ఆ డైరెక్టర్‌ని చరణ్‌ వదలడా.?

సురేందర్‌రెడ్డి.. ఈ డైరెక్టర్‌ని చరణ్‌ ఆస్థాన డైరెక్టర్‌గా నియమించేసుకున్నాడు కాబోలు. ఆ దిశగానే సంకేతాలు అటు అందుతున్నాయి మరి. ‘ధృవ’తో చరణ్‌కి సూపర్‌ హిట్‌ ఇచ్చాడు సురేందర్‌ రెడ్డి. వాస్తవానికి అంతకన్నా ముందే మెగా కాంపౌండ్‌కి సురేందర్‌ రెడ్డి సుపరిచితుడు. అల్లు అర్జున్‌తో ‘రేసుగుర్రం’ వంటి సూపర్‌ డూపర్‌ హిట్‌ సినిమా తెరకెక్కించాడు. తర్వాత చరణ్‌తో ‘ధృవ’ సినిమా చేశాక, మెగా కాంపౌండ్‌ నుండి బయటికి రాలేదింతవరకూ.

‘ధృవ’తో కట్టి పడేసిన సురేందర్‌రెడ్డికి చరణ్‌ ‘సైరా’ ఛాన్స్‌ ఇచ్చాడు. ‘సైరా’ని సురేందర్‌ రెడ్డి ప్రతిష్టాత్మకంగా తీసుకున్నాడు. సక్సెస్‌ఫుల్‌గా కంప్లీట్‌ చేశాడు. ‘టెన్త్‌ అయ్యాకా నెక్ట్స్‌ ఏంటీ.? ఇంటర్‌ అయ్యాకా నెక్ట్స్‌ ఏంటీ.? అని చిన్న పిల్లాడిని అడిగినట్లు.. ‘సైరా’ పూర్తయ్యాక సురేందర్‌ రెడ్డి విషయంలో తలెత్తిన ప్రశ్న ఇదే.. సురేందర్‌రెడ్డి నెక్ట్స్‌ ఏంటీ.? అయితే, సురేందర్‌ రెడ్డిని చరణ్‌ ఇప్పుడప్పుడే వదిలేలా లేడనిపిస్తోంది. తదుపరి చిత్రం కూడా సురేందర్‌ రెడ్డికి మెగా కాంపౌండ్‌లోనే అని గుసుగుసలు వినిపిస్తున్నాయి. అయితే, అది చరణ్‌తోనా.? చిరంజీవితోనా.? అనేది ప్రస్తుతానికి సస్పెన్సే.

ఇదిలా ఉంటే, సురేందర్‌ రెడ్డికి చరణ్‌తో స్ట్రెయిట్‌ మూవీ తెరకెక్కించాలన్న కోరిక అలాగే ఉండిపోయింది. ‘ధృవ’ తమిళ రీమేక్‌ అన్న సంగతి తెలిసిందే. సో స్ట్రెయిట్‌ మూవీ ఒకటి చరణ్‌తో తెరకెక్కించాలనుకుంటున్నాడట. ఆ లెక్కల్లో సురేందర్‌ రెడ్డి – చరణ్‌ కాంబో ఒకటి సెట్‌ అవ్వాల్సి ఉంది. అలాగే, చిరుతో ఇంకో సినిమాకీ సురేందర్‌ రెడ్డికి ఛాన్స్‌ ఉందట. కొంచెం లేట్‌ అయినా కానీ, లేటెస్ట్‌గా మెగా కాంపౌండ్‌ హీరోతోనే సురేందర్‌ రెడ్డి తదుపరి సినిమా ఉండనుందనీ తాజా సమాచారమ్‌.

‘ధృవ’ తర్వాత గ్యాప్‌ తీసుకుని ‘సైరా’ని టేకప్‌ చేసిన సురేందర్‌ రెడ్డి, అలాగే ‘సైరా’ తర్వాత ఎంత గ్యాప్‌ తీసుకొని అయినా సరే, చిరు కోసమో, చరణ్‌ కోసమో స్క్రిప్టు సిద్ధం చేయాలని డిసైడ్‌ అయ్యాడట సురేందర్‌ రెడ్డి. ఏమో సురేందర్‌ రెడ్డి డైరెక్షన్‌లో ఈ సారి ఈ తండ్రీ కొడుకులిద్దరిలోనూ ఎవరు పోటీ పడతారో చూడాలి మరి. మరోవైపు ‘సైరా’ తర్వాత చిరంజీవి కొరటాల సినిమా కోసం సంసిద్ధమవుతున్నాడు. చరణ్‌ ‘ఆర్‌ఆర్‌ఆర్‌’ షూటింగ్‌తో బిజీగా ఉన్నాడు. ఈ ఇద్దరూ వచ్చే ఏడాదికి కానీ ఖాళీ అవ్వరు. అంత వరకూ సురేందర్‌ రెడ్డి వీరిద్దరిలో ఎవరికోసమైనా స్క్రిప్టు ఫైనల్‌ చేయడంలో కసరత్తులు చేస్తుండాలన్న మాట.