Ram Charan: RC దీపావళి పార్టీలో వెంకటేశ్, మహేశ్, Ntr.. ఫొటోలు వైరల్

Ram Charan: దీపావళి (Diwali) వేడుకలు దేశవ్యాప్తంగా సంబరంగా జరుగుతున్నాయి. పిల్లల ఆనందాలు.. దీపావళి క్రాకర్స్ తో అంతటా సందడి నెలకొంది. ఇక సినీ పరిశ్రమ ప్రముఖులు కూడా అంతే సంబరంగా పండగ జరుపుకుంటారు. దీనిని నిజం చేస్తూ గ్లోబల్ స్టార్ రామ్ చరణ్ (Ram Charan) దంపతులు శనివారం రాత్రి హైదరాబాద్ లోని తమ నివాసంలో ఘనంగా పార్టీ ఏర్పాటు చేశారు. వేడుకలకు వెంకటేశ్ (Venkatesh), మహేశ్ (Mahesh) -నమ్రత, ఎన్టీఆర్ (Jr Ntr) -ప్రణతితోపాటు పలువురు సినీ సెలబ్రిటీలు, దర్శక నిర్మాతలు హాజరయ్యారు.

ఇందుకు సంబంధించిన పొటోలు, వీడియోలు నెట్టింట వైరల్ అయ్యాయి. రామ్ చరణ్-ఉపాసన దంపతులు ముద్దుల తనయ క్లింకారకు ఇది మొదటి దీపావళి కావడంతో ఈ గ్రాండ్ పార్టీ ఏర్పాటు చేసినట్టు తెలుస్తోంది. ఎన్టీఆర్, మహేశ్ వేడుకలకు హాజరవుతున్న వీడియోలు కూడా వైరల్ అవుతున్నాయి. దీంతో ఆయా హీరోల ఫ్యాన్స్ లో జోష్ నెలకొంది. హీరోలంతా ఒకచోట చేరి సెలబ్రేషన్స్ చేసుకోవడం ఆకట్టుకుంటోంది. కెరీర్ పరంగా రామ్ చరణ్ గేమ్ చేంజర్ తోపాటు బుచ్చిబాబు దర్శకత్వంలో సినిమా చేయనున్నారు.