రామ్ చరణ్ హీరో… పవన్ కుమార్తె డైరెక్టర్!

పవన్ కల్యాణ్ పెద్ద కుమారుడు, పుణేలో తల్లి రేణూ దేశాయ్ దగ్గర వుంటున్న అకిరా నందన్‌ను హీరోగా ఇంట్రడ్యూస్ చేస్తూ, రామ్ చరణ్ ఓ సినిమా నిర్మించనున్నాడని మొన్నామధ్య వార్తలు వచ్చాయి. రేణూ దేశాయ్ అటువంటిది ఏమీ లేదని చెప్పారు. కానీ, సినిమాలపై అకీరాకు ఇంట్రెస్ట్ వుందో? లేదో? చెప్పలేదు. అకిరా సంగతి ఏమో కానీ… పవన్ పెద్ద కుమార్తె ఆద్యాకు సినిమాలు అంటే ఇంట్రెస్ట్.

ఆద్యా డైరెక్షన్ చేయాలని అనుకుంటోంది. అదీ రామ్ చరణ్ హీరోగా ఒక సినిమాకు డైరెక్షన్ చేయాలని అనుకుంటోంది. ఈ సంగతి రామ్ చరణ్ స్వయంగా చెప్పాడు. కొణిదెల ఆఫీసులో ఒక బోర్డు వుంటుంది. మెగా ఫ్యామిలీలో పిల్లలు అక్కడికి వచ్చినప్పుడు రామ్ చరణ్ కు ఏదైనా చెప్పాలని అనిపిస్తే.. ఆ బోర్డు మీద రాస్తుంటారు. ఆద్యా ‘నిన్ను (రామ్ చరణ్) డైరెక్ట్ చేయాలనుంది’ అని రాసిందని రామ్ చరణ్ అన్నారు. దీంతో మెగా ఫ్యామిలీ అంతా ఎంత సన్నిహితంగా వుంటారో మరోసారి చెప్పినట్టయింది.

రేణూ దేశాయ్ మరాఠీలో రెండు సినిమాలకు దర్శకత్వం వహించిన సంగతి తెలిసిందే. తెలుగులో రైతు సమస్యల నేపథ్యంలో ఓ సినిమా చేయాలని అనుకుంటున్నారు. ప్రస్తుతానికి ఆద్యా చిన్న పిల్ల. పెరిగి పెద్దయిన తర్వాత నిజంగా దర్శకురాలు అయితే పవన్, చరణ్, వరుణ్, అల్లు అర్జున్, సాయి తేజ్… ఇలా మెగా ఫ్యామిలీలో చాలామంది హీరోలు వుంటారు. అప్పటికి అకిరా నందన్ కూడా హీరో ఇంట్రడ్యూస్ అవ్వొచ్చు.

తెలుగు సినిమా ఇండస్ట్రీలో మెగా ఫ్యామిలీ నుండి మస్తు మంది వున్నారు. మెగా ఫ్యామిలీలో వారసులు అందరూ హీరోలుగా వచ్చారు. మెగాస్టార్ చిన్న అల్లుడు కల్యాణ్ దేవ్ కూడా హీరో అయ్యారు. వారసురాళ్లలో మెగా బ్రదర్ నాగబాబు కుమార్తె కెమెరా ముందుకొచ్చారు. రీసెంట్‌గా ప్రొడ్యూసర్ అయ్యారు. చిరంజీవి పెద్ద కుమార్తె సుష్మిత కాస్ట్యూమ్ డిజైనర్ గా చేస్తున్నారు. ప్రొడక్షన్ హౌస్ స్టార్ట్ చేసి వెబ్ సిరీస్ నిర్మించాలనే ఆలోచనలు వున్నారు.