పవర్ స్టార్ పవన్ కళ్యాణ్( Pavan Kalyan)తన మేనల్లుడు సాయిధరమ్ తేజ్( Sai Dharam Tej)తో కలిసి నటించిన చిత్రం ‘బ్రో( BRO)’. సముద్రఖని దర్శకుడు. గత వారం విడుదలైన ఈ సినిమా బాక్సాఫీస్ వద్ద హిట్ టాక్ తో దూసుకుపోతోంది. ఈ సందర్భంగా ఆ చిత్ర బృందం ఆంధ్ర ప్రదేశ్ లో సక్సెస్ టూర్ చేస్తోంది. ఇందులో భాగంగా ఇప్పటికే విజయవాడ, తెనాలి ద్వారకాతిరుమల పర్యటించిన చిత్ర బృందం తాజాగా మూడో రోజు అమలాపురం, కాకినాడ, రాజమండ్రి లో సందడి చేసింది. స్థానికంగా ఉండే కళాశాలలో విద్యార్థులతో ఇంట్రాక్ట్ అయింది. ఈ సినిమా హీరో సాయిధరమ్ తేజ్ ని చూసి విద్యార్థులు కేరింతలు కొట్టారు. స్థానికంగా ఉన్న ఓ థియేటర్ కి వెళ్లి ప్రేక్షకుల తో కలిసి ‘బ్రో’ సినిమాని చిత్ర బృందం వీక్షించింది.
ప్రతి మనిషి జీవితంలో టైం ఎంత ముఖ్యమని విలువైన సందేశాన్నిస్తూ ఈ సినిమా రూపొందింది. ఇందులో పవర్ స్టార్ పవన్ కళ్యాణ్ దేవుడి పాత్రలో కనిపించారు. పవన్ ఇందులో తన మార్క్ డైలాగులు, డాన్స్ మూవ్మెంట్స్ తో వింటేజ్ పవర్ స్టార్ ని గుర్తుకు తెచ్చారు. ఈ సినిమాలో ప్రియా ప్రకాష్ వారియర్, కేతికా శర్మ హీరోయిన్లు.