సోషల్ మీడియా చాలా యాక్టివ్గా వున్న ఈ రోజుల్లో ఏ చిన్న పొరపాటు దొర్లినా పరువు పోయే పరిస్థితి వస్తోంది. రాజకీయ పార్టీలకైతే ఇది మరీ సంకటంగా తయారవుతోంది. అధికార వైఎస్సార్ కాంగ్రెస్ పార్టీ అత్యుత్సాహం, ఇప్పుడు ఆ పార్టీ కొంప ముంచేస్తోంది సోషల్ మీడియాలో. జాతీయ క్రీడా దినోత్సవ వేడుకల సందర్భంగా ఆంధ్రప్రదేశ్లోని వైఎస్ జగన్ ప్రభుత్వం, వైఎస్సార్ క్రీడా ప్రోత్సాహకాల పేరుతో హల్చల్ చేస్తోన్న విషయం విదితమే. పథకాలకి వైఎస్సార్ పేరు పెట్టడం మీద వున్న శ్రద్ధ, ఆ పథకాల పబ్లిసిటీ విషయంలో చూపుతున్న అత్యుత్సాహం.. ఇతర విషయాల్లో వుండడంలేదు.
ఇదిగో, అందుకు ఇదే నిదర్శనం. సానియా మీర్జాని పీటీ ఉషగా మార్చేశారు హోర్డింగ్స్లో. విశాఖలో ఈ ‘లాలీ పాప్స్’ దర్శనమిచ్చాయి. బీచ్ రోడ్లో ఈ ‘లాలీ పాప్స్’ని చూసిన క్రీడా ప్రియులు ముక్కున వేలేసుకున్నారు. పీటీ ఉష అంటే తెలియనివారుండరు.. సానియా మీర్జా సంగతి సరే సరి. ఒకరిది పేరు, ఇంకొకరిది ఫొటో. పైగా, పద్మభూషన్.. పద్మశ్రీ.. అర్జున అవార్డ్.. అంటూ రాతలు కూడా రాసేశారు.
ఈ లాలీపాప్లో మంత్రి అవంతి శ్రీనివాస్ ఫొటో, ఆ పక్కనే ముఖ్యమంత్రి వైఎస్ జగన్ ఫొటో. అవంతి శ్రీనివాస్ అంటే.. విద్యా సంస్థల అధిపతిగా అందరికీ సుపరిచితుడు. గతంలో ఎంపీగా పనిచేశారాయన. ఇంత సిల్లీగా, ఇంత నిర్లక్ష్యంగా పబ్లిసిటీ పోస్టర్లను ‘లాలీ పాప్స్’ రూపంలో పెట్టి, సభ్య సమాజానికి ఏం సంకేతాలు పంపిస్తున్నట్లు.? ‘యూ ఇల్లిటరేట్స్..’ అంటూ వైఎస్సార్సీపీపై సోషల్ మీడియా వేదికగా ఎడా పెడా సెటైర్లు పడిపోతున్నాయి.
మరి, అధికార పార్టీ నేతలు ఈ ‘పరువు తక్కువ’ పనిని ఎలా సమర్థించుకుంటారో ఏమో.! అన్నట్టు పాప్ సింగర్ స్మిత ఈ ఫొటోని సోషల్ మీడియాలో పోస్ట్ చేశారు. వేసీపీ మద్దతుదారులు ఆమెని దారుణంగా ట్రోల్ చేసేస్తున్నారు.
562379 878208 Nice post. I learn something more challenging on different blogs everyday. It will always be stimulating to read content material from other writers and practice just a little something from their store. Id prefer to use some with the content on my blog whether you dont mind. Natually Ill give you a link on your web weblog. Thanks for sharing. 478587
520007 919048I really pleased to discover this site on bing, just what I was seeking for : D too bookmarked . 158312