Salaar : యంగ్ రెబల్ స్టార్ ప్రభాస్ బాహుబలి 2 తర్వాత చేసిన మూడు సినిమాల్లో మూడు కూడా బాక్సాఫీస్ వద్ద నిరాశ పరిచాయి. సాహో, రాధేశ్యామ్, ఆదిపురుష్ సినిమాలపై అభిమానులు మరియు ప్రేక్షకులు పెట్టుకున్న నమ్మకం వమ్ము అయింది. ఆ మూడు సినిమాల ఫలితాలతో సంబంధం లేకుండా సలార్ పై ఆకాశమే హద్దు అన్నట్లుగా అంచనాలు ఉన్నాయి.
సలార్ కి పోటీగా ఒక్క రోజు ముందు షారుఖ్ ఖాన్ నటించిన డుంకీ సినిమా విడుదల అవ్వబోతుంది. ఈ రెండు సినిమాల మధ్య పోటీ ఓ రేంజ్ లో కొనసాగుతోంది. తాజాగా రెండు సినిమాల ట్రైలర్ లు వచ్చాయి. రెండు ట్రైలర్స్ లో సలార్ ట్రైలర్ కి 150 మిలియన్ డిజిటల్ వ్యూస్ రావడంతో రికార్డులు బద్దలు అయ్యాయి.
డుంకీ ట్రైలర్ కి ఆ స్థాయి స్పందన దక్కలేదని చెప్పాలి. డుంకీ ట్రైలర్ వెనుకపడి పోవడంతో ఈ విషయంలో ప్రభాస్ పై చేయి సాధించినట్లు అయిందని ఇండస్ట్రీ వర్గాల వారు మరియు మీడియా వర్గాల వారు మాట్లాడుకుంటూ ఉన్నారు. ముందు ముందు ఫలితాలు ఎలా ఉంటాయో చూడాలి.