తొలి రోజు వచ్చిన డిజాస్టర్ టాక్ని తట్టుకుని బాగానే నిలబడింది ‘సాహో’. మరీ ముఖ్యంగా హిందీలో అయితే తొలి రోజుతో పోల్చితే, రెండో రోజు మరింత ఎక్కువ వసూళ్ళను రాబట్టినట్లు ట్రేడ్ రిపోర్ట్స్ చెబుతున్నాయి. 50 కోట్ల మార్క్ని హిందీ వెర్షన్ ఒక్కటే సాధించేసింది రెండు రోజుల్లోనే. ఇక గ్రాస్ లెక్కల పరంగా చూస్తే, రెండు రోజులకి 200 కోట్ల పై మాటే వచ్చిందని ఎర్లీ ట్రేడ్ రిపోర్ట్స్ చెబుతున్నాయి. మరోపక్క, తెలుగు రాష్ట్రాల్లో రెండో రోజు ‘సాహో’ కాస్త వేగం తగ్గినట్లు కన్పిస్తోంది.
మార్నింగ్ షో, మ్యాటనీ వరకూ కాస్త డల్గా వున్నా, ఆ తర్వాత వసూళ్ళు పుంజుకున్నాయి. ఆదివారం.. అంటే ఈ రోజు వసూళ్ళ ప్రభంజనం కనిపిస్తుందని ట్రేడ్ వర్గాలు అంచనా వేస్తున్నాయి. రేపు ఎలాగూ వినాయక చవితి సెలవు కావడంతో, ‘సాహో’కి తిరుగు లేదన్నది సర్వత్రా వ్యక్తమవుతున్న అభిప్రాయం. గ్రాస్ లెక్కల పరంగా ఈ నాలుగు రోజులూ పెద్దగా ఇబ్బంది లేదనీ, షేర్స్ ఎలా వుంటాయన్నదానిపై ఇంకాస్త స్పష్టత రావాల్సి వుందని ట్రేడ్ వర్గాలు చెబుతున్నాయి. నైజాంలో వసూళ్ళు స్థిరంగా కన్పిస్తున్నాయి.
సీడెడ్లో రెండో రోజు కొంత డల్ అయినట్లు రిపోర్స్ వస్తున్నాయి. మిగతా ఏరియాల్లో టాక్తో సంబంధం లేకుండా వసూళ్ళు స్టడీగా వున్నాయని ట్రేడ్ వర్గాలు చెబుతున్నాయి. మరోపక్క, ‘బాహుబలి’ సినిమా ఎవర్నయితే ఎంటర్టైన్ చేసిందో వాళ్ళందరికీ తన సినిమాలు చేరాలన్నదే తన ఆలోచన అని ప్రభాస్ తన తాజా ఇంటర్వ్యూలో పేర్కొన్నాడు.
‘సాహో’తో పాటు తన తదుపరి సినిమా (రాధాకృష్ణ దర్శకత్వంలో రూపొందుతున్నది) కూడా పాన్ ఇండియా రేంజ్లోనే వుంటుందని ప్రభాస్ క్లారిటీ ఇచ్చేశాడు. వసూళ్ళ సంగతి పక్కన పెడితే, సినిమాకి తొలి రోజు వచ్చిన ఫ్లాప్ టాక్లో ఏమాత్రం మార్పు రాలేదు. ఇదంతా ప్యూర్ స్టామినా ఆఫ్ ప్రభాస్.. అని రెబల్ స్టార్ అభిమానులు సోషల్ మీడియాలో నినదిస్తున్నారు. ఓ దశలో వారి ఉత్సాహం, రాజమౌళి రేంజ్ని తగ్గించి చూపేలా కూడా కన్పిస్తుండడం గమనార్హం.
988436 538664Superb weblog here! Additionally your internet site rather a whole lot up quick! What host are you the usage of? Can I get your affiliate link to your host? I wish my web site loaded up as quick as yours lol 683811
868211 155045 You made some decent points there. I looked on the internet for the concern and found most individuals will go along with with your site. 384543