‘మాహిష్మతీ ఊపిరి పీల్చుకో..’ అంటూ అప్పుడే సోషల్ మీడియాలో మీమ్స్ పెద్దయెత్తున హల్‌చల్‌ చేసేస్తున్నాయి ‘కరోనా లాక్ డౌన్’ నుంచి కాసిన్ని సడలింపులు రానుండడంపై. ఈ నెల 20 నుంచి సడలింపులు అమల్లోకి వస్తాయి. హాట్‌స్పాట్స్‌ మినహా, మిగిలిన ప్రాంతాల్లో కొంత సడలింపు ఇవ్వాలని కేంద్రం భావిస్తున్న విషయం విదితమే. ఈ మేరకు మార్గదర్శకాలు కూడా విడుదలయ్యాయి. ఇకనేం, జనం అప్పుడే రోడ్లెక్కి హల్‌ చల్‌ చేసేయడానికి పెర్‌ఫెక్ట్‌ ప్లానింగ్‌తో సిద్ధమయిపోతున్నారు.
‘కాఫీ షాప్స్‌ తెరుచుకుంటాయా.? పండగ చేసేసుకుందాం..’ అంటూ వాట్సాప్‌లో మంతనాలు జరుగుతున్నాయి. ‘సినిమా ది¸యేటర్లు, షాపింగ్‌ మాల్స్‌ తెరిచేస్తే బావుండేదేమో..’ అని ఇంకొందరు అభిప్రాయపడుతున్నారు. ‘మేం ఆఫీసుకు వెళ్ళిపోతాం..’ అని మరికొందరంటున్నారు. అయితే, ‘లాక్ డౌన్’ సడలింపుకి సంబంధించి కొన్ని షరతులున్నాయి. ఆ షరతులకు లోబడి మాత్రమే ‘సడలింపులు’ వుంటాయి. ఏమాత్రం షరతుల్ని ఉల్లంఘించినా, పరిస్థితి మళ్ళీ మొదటికొచ్చేస్తుంది. కాదు కాదు, మరింత తీవ్రతమైన పరిస్థితి ఏర్పడుతుంది.
నిన్నటికీ, ఈ రోజుకీ పరిస్థితులు మారిపోతున్నాయి. తెలంగాణలో తీసుకుంటే, మొన్న ఒక రోజు కేవలం 10 లోపు కరోనా పాజిటివ్‌ కేసులు నమోదయ్యాయి. అంతా ఊపిరి పీల్చుకునేలోపు, మరుసటి రోజు 50 కేసులు నమోదయ్యాయి. కేసులు నమోదవడంలేదని అంటే, దానర్థం కరోనా పాజిటివ్‌ కేసులు లేవని కాదు. అప్పటికి తీసిన శాంపిల్స్‌లో కరోనా కేసులు తక్కువగా వున్నాయని మాత్రమే. దేశంలో చాలా చోట్ల మారు మూల పల్లెటూళ్ళకీ కరోనా వైరస్‌ పాకేసిందని గణాంకాలు చెబుతున్నాయి. దాంతో, ఏమాత్రం లైట్‌ తీసుకున్నా.. పరిస్థితి అత్యంత దారుణంగా తయారవుతుంది.
కరోనా వైరస్‌ విషయంలో ‘లాక్ డౌన్’ అనేది ప్రతి ఒక్కరి బాధ్యత. సోషల్ డిస్టెన్స్‌ పాటించడం అనేది మనకి అవసరం. ప్రతి ఒక్కరూ ఈ విషయాన్ని గుర్తు పెట్టుకోవాల్సిందే. దేశ ఆర్థిక పరిస్థితి సహా అనేక అంశాల్ని పరిగణనలోకి తీసుకుని కేంద్రం సడలింపులకు సిద్ధమవుతున్న వేళ, ప్రజలుగా బాధ్యతను విస్మరిస్తే.. సమాజానికి ద్రోహం చేసినవాళ్ళమవుతాం.
372215 690003Safest messages, or a toasts. are generally launched at 1 point during the wedding but are likely to just be hilarious, humorous to unusual as effectively. very best man jokes 951010