‘పాదయాత్రలో వైఎస్ జగన్ కోసం పనిచేసిన వ్యక్తికి లోక్ సభ అభ్యర్థిగా వైసీపీ అవకాశమిచ్చింది. అంటే, జగన్ సేవ చేసినందుకే ఎంపీ అవకాశం అన్నమాట..’ అంటూ భారతీయ జనతా పార్టీ, వైసీపీ అభ్యర్థి గురుమూర్తి విషయమై తనదైన రీతిలో వెటకారం చేస్తోంది. మరి, రత్నప్రభకు ఏ ప్రాతిపదికన లోక్ సభ అభ్యర్థిగా బీజేపీ ఎంపిక చేసినట్లు.? అంటే, రత్నప్రభ గతంలో ఐఏఎస్ అధికారిణిగా పనిచేశారు.. అంటే, జన సేవ చేశారట. జనసేవ చేసిన రత్నప్రభనే తిరుపతి ఎంపీగా గెలిపించాలన్నది బీజేపీ వెర్షన్.
ఇక, టీడీపీ అభ్యర్థి పనబాక లక్ష్మి విషయానికొస్తే, ఆమె గతంలో చంద్రబాబుని ఏ స్థాయిలో విమర్శించారో ఆనాటి వీడియోలన్నిటినీ బీజేపీ సోషల్ మీడియాలో వుంచుతోంది. తిరుపతి ఎంపీగా గతంలో పనిచేసిన చింతా మోహన్ కాంగ్రెస్ పార్టీ నుంచి మరోసారి బరిలో నిలిచారు. ఈ నలుగురి చుట్టూనే పోటీ నడుస్తోంది.
కాంగ్రెస్ పార్టీ తిరుపతిలో పుంజుకునే అవకాశం లేకపోయినా, చింతా మోహన్ కొన్ని ఓట్లనైతే గట్టిగానే చీల్చవచ్చు. ఇక, ప్రధాన పోటీ మాత్రం వైసీపీ – టీడీపీ మధ్యనే వుండబోతోంది. అలాగని బీజేపీని తక్కువ అంచనా వేయడానికి వీల్లేదు. పవన్ కళ్యాణ్ ప్రచారంతో రత్నప్రభ గెలుపు అవకాశాలు అనూహ్యంగా పెరగొచ్చు.
నిన్న మొన్నటిదాకా స్తబ్దగా వున్న జనసేన శ్రేణులు, ఎప్పుడైతే పవన్ వద్దకు రత్నప్రభ వెళ్ళారో ఆ తర్వాత యాక్టివ్ అయ్యాయి. జనసేనాని తిరుపతిలో పర్యటిస్తే, ఆ తర్వాత సీన్ మరింతగా మారుతుందనడం నిస్సందేహం. అయితే, ఎవరు గెలిచినా తిరుపతికి ఏం ఉపయోగం వుండదు.. అన్న చర్చ మాత్రం గట్టిగా నడుస్తోంది. బరిలో వున్న అభ్యర్థుల్లో ఎవరికీ రాష్ట్రం పట్ల చిత్తశుద్ధి లేదన్నది స్థానికంగా వినిపిస్తోన్న మాట.
‘రాష్ట్రానికి ఏమీ ఇవ్వం.. పైగా, వున్నవి లాగేసుకుంటాం..’ అన్నట్టు వ్యవహరిస్తోంది బీజేపీ. అదే బీజేపీకి పెద్ద మైనస్. టీడీపీకి ఓటేసినా లాభమేంటి.? అన్న భావనలో చాలామంది ఓటర్లున్నారు. ఇక, వైసీపీ కూడా మెజార్టీ సీట్లు 2019 ఎన్నికల్లో గెలిచినా, రాష్ట్రం వాయిస్ పార్లమెంటు సాక్షిగా వినిపించడంలో విఫలమైందన్న నిర్వేదం జనంలో వుంది. సో, ఎలా చూసినా.. తిరుపతి ఉప ఎన్నిక రాజకీయ పార్టీల్లో తప్ప, ప్రజల్లో ఆసక్తిని రేకెత్తించడంలేదన్నమాట. ఎవరు గెలిచినా, తమకు ఉపయోగం లేదన్న భావనకు ప్రజలు వచ్చేయడమంటే.. అంతకన్నా దారుణం ఇంకోటుండదు.
4485 732592Keep up the great piece of work, I read couple of posts on this internet website and I feel that your blog is really fascinating and holds bands of great info. 781054
460267 431485Thanks for the fantastic post against your blog, it genuinely provides me with a look about this topic.??;~.?? 162589
14381 945168Thank you a good deal for sharing this with all individuals you really recognize what you are speaking about! Bookmarked. Please furthermore talk over with my web web site =). We could have a hyperlink alternate arrangement among us! 146886