జగన్ ను హెచ్చరించిన పవన్.. ఆ ఎంపీతో జాగ్రత్త..

వైఎస్ జగన్ మేనియాతో చాలామంది గత ఎన్నికల్లో పోటీ చేసి విజయం సాధించారు. కనీసం వాళ్ళ ముఖాలు ప్రజలకు తెలియకపోయినా జగన్ మేనియా, ఫ్యాన్ గుర్తు చూసి ఓటు వేశారు. అలాంటి వ్యక్తుల్లో హిందూపురం ఎంపీ గోరంట్ల మాధవ్ ఒకరు. అంతకు ముందు అయన సిఐగా పనిచేసిన సంగతి తెలిసిందే. ఎన్నికలకు ముందు అయన తన పదవికి రాజీనామా చేసి వైకాపాలో జాయిన్ అయ్యారు.

వైకాపాలో జాయిన్ అయ్యాక ఫ్యాన్ గాలిలో అయన కూడా విజయం సాధించాడు. అనంతపురం పాలిటిక్స్ అంటే గుర్తుకు వచ్చేది జెసి సోదరులు. జెసి దివాకర్ రెడ్డి కాంగ్రెస్ పార్టీ నుంచి గతంలో తెలుగుదేశం పార్టీలో జాయిన్ అయ్యారు. 2014 నుంచి తెలుగుదేశం పార్టీలో కొనసాగుతున్నారు. ఇటీవలే చంద్రబాబు నాయుడు అనంతపురం జిల్లాలో పర్యటించారు. అక్కడి నాయకులు కార్యకర్తలతో మాట్లాడారు. ఈ సమయంలో జెసి దివాకర్ రెడ్డి పోలీసుల గురించి కొన్ని వ్యాఖ్యలు చేశారు.

వచ్చేది తెలుగుదేశం ప్రభుత్వమే అని, పోలీసుల చేత బూట్లు నాకిస్తాను అని చెప్పడం వివాదాస్పదంగా మారింది. దీనిపై ఎంపీ గోరంట్ల మాధవ్ స్పందించి, పోలీసుల బూట్లు శుభ్రం చేసి, వాటిని ముద్దాడాడు. నాయకులకు రక్షణ కల్పించేది పోలీసులే అని గుర్తుపెట్టుకోవాలని పోలీసులు లేకుంటే మీకు రక్షణ ఉండదని అన్నారు. దీనిపై జెసి కుమారుడు పవన్ స్పందించి కొన్ని వ్యాఖ్యలు చేశారు.

గోరంట్ల మాధవ్ జగన్ మేనియాతోనే గెలిచారని, ఒకేసారి మీసం టిప్పు ఎంపీ అయ్యారని, ఇప్పుడు బూట్లు ముద్దాడి జగన్ సీఎం కావాలని చూస్తున్నారని, జగన్ ఆ ఎంపీతో జాగ్రత్తగా ఉండాలని అన్నారు. ప్రతిపక్షంలో ఉన్నప్పటి జగన్ కు, ముఖ్యమంత్రి అయ్యాక ఉన్న జగన్ కు చాలా తేడా ఉందని, ప్రతిపక్షంలో ఉన్న ఆవేశం ముఖ్యమంత్రి అయ్యాక ఉండదని, రాజకీయాలంటే అలానే ఉంటాయని అన్నారు.

ఎన్నికలకు ముందు వైకాపా నుంచి అఫర్ వచ్చినా తెలుగుదేశం పార్టీలోనే కొనసాగాలని నిర్ణయం తీసుకున్నామని, అందుకే తెలుగుదేశం పార్టీతోనే కొనసాగుతున్నామని పవన్ పేర్కొన్నారు. మరి పవన్ చెప్పినట్టుగా ఆ ఎంపీతో జగన్ కు ఇబ్బంది ఉంటుందా చూద్దాం.