మానుకోట సంఘటన గుర్తుందా? ఉమ్మడి ఆంధ్రప్రదేశ్ లో వైఎస్సార్ సీపీ అధినేత వైఎస్ జగన్ మోహన్ రెడ్డి ఓదార్పు యాత్ర చేస్తున్న సందర్భంలో మహబూబాబాద్ రైల్వే స్టేషన్ ఆందోళనతో అట్టుడికింది. సమైక్య రాష్ట్రానికి అనుకూలంగా నినాదాలు చేసిన జగన్ రాకను తెలంగాణ ఉద్యమకారులు తీవ్రంగా వ్యతిరేకించారు. కొండా సురేఖ వంటి నేతలు జగన్ కు అనుకూలంగా ఉండటంతో మహబూబాబాద్ రైల్వే స్టేషన్ రణరంగంగా మారింది. దీంతో పోలీసులు మధ్యలోనే జగన్ ను అడ్డుకుని వెనక్కి పంపించేశారు. ఇదంతా గతం.
ఇక వర్తమానంలోకి వస్తే.. ఇప్పుడు అదే జగన్ తమకు ముద్దంటున్నారు. తెలంగాణలోని పలు వర్గాల్లో జగన్ కు అనుకూలురు అంతకంతకూ పెరుగుతున్నారు. రైతులకు అందించే సాయం విషయంలోనూ, ఉద్యోగాల భర్తీలోనూ, ఉద్యోగుల ఐఆర్ పెంచడంలోనూ, ఆర్టీసీని ప్రభుత్వంలో విలీనం చేయడంలోనూ జగన్ ను మెచ్చుకుంటూ తమ సీఎం వైఖరిని మాత్రం ఎండగడుతున్నారు. తాజాగా ఆర్టీసీ కార్మికులు సైతం జగన్ కే జై అంటున్నారు.
ప్రస్తుతం తెలంగాణలో ఆర్టీసీ సమ్మె జరుగుతున్న సంగతి తెలిసిందే. సీఎం కేసీఆర్, ఆర్టీసీ యూనియన్ల మధ్య మొదలైన రగడ ఇంకా కొనసాగుతూనే ఉంది. జిల్లాల్లో ఆర్టీసీ కార్మికులు, వారి కుటుంబాలు రోడ్డెక్కి వివిధ రూపాల్లో తమ నిరసన తెలుపుతున్నారు. కొన్ని చోట్ల ఏపీ సీఎం జగన్ కు పాలాభిషేకం కూడా చేస్తున్నారు. కేసీఆర్ వద్దు.. జగనే మద్దు అనే ప్లకార్డులు ప్రదర్శిస్తూ నినాదాలు చేస్తున్నారు.
పొరుగు రాష్ట్ర సీఎం జగన్ ను చూసైనా కేసీఆర్ తమ డిమాండ్ల విషయంలో సానుకూలంగా స్పందించాలని కోరుతున్నారు. ఈ పరిణామాలు సహజంగానే కేసీఆర్ కు మంట పుట్టిస్తున్నారు. ప్రస్తుతం రెండు రాష్ట్రాల సీఎంల మధ్య సత్సంబంధాలు ఉన్నప్పటికీ, ఆర్టీసీ కార్మికుల జగన్ అనుకూల నినాదాలు కేసీఆర్ కు అసహనం కలిగిస్తున్నట్టు తెలుస్తోంది. చర్చలు జరిపి సమస్యను పరిష్కరించుకోవాలని హైకోర్టు సూచించినా.. ఇంకా దానిపై నిర్ణయం తీసుకోకుండా తాత్సారం చేయడానికి ఇదే కారణమని అంటున్నారు.
తాజాగా ఏపీఎస్ ఆర్టీసీని మరింత బలోపేతం చేయడానికి రూ.వెయ్యి కోట్లతో 3,677 కొత్త బస్సులు కొనుగోలు చేయడానికి జగన్ సర్కారు గ్రీన్ సిగ్నల్ ఇచ్చింది. మరోవైపు తెలంగాణలో అదే రోజు 1035 అద్దె బస్సుల కోసం సర్కారు నోటిఫికేషన్ జారీచేసింది. కొత్త బస్సులతో జగన్ తమ ఆర్టీసీని బలోపేతం చేస్తుంటే.. ఇక్కడ మాత్రం అద్దె బస్సులు తీసుకుంటూ సంస్థ ఉనికిని ప్రశ్నార్థకం చేస్తున్నారని కార్మికులు మండిపడుతున్నారు.
862206 619937Some actually fascinating information , well written and loosely user genial . 752471