింది. రాజకీయంగా పార్టీకి కొన్ని ఇబ్బందులు పడుతున్నది. ఇందులో భాగంగానే పార్టీకి సంబంధించిన ఇబ్బందులు మొదలయ్యాయి. అమరావతి రైతులు రోడ్డుమీదకు వచ్చి రగడ చేస్తున్నారు. అమరావతి నుంచి రాజధానిని మార్చేందుకు వీలులేదని అంటున్నారు.

ఆరు నెలల నుంచి సైలెంట్ గా ఉండి, ఇప్పుడు మూడు రాజధానులు అంటే అర్ధం ఏంటని రైతులు ప్రశ్నిస్తున్నారు. రైతుల ప్రశ్నలకు ప్రభుత్వం సమాధానం చెప్పలేకపోతున్నది. అమరావతిలోని రాజధాని కట్టాలి అంటే లక్షకోట్లు కావాలని అంటున్నారు. అలానే అక్కడ ముంపుకు గురయ్యే అవకాశం కూడా ఉందని అంటున్నారు. మరి ఈ విషయాలు ఏవి కూడా ముందుగా తెలియవా అంటే తెలియకుండా ఎందుకు ఉంటాయి చెప్పండి. కావాలనే ఆరు నెలలపాటు రాజధానిపై సైలెంట్ గా ఉండి ఇప్పుడు రాజధాని మార్పు అంటున్నారు.

పవన్ రాజకీయాల్లో నిలదొక్కుకోవడానికి ఇదే సరైన సమయం. కృష్ణా, గుంటూరు, ప్రకాశం జిల్లాలోని బలం పెంచుకోవడానికి, ప్రజలను తమవైపు తిప్పుకోవడానికి ఇదే సరైన అవకాశం. పవన్ కళ్యాణ్ రాజకీయాల్లో ఎదగాలని అనుకోవడం వాస్తవమైతే, తప్పని సరిగా ఈ సమయంలోనే ప్రజల్లోకి వెళ్ళాలి. ప్రజల సమస్యలపై పోరాటం చేయాలి.

రాజధాని విషయంలో అమరావతి ప్రజల మధ్య ఉండి పోరాటం చేయాలి. మరి పవన్ ఇవి చేయగలడా..? ఎందుకంటే 2019 ఎన్నికల్లో పవన్ కళ్యాణ్ భీమవరం, విశాఖలోని గాజువాక నుంచి పోటీ చేశారు. ఈ రెండు చోట్ల నుంచి ఓడిపోయినా.. కొంత ఓటు బ్యాంకును తెచ్చుకున్నారు. ఈ సమయంలో విశాఖకు వ్యతిరేకంగా పోరాటం చేయగలడా? అలానే అమరావతికి అనుకూలంగా నిలబడగలడా? కర్నూలు విషయంలో పవన్ స్టాండ్ ఎలా ఉంటుంది అన్నది తెలియాల్సి ఉన్నది.