పవర్ స్టార్ పవన్ కళ్యాణ్( Pavan Kalyan) కీలక పాత్రలో నటించిన చిత్రం ‘బ్రో'(BRO). సాయి ధరమ్ తేజ్( Sai Dharam Tej) హీరోగా నటించాడు. ఈ సినిమా నిన్న విడుదలై పాజిటివ్ టాక్ తో దూసుకుపోతోంది. అయితే ఇందులో ఓ సన్నివేశం ఏపీ మంత్రి అంబటి రాంబాబును ఇమిటేట్ చేసే విధంగా ఉందంటూ నిన్నటి నుంచి సోషల్ మీడియాలో పోస్టులు దర్శనమిస్తున్నాయి. వీటిపై అంబటి మంత్రి అంబటి రాంబాబు కూడా వ్యంగ్యాస్త్రాలు విసిరారు.
తనపై కోపంతోనే సినిమాలో అలాంటి సన్నివేశం పెట్టారని మండిపడ్డారు. అయితే అంబటి వ్యాఖ్యలపై నటుడు పృథ్వీరాజ్ స్పందించారు. ఇమిటేట్ చేయడానికి ఆయన ఆస్కార్ స్థాయి నటుడు కాదంటూ కౌంటర్లు విసిరారు. ఆ సన్నివేశంలోని డాన్స్ మంత్రి వేసిన డాన్స్ లాగే ఉందని వాళ్ళు భ్రమ పడుతున్నారని నిజానికి తమకంటే అంబటి రాంబాబు బాగా డాన్స్ చేశారని సెటైర్ వేశారు. పవర్ స్టార్ పవన్ కళ్యాణ్ విశ్వరూపం చూపించిన సినిమా ‘బ్రో’ అని అన్నారు.
సముద్రఖని దర్శకత్వం వహించిన ‘బ్రో’ సక్సెస్ టాక్ తో దూసుకుపోతోంది. అయితే ఈ సినిమాపై కొందరు నెగిటివ్ కామెంట్లు చేస్తున్నారు. సంక్రాంతి సంబరాల్లో భాగంగా మంత్రి అంబటి రాంబాబు డాన్స్ చేసిన వీడియో అప్పట్లో బాగా వైరల్ అయింది. ‘బ్రో’ సినిమాలోను పృధ్విరాజ్ డాన్స్ చేసే సన్నివేశం ఒకటి ఉంది. సినిమాలో సీన్ ని మంత్రి వీడియోతో కంపేర్ చేస్తూ కొందరు పోస్టులు పెడుతున్నారు. వాటిపై మంత్రి రాంబాబు సెటైర్లు వేయగా.. పృధ్విరాజ్ తాజాగా మంత్రి వ్యాఖ్యలను ఖండించారు.