Tamannah: మెగాస్టార్ చిరంజీవి( Chiranjeevi) నటించిన మోస్ట్ అవైటెడ్ మూవీ ‘భోళా శంకర్’. మెహర్ రమేష్ డైరెక్టర్. ఈ సినిమా ఈనెల 11న ప్రేక్షకుల ముందుకి రానుంది. ఇందులో తమన్నా( Tamannaa)..చిరుకి జోడిగా నటిస్తోంది. ప్రమోషన్స్ లో ఓ ఇంటర్వ్యూలో పాల్గొని ఆమె ‘భోళా శంకర్’ ముచ్చట్లు చెప్పుకొచ్చింది. చిరంజీవితో నటించడం మెమొరబుల్ అని చెప్పింది.
‘ చిరంజీవి పెద్ద స్టార్. ఆయనతో నటించాలనేది చాలామంది ఆర్టిస్టుల కల. నేను ఆయనతో కలిసి ‘సైరా’ లో చేసినప్పటికీ ‘భోళా శంకర్’ లో నాది ఫుల్ లెన్త్ పాత్ర. ‘సైరా’ లో ఆయనతో డాన్స్ చేసే అవకాశం రాలేదు. కానీ ఈ సినిమాలో ఆయనతో ‘మిల్కీ బ్యూటీ’ సాంగ్ చేయడంతో నా కోరిక నెరవేరింది. ఆ పాటలో మెగాస్టార్ చాలా క్యూట్ గా డాన్స్ చేశారు. నిజం చెప్పాలంటే ఇప్పుడు వస్తున్న డాన్స్ స్టెప్పులన్నీ మెగాస్టార్ ఎప్పుడో ట్రై చేసినవే. ‘భోళాశంకర్’ షూటింగ్ డేస్ అన్ని నాకు మెమొరబుల్ రోజులే. ముఖ్యంగా మెగాస్టార్ సెన్స్ ఆఫ్ హ్యూమర్ కి, హుందాతనానికి నేను ఫిదా అయిపోయాను. ఒక ఆర్టిస్ట్ గా ఆయన నుంచి కొత్త విషయాలు నేర్చుకున్నాను. ఇక కీర్తి సురేష్( Keerthy Suresh)విషయానికొస్తే ఆమె అద్భుతమైన నటి. ఇంటెన్స్ సీన్స్ తో పాటు ఎమోషనల్ సీన్లలో కూడా చాలా బ్యాలెన్స్డ్ గా నటించింది. తనతో కలిసి పనిచేయడాన్ని చాలా ఎంజాయ్ చేశాను. మేమిద్దరం ఇప్పుడు మంచి ఫ్రెండ్స్ అయ్యాం. ఇక సుశాంత్ విషయానికి వస్తే నా కెరీర్ తొలినాళ్లలో అతనితో హీరోయిన్ గా చేశాను. మళ్లీ ఈ సినిమాలో ఇద్దరం కలిసి పని చేసే అవకాశం వచ్చింది. చాలా డిఫరెంట్ రోల్స్ లో కనిపిస్తాం. డైరెక్టర్ మెహర్ రమేష్ నా పాత్రని చాలా హ్యూమరస్ గా డిజైన్ చేశారు. ‘వేదాళం’ లో హీరోయిన్ పాత్ర కంటే ఈ సినిమాలో నా పాత్ర నిడివి ఎక్కువగా ఉంటుంది. డైరెక్టర్ నా పాత్రని చాలా అద్భుతంగా డిజైన్ చేశారు’ అని తమన్నా తెలిపింది.