నరేంద్ర మోడీతో పవన్ కళ్యాణ్.! మరి, పవన్ కళ్యాణ్‌తో మోడీ.?

‘నాతో పవవన్ వున్నారు’ అని ప్రధాన మంత్రి నరేంద్ర మోడీ చెప్పడం, చాలా చాలా చాలా పెద్ద పొలిటికల్ స్టేట్‌మెంట్‌గానే చెప్పుకోవచ్చు.! ఏదో ఆషామాషీగా ప్రధాని నరేంద్ర మోడీ ఈ మాట అనేస్తారని ఎలా అనుకోగలం.?

లక్షలాది మంది ప్రత్యక్షంగా, కోట్లాది మంది టీవీ సెట్ల ద్వారా వీక్షిస్తున్న ఓ బహిరంగ సభ సాక్షిగా, ‘నాతో పవన్ వున్నారు..’ అని ప్రధాని నరేంద్ర మోడీ చెప్పడం పట్ల, రాజకీయ విశ్లేషకులే ఆశ్చర్యపోతున్నారు. ఏ రాజకీయ నాయకుడి విషయంలోనూ ఇంతవరకు ప్రధాన మంత్రి నరేంద్ర మోడీ ఇలా మాట్లాడింది లేదు.

గతంలోనూ నరేంద్ర మోడీ – పవన్ కళ్యాణ్ కలిసి పలు రాజకీయ వేదికలపై కనిపించారు. కానీ, ఈసారి చాలా చాలా ప్రత్యేకం.! తెలంగాణ అసెంబ్లీ ఎన్నికల్లో 8 చోట్ల జనసేన, మిగిలిన చోట్ల బీజేపీ.. పోటీ చేస్తున్నాయి. ఈ రెండు పార్టీల పొత్తు, తెలంగాణ రాజకీయాల్లో ఎలాంటి సమీకరణాలకు కారణమవుతుందన్నది ముందు ముందు తేలుతుంది.

కానీ, ఆంధ్రప్రదేశ్ రాజకీయాల్లో ఈ కాంబినేషన్ గురించే ఎక్కువమంది ఎదురుచూస్తున్నారు. ఈ కాంబినేషన్‌లోకి టీడీపీ ఎంట్రీ ఇస్తుందా.? ఇవ్వకపోతే పరిస్థితేంటి.? ఇప్పటికే టీడీపీతో పొత్తుని జనసేనాని ఖాయం చేశారు కదా.?

‘నాతో పవన్ వున్నారు’ అనే స్టేట్‌మెంట్ ప్రధాని నరేంద్ర మోడీ ఇచ్చారంటే, ఏపీలోనూ.. అదే కాంబినేషన్ రిపీట్ అవుతుందన్నమాట. అయితే, ‘పవన్ కళ్యాణ్‌తో నేనున్నాను..’ అని ఏపీ రాజకీయాల్లో ప్రధాని నరేంద్ర మోడీ చెప్పాల్సి వుంటుంది. చెబుతారా మరి.? చెబితే, మాత్రం అదో పెద్ద సంచలనమే అవుతుంది.

చెప్పడానికి ముందు, ఏపీ రాజకీయాలకు సంబంధించి ప్రధాని నరేంద్ర మోడీ కొన్ని కీలక నిర్ణయాలు తీసుకోవాల్సి వుంటుంది. బీజేపీ కీలక నేతగా, ప్రధానిగా.. ఈ కీలక నిర్ణయాల్ని మోడీ తీసుకోగలిగితే, ఈ కాంబినేషన్ ఏపీ రాజకీయాల్లో సృష్టించే సంచలనాలు వేరే లెవల్‌లో వుంటాయ్.