రైతు భరోసా.. అంటూ వైఎస్సార్ కాంగ్రెస్ ప్రభుత్వం ఆంధ్రప్రదేశ్లో ఓ ప్రతిష్టాత్మకమైన సంక్షేమ పథకానికి శ్రీకారం చుట్టిన విషయం విదితమే. రైతులకు పెట్టుబడి సాయం అందించే పథకమిది. ఈ పథకం కింద లబ్దిదారు జాబితాలో మంత్రి ఆదిమూలపు సురేష్ పేరు నమోదవడం రాజకీయంగా పెను దుమారమే రేపింది. అయితే, మంత్రిగారు హుటాహుటిన డ్యామేజీ కంట్రోల్ చర్యలకు దిగారు. తన పేరు ఆ లిస్ట్లోకి ఎలా వచ్చిందంటూ ఉన్నతాధికారుల్ని నిలదీశారు. తాను రైతు భరోసా కోసం దరఖాస్తు చేసుకోలేదని, సాంకేతిక తప్పిదం కారణంగా ఇది జరిగి వుండొచ్చనీ మంత్రి వివరణ ఇచ్చుకున్నారు.
కానీ, గ్రామ వాలంటీర్ పోస్టులు.. గ్రామ, వార్డు సచివాలయ ఉద్యోగాలు పార్టీ కార్యకర్తలకే ఇచ్చుకుంటున్నట్లు ఇప్పటికే వైసీపీ ఎంపీ విజయసాయిరెడ్డి ప్రకటించిన దరిమిలా, రైతు భరోసా పథకం కూడా వైసీపీ జెండాలకే కట్టబెడుతున్నారా.? అన్న అనుమానాలకు మరింత బలం చేకూరుతోంది. మరోపక్క, జరిగిన పొరపాటుపై అధికార పార్టీ మల్లగుల్లాలు పడ్తోంది. అసలే విజయసాయిరెడ్డి వ్యాఖ్యలతో పార్టీ పరువు బజార్న పడిపోయిన దరిమిలా, ఇప్పుడు ఇంకో పొరపాటు జరగడంతో ముఖ్యమంత్రి వైఎస్ జగన్ కూడా అధికారులపైనా, పార్టీ ముఖ్య నేతలు, మంత్రులపైనా అసహనం వ్యక్తం చేసినట్లు తెలుస్తోంది.
కాగా, క్యాబినెట్లో పలువురు మంత్రుల పని తీరు ఏమాత్రం బాగాలేదని ఇప్పటికే పలుమార్లు అంతర్గతంగా ఆయా మంత్రుల్ని మందలించిన వైఎస్ జగన్, త్వరలోనే పలువురు మంత్రులకు షాక్ ఇవ్వబోతున్నారనే ప్రచారం జరుగుతుండడం గమనార్హం. ‘చిన్న చిన్న పొరపాట్లు.. సాంకేతిక సమస్యలు..’ అంటూ కుంటి సాకులు చూపడం తగదని, ప్రతిష్టాత్మకంగా తెరపైకి తెస్తున్న పథకాల్లో ఏ మాత్రం లోటుపాట్లు జరిగినా.. పార్టీ పరువు పోతుందని వైఎస్ జగన్ భావిస్తున్నారు. కానీ, కింది స్థాయి నేతలు.. కొందరు అధికారుల అత్యుత్సాహం.. వెరసి, సంక్షేమ పథకాలు అధికార పార్టీకి మాత్రమే దక్కుతున్నాయన్న విమర్శలు చాలా చాలా గట్టిగా విన్పిస్తున్నాయి.
183148 637761I quite pleased to discover this website on bing, just what I was seeking for : D too bookmarked . 169340
3118 828784Really good style and amazing content material material , nothing else we want : D. 105456
52354 855622You will discover some fascinating points in time in this post but I do not know if I see all of them center to heart. Theres some validity but I will take hold opinion until I appear into it further. Wonderful post , thanks and we want a lot a lot more! Added to FeedBurner too 621363