Sruthi Haasan: పవర్ స్టార్ పవన్ కల్యాణ్ (Pawan Kalyan) తో నటించిన ‘గబ్బర్ సింగ్’ తన కెరీర్ కు టర్నింగ్ పాయింట్ గా నిలిచిందని చెప్పుకొచ్చింది స్టార్ హీరోయిన్ శృతి హాసన్ (Sruthi Haasan). రీసెంట్ గా పాన్ ఇండియా స్టార్ ప్రభాస్ తో నటించిన సలార్ మంచి విజయం సాధించడంతో ఆమె కెరీర్లో మరో హిట్ పడింది. ప్రస్తుతం ఈ విజయంలో ఉన్న శృతి ఓ వెబ్ చానెల్ తో జరిగిన చర్చలో పాల్గొని నాటి రోజులను తన కెరీర్ విశేషాలను పంచుకుంది.
‘గబ్బర్ సింగ్ ముందు వరకూ ఫ్లాపులే ఎదురయ్యాయి. నా మీద ఎన్నో విమర్శలు వచ్చాయి. అయినా ముందుకు సాగాను. గబ్బర్ సింగ్ అవకాశం నా జీవితంలో టర్నింగ్ పాయింట్. ఆ హిట్ తో వరుసగా హిట్లు వచ్చాయి. అక్కడి నుంచి వెనుదిరిగి చూడలేద’ని పేర్కొంది. లోకనాయకుడు కమల్ హాసన్ ముద్దుల తనయగా ఇండస్ట్రీలోకి హీరోయిన్ గా అడుగుపెట్టింది శృతి హాసన్. తండ్రి చాటు నుంచి హీరోయిన్ గా రాణించింది. అయితే.. ఆమె కెరీర్ ఫ్లాపులతోనే ముద్రపడింది.