Prashanth Varma: జనవరి 12న సంక్రాంతికి విడుదల కాబోతున్న ‘హను-మాన్’ (Hanuman)పై భారీ అంచనాలే ఉన్నాయి. ప్రశాంత్ వర్మ (Prashanth Varma) దర్శకత్వంలో తెరకెక్కిన సినిమాలో తేజ సజ్జా (Teja Sajja) హీరోగా నటించారు. సినిమాలో స్టార్ హీరో కాకుండా తేజను హీరోను తీసుకోవడానికి కారణమేంటనే ప్రశ్నకు ఓ ఇంటర్వ్యూలో దర్శకుడు ప్రశాంత్ వర్మ సమాధానం ఇచ్చారు.
‘తేజ ఎంతో ప్రతిభావంతుడు. అతనికీ నాకు మధ్య ఎప్పుడూ సినిమా విషయాలే చర్చకు వస్తాయి. పనిలో మా ఇద్దరి ఆలోచనలు కలుస్తూంటాయి. నటన రాని వాళ్ల నుంచి నటన రాబట్టుకునేంత గొప్ప దర్శకుడిని కాదు. అద్భుతమైన నటన అతనిలో ఉంది. అందరికంటే ముందే సెట్లో ఉంటాడు. అందుకే నాకు తేజ కరెక్ట్’ అని అన్నారు.
అంజనాద్రి అనే కల్పిత ప్రదేశంలో జరిగిన కథ. హనుమంతుడి శక్తుల్ని పొంది అంజనాద్రి కోసం హీరో పోరాటమే సినిమా. తెలుగుతోపాటు పలు భారతీయ భాషలు, విదేశీ భాషల్లోనూ సినిమా విడుదల కాబోతోంది. సినిమాలో కోటి అనే వానరం పాత్ర కీలకం కానుంది. రవితేజ డబ్బింగ్ చెప్పడం విశేషం.