ప్రత్యేక హోదా విషయంలో భారతీయ జనతా పార్టీ స్టాండ్ చాలా క్లియర్గా వుంది. అసలు ప్రత్యేక హోదా ఇచ్చే ఉద్దేశ్యమే లేదు బీజేపీకి. తెలుగుదేశం పార్టీ, వైఎస్సార్ కాంగ్రెస్ పార్టీ పరిస్థితి వేరు. జనసేన పార్టీ పరిస్థితి వేరు. 2014 నుంచి 2019 వరకు ఏపీలో అధికారంలో వున్న టీడీపీ, ప్రత్యేక హోదా పేరుతో చెప్పిన పబ్లిసిటీ స్టంట్లు అన్నీ ఇన్నీ కావు. ఆ సమయంలో వైసీపీ కూడా నానా యాగీ చేసింది.
తిరుపతి ఉప ఎన్నిక వేళ మళ్ళీ ప్రత్యేక హోదా అంశం చర్చకు వచ్చింది. బీజేపీ మిత్రపక్షం గనుక, జనసేన పార్టీ.. ప్రత్యేక హోదా గురించి ప్రత్యేకంగా మాట్లాడ్డానికి ఏమీ లేదు. పైగా, చట్ట సభల్లో జనసేనకు ప్రాతినిథ్యం లేదు. అన్నిటికీ మించి, ప్రధాన రాజకీయ పార్టీలైన టీడీపీ, వైసీపీ.. ప్రత్యేక హోదా పట్ల చిత్తశుద్ది చూపనప్పుడు, జనసేన.. బీజేపీతో కలిసి వున్నా, బీజేపీ మీద తిరగబడినా పెద్దగా ప్రయోజనం వుండదు.
దాదాపు నాలుగేళ్ళపాటు టీడీపీ, బీజేపీతో అధికారం పంచుకుంది. వైసీపీ ఇంకా అనుమానాస్పదంగా వ్యవహరిస్తోంది బీజేపీ విషయంలో. పైకి ఒకరిద్దరు వైసీపీ నేతలు, బీజేపీ మీద సెటైర్లు వేస్తారు తప్ప.. బీజేపీని నిలదీసే పరిస్థితిలో లేదు వైసీపీ. జాతీయ స్థాయిలో బీజేపీకి అవసరమొచ్చినప్పుడల్లా వైసీపీ సాయం చేస్తూ వస్తోంది. అది కొత్త వ్యసాయ చట్టాల విషయంలో అయినా, మరో విషయంలో అయినా.
నిజానికి, తిరుపతి ఉప ఎన్నిక టీడీపీ – వైసీపీలకు అత్యద్భుతమైన అవకాశం ప్రత్యేక హోదాపై బీజేపీ నిలదీయడానికి. కానీ, అటు టీడీపీ.. ఇటు వైసీపీ.. తమలో తాము తిట్టుకుంటూ బీజేపీని రక్షిస్తున్నాయి. టీడీపీ – వైసీపీ మధ్య ప్రత్యేక హోదా విషయమై ఖచ్చితమైన అవగాహన వుంది. అదేంటంటే, ప్రత్యేక హోదా అంశం రాజకీయ పరమైన అంశం కాకూడదని. అందుకే, ముఖ్యమంత్రి వైఎస్ జగన్ మోహన్ రెడ్డి తిరుపతి ఎన్నికల ప్రచారాన్ని కూడా రద్దు చేసుకున్నారన్న విమర్శలున్నాయి.
‘ఇవన్నీ తర్వాత, బీజేపీ మిత్రపక్షమైన జనసేన.. ఒకప్పుడు బీజేపీని ప్రత్యేక హోదా విషయమై విమర్శించి, ఇప్పుడెలా బీజేపీని వెనకేసుకొస్తోంది..’ అన్నది టీడీపీ, వైసీపీ సంయుక్తంగా సంధిస్తోన్న ఓ తేలిక ప్రశ్న. ఇక్కడ తేలిక ప్రశ్న అని ఎందుకు అనాల్సి వస్తోందంటే, ఇక్కడా ఆ రెండు పార్టీలకూ బీజేపీని విమర్శించాలనే ఆలోచన లేదు. పవన్ కళ్యాణ్ని విమర్శించాలి కాబట్టే, ఆ కాస్త అయినా ప్రత్యేక హోదా గురించి మాట్లాడుతున్నాయి టీడీపీ, వైసీపీ. ఇదీ రాష్ట్రంలో నెలకొన్న దివాళాకోరు రాజకీయం.
420069 579734Hello! I could have sworn Ive been to this weblog before but soon after browsing by way of some with the post I realized it is new to me. Anyways, Im certainly happy I found it and Ill be book-marking and checking back often! 848543
535335 60195Immigration Lawyers […]the time to read or pay a visit to the content material or internet sites we have linked to below the[…] 293691